SHKRIMI
e premte, 22 mars 2019

ADIL FETAHU: 'DUHET TA PRANOJMË SE SHQIPËRIA E MADHE DO FORMOHET' (MILLOVAN DRECUN)

Prishtinë, 10 shkurt 2019: Kështu deklaroi njëri nga propaganduesit më të njohur, malazezi i konvertuar në serb, Millovan Drecun, kryetar i Këshillit për Kosovë e Metohi, në Kuvendin e Serbisë, lajmëron B=92.

Drecun ka vlerësuar se krijimi i Shqipërisë së Madhe është proces i pandalshëm. Kjo do “arrihet në këtë apo atë formë”, dhe do bëhet për t’i krijuar Serbisë baraspeshë, që sipas madhësisë së territorit, resurseve dhe demografisë, mund t’i kundërvihet.

“Ky është vlerësim real gjeopolitik dhe kjo është në interes të vendeve të Perëndimit. Është e qartë, se ata nuk e kundërshtojnë formimin e Shqipërisë së Madhe”, ka thënë Drecun, në një intervistë për Televizionin “Pink”, duke shtuar se “nuk duhet të jemi aq të verbët sa të mos e shohim se në shekullin 21 do ta kemi Shqipërinë e Madhe. Këtë fakt duhet ta pranojmë, në mënyrë që të mos rrëshqasim në terren të sjelljes politike joracionale”, ka thënë Drecun.

Sipas fjalëve të tij, “Gjithçka që bëhet, po bëhet për të grabitë territorin tonë, ndërsa formimi i Shqipërisë së Madhe “është proces jocivilizues, çrregullues dhe destabilizues. Si ngjarje qenësore të vitit të kaluar, Drecun e ka vlerësuar Letrën e kryetarit amerikan Donald Tramp, që, sipas tij, “krijon hapësirë për bisedimet për Kosovën e Metohinë”, që pritet të zhvillohen sivjet.

Sipas Drecunit, Prishtina do të detyrohet ta heqë taksën në mallërat serbe, ngase kjo do ishte sfidë e madhe për Shqiptarët që ta bllokojnë nismën e Trampit dhe qëndrimin e Rusisë se problemi I Kosovës duhet të zgjidhet.



“Është e qartë se Serbia nuk do të lejojë që për Kosovën të merret vendim I njëanshëm”, ka thënë Drecun, kur ka folur për vizitën e kryetarit të Rusisë, Vlladimir Putin (më 17 janar, v.j.), dhe ka shtuar se këtë vit fjalën kryesore rreth çështjes së Kosovës do ta kenë fuqitë e mëdha: Vashingtoni, Moska dhe Pekini.

Duhet të jemi të vetëdijshëm se me çfarë kapacitetesh disponon Rusia kur është fjala për zgjidhjen e problemit të Kosovës. “Rusia na duhet për të na forcuar te Amerika, sepse Rusia na mbështetë neve, ndërsa amerikanët e dijnë se asnjë zgjidhje nuk mund të bëhet pa pajtimin e saj", ka thënë Drecun.

Sipas trasmetimeve të mediave serbe: “B=92”, “Vesti”, “Analitika”, “Naslovi.net”, “Politika”, “Kurir”, etj., ky vlerësim dhe kjo deklaratë e Drecunit e paska shokuar opinionin në Serbi.

Po çka thotë patriarku serb për Kosmetin?

Si gjithnjë, patriarku i Kishës Orthodokse Serbe, Irinej, në natën e buzmit të Krishtlindjes orthodokse, në një intervistë dhënë gazetës “Kurir”, ka thënë: “Në Kosovë e Metohi po ndodh ajo që mendja e shëndoshë nuk mund ta pranojë; zgjërimi i Shqipërisë në dëm të Serbisë, të Serbëve dhe të Shtetit serb, e që kurrë nuk mund të pranohet. Mjerisht, për shkak të dofarë intersash, Shqipëria është bërë e perkëdhelura e shumë shteteve, edhe të Amerikës edhe të një pjese të madhe të Evropës. Është me rëndësi të dihet, përse po ndodhë kjo kështu, cilat janë shkaqet dhe cilat janë interesat e tyre? Gjithësesi kanë ndonjë interes, ose në një mënyrë Shqiptarët i kanë ble, dhe e dijmë se si bëhet kjo sot, prandaj në këtë mënyrë e kanë fituar besimin e tyre, mbrojtjen e tyre dhe ndihmën e tyre. Mjerisht, tërë këtë e sheh Europa, shumë çuditën dhe iu dhimbset rasti, por askush nuk ndërmerr asgjë për të penguar zgjërimin e një shteti të vogël, i cili po don të zgjërohet duke marrë territoret tona më të shenjta, e cila kurrë nuk ka qenë koloni veçse ka qenë toka amë serbe, në të cilën janë zhvilluar ngjarje të mëdha të historisë së popullit serb. Gjithçka që është pozitive dhe e vlefshme për popullit serb, e ka zanafillën në Kosovë e Metohi, atje është zhvilluar: shteti, ligjëshmëria, arsimi, kultura, atje janë objektet tona të shenjta më të mëdha. Dhe po duan të na i rrëmbejnë… Ne këtë nuk mund ta pranojmë kurrë dhe jemi të detyruar që me të gjitha forcat tona, në rend të parë në mënyrë njerëzore dhe me metoda njerëzore, ta mbrojmë vendin tonë të shenjtë, ato objekte të shenjta, të cilat po duan të na i marrin dhe t’i shpallin dofar “objektesh të shenjta të Kosovës”, e ato nuk janë të Kosovës, por ato janë të shenjta serbe, të shenjta të kishës sonë dhe të popullit tonë. Ata po kërkojnë që t’ua falim, që këtë ta bëjë Serbia dhe populli serb. Këtë ne kurrë dhe nën kurrëfar kushtesh nuk guxojmë ta bëjmë. Kemi detyrë t’i mbrojmë në mënyrë humane e njerëzore, duke respektur secilin, por para së gjithash duke respektuar vetveten, historinë tonë dhe kulturën tonë. Kjo dëshirë, për zgjërimin e Shqipërisë në dëm të Serbisë, të Serbëve dhe të Shtetit serb, kurrë nuk mund të pranohet”, - përfundon porosinë e tij luftënxitëse, i pari i Kishës Ortodokse Serbe, në festën e Krishtlindjes, kur sipas “Shkrimit të shejtë”, do duhej të jepte porosi paqe midis njerëzve e popujve, e jo porosi luftënxitëse, sikur t’ishte ministër i mbrojtjes!


kthehu

SHKRIMET E FUNDIT

FOTOLAJM

FOTODËSHMI

  • Deshmoret e Kombit
  • Xhemajli Berisha
  • Shaban, Adem e Hamëz Jashari
  • Mehë Uka
  • Tahir Sinani
  • Ridvan Qazimi - Komandant Lleshi
  • Xheladin Gashi - Plaku
  • Jashar Salihu
  • Xhemajl Fetahaj
  • Agim Ramadani
  • Indrit Cara - Kavaja
  • Mujë Krasniqi - Kapuçi
  • Abedin Rexha - Sandokani
  • Fehmi i Xheve Lladrovci
  • Remzi Ademaj, Xhevat e Seladin Berisha
  • Bekim Berisha - ABEja
  • Ilir Konushevci
  • Ismet Jashari - Kumanova
  • Luan Haradinaj
  • Adrian Krasniqi
  • Zahir Pajaziti, Edmond Hoxha dhe Hakif Zejnullahu
  • Bahri Fazliu dhe Agron Rrahmani
  • Adem Jashari
  • Ahmet Haxhiu
  • Fadil Vata
  • Ukshin Hoti
  • Afrim Zhitia dhe Fahri Fazliu
  • Rexhep Mala dhe Nuhi Berisha
  • Jusuf Gërvalla dhe Kadri Zeka
  • Naser Hajrizi
  • Adem Demaçi
  • Metush Krasniqi
  • Zekeria Rexha
  • Xheladin Hana
  • Musine Kokollari
  • Marije Shllaku
  • Gjon Serreçi
  • Qemal Stafa
  • Mulla Idriz Gjilani
  • Shaban Polluzha
  • Avni Rrustemi
  • Azem e Shote Galica
  • Asdreni
  • Migjeni
  • Ndre Mjeda
  • Shtjefën Gjeqovi
  • Faik Konica
  • Fan Noli
  • Gjergj Fishta
  • Bajram Curri
  • Isa Boletini
  • Idriz Seferi
  • Hasan Prishtina
  • Luigj Gurakuqi
  • Ismail Qemali
  • Dedë Gjo Luli
  • Çerqiz Topulli dhe Mihal Grameno
  • Mehmet Pashë Deralla
  • Vaso Pashë Shkodrani
  • Naum Veçilharxhi
  • Haxhi Zeka
  • Mic Sokoli
  • Naim Frashëri
  • Sami Frashëri
  • Sylejman Vokshi
  • Ymer Prizreni
  • Ali Pashë Gucia
  • Abdyl Frashëri
  • Jeronim De Rada
  • Marko Boçari
  • Bubulina
  • Pjetër Bogdani
  • Lekë Dukagjini
  • Gj.K.Skënderbeu
  • Teuta
  • Kostandini i Madh
  • Leka i Madh
  • Iliria

VIDEO

Fazli Berisha - Pashtrik

Selver Mackaj 2

Copyright © 2006 - 2012 Portali Pashtriku.org - Të gjitha të drejtat e rezervuara.     Zhvilluar nga: AlbaProject Networks