SHKRIMI
e enjte, 05 dhjetor 2019

Skënder Sadri KAPITI:Arsyet pse nuk i “pëlqen” Tiranës fitorja e Albin Kurtit ?

Tiranë, 23 tetor 2019: Politikës së Tiranës nuk i pëlqeu fitorja e Albin Kurtit, sepse politika e Tiranës është e xhveshur krejtësisht nga interesimi dhe vizioni patriotik e kombëtar. Kjo është e para, dhe të tjera arësye vijnë më pas si: jodemokraciteti politik i brëndshëm i partive politike në Shqipëri; korrupsioni, hajdutëria, tradhëtia e mashtrimet publike, pra ato janë parti shumë të dështuara dhe të konsumuara nga dështimi dhe autoritarizmi. Albini dhe VETVENDOSJA fituan, pikërisht duke mundur edhe në Kosovë këtë filozofi e praktikë politike që e sundon Shqipërinë që prej 30 vitesh pluralizëm demokratik.

“Mospëlqimi” i fitores se Albin Kurtit, por as edhe e Vjosa Osmanit nga politika e Tiranës, arsyeja se përse Tiranës nuk i “pëlqen” fitorja e tyre është po ajo e “elitës” politike kosovare e cila u ndëshkua me meritë me 6 Tetor 2019.

Cila është kjo arsye?

Politika e Tiranës ka frikë nga një lëvizje politike antiestablishment, lëvizje e cila do ta ndëshkonte të gjithë elitën politike thellësisht dështake të Tiranës në të gjitha përmasat dhe aspektet shteformuese, si një elitë politike keqshtetfuksionale, jodemokratike, politikë e interesave personale kundër interesave publike, kundër asaj të interesit të përgjithshëm dhe të atij kombëtar; një politikë shterpë, kundraproduktive dhe kundraintegruese për në BE.

Nga një keqpolitikë e tillë e Tiranës ishte infektuar rëndë edhe politika e Shtetit të Ri të Kosovës, nga po ato “sëmundje”që është e sëmurë rëndë politika e Tiranës, si: krimi, korrupsioni, hajdutëria, mosinteresi kombëtër, tradhëtia, gënjeshtrat, mashtrimet, matrapazllëqet, spekulimet e intrigat dhe nga dështimet demokratike, juridike, ekonomike, zhvillimore dhe nga mosintegrimi në BE.

Rezultati i deshtimeve të të dy elitave politike që e dominuan Kosovën dhe të asaj që akoma e sundon Shqipërinë ishte dhe vazhdon të jetë eksodi, braktisja dhe boshatisja e Shqipërisë dhe e Kosovës nga shqiptarët , sidomos nga rinia.

Kosova me 6 Tetor 2019, foli dhe e ndëshkoi elitën e vjetër politike.

Dhe Tirana ka frikë se mos shëmbullin e Kosovës tani do ta aplikojë votuesi shqiptar në Shqipëri, ndëshkimin e elitës politike që e ka keqqeverisur dhe sunduar shtetin , shoqërinë dhe demokracinë në Shqipëri që prej 30 vitesh. Kjo është arësyeja se përse politikës së Tiranës nuk i pëlqen fitorja jo vetëm e Albinit dhe e VETËVENDOSJES, por as ajo Vjosa Osmanit në Kosovë.

Nuk i pëlqen fitorja e VETËVENDOSJES së Albin Kurtit elitës politike të Tiranës, pasi VËTËVENDOSJA, fitorja e saj është fitore më se e merituar dhe e duhur e nje force politike të re në qevërisje,pra që u votua nga populli dhe që i besohet pushteti, pasi VV nuk ka qeverisur asnjehere , dhe nuk ka qene as pjesë e kualicioneve qeverisëse të cilat janë konsumuar nga korrupsioni, tradhëtia, mashtrimet, krimi dhe papërgjegjshmëria.

Por elitës politike të Tiranë nuk i pëlqen as fitorja e LDK-së, sepse ajo është kryesisht si fitore për meritë të Vjosa Osmanit.

Pse?

Kjo për faktin se pavarësisht se LDK ka qenë në pushtet me PDK-në, fakti që Vjosa Osmani nuk ka qenë pjesë e asaj qeverisjeje të atij kualicioni në pushtet, ky fakt si dhe tjetri që Vjosa ka qenë zëri ndryshe kundër elitës së lidershipit të LDK-së në qëndrimet e saj për probleme madhore si të brëndshme të LDK-së, por sidomos për qëndrimet konsekuente dhe parimore të saj për cështje të rëndësisë kombëtare si kundërshitimi i fortë i Vjosës kundër ndarjes së Kosovës; dhe fakti që LDK zgjodhi pikërisht Vjosën si kandidate për kryeministre duke mos qenë kryetare e LDK -së. Kjo përnbën “herezi” për të gjitha partitë politike të Tiranës te të cilat sundon absolutisht diktati i Njëshit, autokracia dhe pushteti i padiskutueshëm i kryetarit,i cili e trajton partinë si pronë të tij.

Te partitë politike shqiptare në Shqipëri sundon parimi leninist: “kur themi partia kuptojmë kryetari, dhe kur themi kryetari kuptojmë partia”.

Partitë politike të Tiranës, asnjëra nuk e dëshiron fitoren e Albin Kurtit edhe për faktin se ai ka një program dhe një vizion të qartë kombëtar, integrimin e madh brëndashqiptar,gjithkombëtar, kombi i pari dhe mbi të gjitha.

Kjo është në antitezë me politikën dhe me politikanët e Tiranës të cilët kanë treguar se të parin kanë interesin personal, pasuror e familjar mbi atë kombëtar, gjë të cilën e kanë verëjtur, konstatuar por edhe e kanë deklaruar madje edhe shumë e shume shtetarë, diplomatë e politikanë ndërkombëtare të shteteve perendimore mike të shqiptarëve. Këto janë shkurtimisht si arësye se përse politikës së Tiranës nuk i pëlqen akoma as deri më sot fitorja e Albin Kurtit, VETËVENDOSJES, por as edhe e Vjosa Osmanit.


kthehu

SHKRIMET E FUNDIT

FOTOLAJM

Gëzuar 28 Nëntorin 1912!

FOTODËSHMI

  • Deshmoret e Kombit
  • Xhemajli Berisha
  • Shaban, Adem e Hamëz Jashari
  • Mehë Uka
  • Tahir Sinani
  • Ridvan Qazimi - Komandant Lleshi
  • Xheladin Gashi - Plaku
  • Jashar Salihu
  • Xhemajl Fetahaj
  • Agim Ramadani
  • Indrit Cara - Kavaja
  • Mujë Krasniqi - Kapuçi
  • Abedin Rexha - Sandokani
  • Fehmi i Xheve Lladrovci
  • Remzi Ademaj, Xhevat e Seladin Berisha
  • Bekim Berisha - ABEja
  • Ilir Konushevci
  • Ismet Jashari - Kumanova
  • Luan Haradinaj
  • Adrian Krasniqi
  • Zahir Pajaziti, Edmond Hoxha dhe Hakif Zejnullahu
  • Bahri Fazliu dhe Agron Rrahmani
  • Adem Jashari
  • Ahmet Haxhiu
  • Fadil Vata
  • Ukshin Hoti
  • Afrim Zhitia dhe Fahri Fazliu
  • Rexhep Mala dhe Nuhi Berisha
  • Jusuf Gërvalla dhe Kadri Zeka
  • Naser Hajrizi
  • Adem Demaçi
  • Metush Krasniqi
  • Zekeria Rexha
  • Xheladin Hana
  • Musine Kokollari
  • Marije Shllaku
  • Gjon Serreçi
  • Qemal Stafa
  • Mulla Idriz Gjilani
  • Shaban Polluzha
  • Avni Rrustemi
  • Azem e Shote Galica
  • Asdreni
  • Migjeni
  • Ndre Mjeda
  • Shtjefën Gjeqovi
  • Faik Konica
  • Fan Noli
  • Gjergj Fishta
  • Bajram Curri
  • Isa Boletini
  • Idriz Seferi
  • Hasan Prishtina
  • Luigj Gurakuqi
  • Ismail Qemali
  • Dedë Gjo Luli
  • Çerqiz Topulli dhe Mihal Grameno
  • Mehmet Pashë Deralla
  • Vaso Pashë Shkodrani
  • Naum Veçilharxhi
  • Haxhi Zeka
  • Mic Sokoli
  • Naim Frashëri
  • Sami Frashëri
  • Sylejman Vokshi
  • Ymer Prizreni
  • Ali Pashë Gucia
  • Abdyl Frashëri
  • Jeronim De Rada
  • Marko Boçari
  • Bubulina
  • Pjetër Bogdani
  • Lekë Dukagjini
  • Gj.K.Skënderbeu
  • Teuta
  • Kostandini i Madh
  • Leka i Madh
  • Iliria

VIDEO

Fazli Berisha - Pashtrik

Selver Mackaj 2

Copyright © 2006 - 2012 Portali Pashtriku.org - Të gjitha të drejtat e rezervuara.     Zhvilluar nga: AlbaProject Networks