SHKRIMI
e hënë, 09 dhjetor 2019

DR.ABDULLA MEHMETI: SI TË TEJKALOHEN INATET, PËRҪARJET DHE NDASITË, QË TË FITOJNË SHQIPTARËT NË MAQEDONI?!

Tetovë, 3 nëntor 2019: Ata që i kanë planifikuar, përgatitur, përkrahur dhe realizuar përçarjet dhe ndarjet e partive politike të shqiptarëve në Maqedoni, që kurrë dy bashkë të mos i bëjnë, e kanë menduar mirë se buka e thyer nuk mund të ngjitet sërish.

Asnjëra parti politike më serioze e shqiptarëve nuk u ka rrezistuar këtyre planeve të ndarjes së tyre, me këtë edhe përçarjes së shqiptarëve për ta dobësuar dhe drobitur fuqinë e tyre politike.

Më së paku shqiptarëve në këtë shtet u janë dashur veprime të tilla dashakeqe dhe destruktive, për ndarjet, përçarjet dhe përplasjet përmbrenda të njëjtave parti, siç ka ndodhur me goditjen e PPD nga PPDSH, më vonë PDSH; të PDSH nga Lëvizja për Reforma në PDSH, më vonë Aleanca për Shqiptarët; të BDI nga Partia Uniteti; të Lëvizjes Besa, nga Partia Alternativa.

Secili nga këto grupime politike i ka argumentet e veta dhe "arsyet" e ndarjes dhe përçarjes, por e vërteta është se, ky model i njëjtë i përdorur në të gjitha rastet, sigurisht që len hapësirë për dyshime, se kjo gjellë nuk ka mundur përherë dhe në mënyrë të njëjtë të gatuhet në kuzhinat shqiptare, por në kuzhinat e organeve të pushtetit dhe shërbimet e huaja sekrete, të cilat sigurisht që kanë pasur ndikim në personat kyç të këtyre përçarjeve dhe ndarjeve, drejtues të partive politike të sotme, të cilat sot përpiqen të sjellin ndryshime në skenën politike për të mirën e shqiptarëve.

Bariu që nuk din t'i ruaj dhentë e tufës së tij, si mund t'i besohet se do t'i ruaj të gjithë dhentë tjera, edhe ato pa barinj, siç janë qytetarët shqiptarë të papërcaktuar në parti politike?

Kryetari i partisë shqiptare në pozitë, BDI, edhe kësaj radhe u ka apeluar partive shqiptare të opozitës që të bëhen bashkë në zgjedhjet e ardhshme parlamantare, si edhe në zgjedhjet e mëparshme. Edhe kryetari i partisë më të madhe shqiptare të opozitës, ASH, u ka bërë thirrje dy partive të tjera, Lëvizjes Besa dhe Partisë Alternativa, njëra në pushtet dhe tjetra në opozitë, që t'i bashkohen asaj në zgjedhjet e ardhshme, me qëllim të arritjes së një fitore të mundshme mbi partitë shqiptare të pozitës, meqë në nivel të shtetit asnjëra nga këto parti nuk ka pretendime dhe shpresa të fitojë, pa u lidhur në bisht të njërit nga dy koalicionet e partive joshqiptare, të udhëhequra nga LSDM apo OBRM-PDUKM (VMRO).

Çfarë duhet të bëjnë shqiptarët në këtë situatë? A ka gjasa dhe shpresa që shqiptarët në këtë shtet të reflektojnë, drejtuesit e partive politike t'i tejkalojnë dallimet mes tyre, ta vendosin interesin e përgjithshëm mbi interesin e partive të tyre, kjo pritet të shihen gjatë muajve në vijim, deri para zgjedhjeve të parakohshme parlamentare të radhës.

Gjatë javës së ardhshme, Këshilli i Intelektualëve Shqiptarë në Maqedoni do të del me qëndrime konkrete për tejkalimin e kësaj situate, me shpresë se do të gjejë përkrahje të gjerë nga qytetarët shqiptarë dhe nga partitë politike të tyre, të cilat në këtë gjendje siç janë me asgjë nuk do ta arsyetojnë humbjen për shkak të inateve mes tyre, duke e dëmtuar kështu edhe më tej çështjen e shqiptarëve në Maqedoni, siç e kanë dëmtuar deri më sot.


kthehu

SHKRIMET E FUNDIT

FOTOLAJM

Gëzuar 28 Nëntorin 1912!

FOTODËSHMI

  • Deshmoret e Kombit
  • Xhemajli Berisha
  • Shaban, Adem e Hamëz Jashari
  • Mehë Uka
  • Tahir Sinani
  • Ridvan Qazimi - Komandant Lleshi
  • Xheladin Gashi - Plaku
  • Jashar Salihu
  • Xhemajl Fetahaj
  • Agim Ramadani
  • Indrit Cara - Kavaja
  • Mujë Krasniqi - Kapuçi
  • Abedin Rexha - Sandokani
  • Fehmi i Xheve Lladrovci
  • Remzi Ademaj, Xhevat e Seladin Berisha
  • Bekim Berisha - ABEja
  • Ilir Konushevci
  • Ismet Jashari - Kumanova
  • Luan Haradinaj
  • Adrian Krasniqi
  • Zahir Pajaziti, Edmond Hoxha dhe Hakif Zejnullahu
  • Bahri Fazliu dhe Agron Rrahmani
  • Adem Jashari
  • Ahmet Haxhiu
  • Fadil Vata
  • Ukshin Hoti
  • Afrim Zhitia dhe Fahri Fazliu
  • Rexhep Mala dhe Nuhi Berisha
  • Jusuf Gërvalla dhe Kadri Zeka
  • Naser Hajrizi
  • Adem Demaçi
  • Metush Krasniqi
  • Zekeria Rexha
  • Xheladin Hana
  • Musine Kokollari
  • Marije Shllaku
  • Gjon Serreçi
  • Qemal Stafa
  • Mulla Idriz Gjilani
  • Shaban Polluzha
  • Avni Rrustemi
  • Azem e Shote Galica
  • Asdreni
  • Migjeni
  • Ndre Mjeda
  • Shtjefën Gjeqovi
  • Faik Konica
  • Fan Noli
  • Gjergj Fishta
  • Bajram Curri
  • Isa Boletini
  • Idriz Seferi
  • Hasan Prishtina
  • Luigj Gurakuqi
  • Ismail Qemali
  • Dedë Gjo Luli
  • Çerqiz Topulli dhe Mihal Grameno
  • Mehmet Pashë Deralla
  • Vaso Pashë Shkodrani
  • Naum Veçilharxhi
  • Haxhi Zeka
  • Mic Sokoli
  • Naim Frashëri
  • Sami Frashëri
  • Sylejman Vokshi
  • Ymer Prizreni
  • Ali Pashë Gucia
  • Abdyl Frashëri
  • Jeronim De Rada
  • Marko Boçari
  • Bubulina
  • Pjetër Bogdani
  • Lekë Dukagjini
  • Gj.K.Skënderbeu
  • Teuta
  • Kostandini i Madh
  • Leka i Madh
  • Iliria

VIDEO

Fazli Berisha - Pashtrik

Selver Mackaj 2

Copyright © 2006 - 2012 Portali Pashtriku.org - Të gjitha të drejtat e rezervuara.     Zhvilluar nga: AlbaProject Networks