SHKRIMI
e diel, 19 gusht 2018

DR.MOIKOM ZEQO: 50 VJET MË PARË, CIKËL ME POEZI PËR SKËNDERBEUN

Tiranë, 8 dhjetor 2017: Në vitin 1967, 50 vjet më parë, në moshën 18 vjeçare, unë shkrova dhe botova një cikël poetik për Gjergj Kastriot Skënderbeun.

Një vit më pas, në 1968, u festua viti jubilar i 500 vjetorit të vdekjes së Heroit Kombëtar të shqiptarëve.

Në paradhomën kohore të këtij 500 vjetori unë i konceptova katër motive për heroizmin e Skënderbeiadës së shekullit XV.

Në 2018 është jubileu i 550 vjetorit të vdekjes së Skënderbeut.

***



- Moikom Zeqo në moshën 18 vjeçare -


Po i jap për botim poezitë e mia të para gjysmë shekulli

Poezia e parë “Skënderbeu” është botuar tek gazeta “Adriatiku” e Durrësit në 13 qershor 1967.

Nuk e kam përfshirë në asnjë nga librat e mi.

Poezitë e tjera „Gurëhedhësit e Skënderbeut“, „Kronikë, shekulli XV“ si dhe „Dhitë e perkrenares“ janë në librin tim poetik „Vegime të vendëlindjes“, botuar në 1968.

SKËNDERBEU

Si bardët këndoj me lirën epike

Lavdinë e kombit, që si Diell ndrit,

Ku klith shqiponja mbi pllaja e brigje

Dhe pendët e moçme me sqep shpupurit.

I shenjtë është ky vend, ky troll shqiptar,

Me mish dhe me shpirt jam i lidhur me të,

Këtu forcën e jetës un e gjej dhe e marr,

Si një dru me rrënjët e shtrira në dhe.

***

Këtu çdo gojëdhënë dhe epope madhështore

Imagjinatën time ma ndez plot me vrull,

Këndoj trimëritë e kreshnikëve heronjve,

Se gjakun e tyre ma kujton çdo muzg.

O shekuj të shkuar, përtëritmini pamjet!

Si një yll që më tepër se të tjerët ndriçon,

Heroin Skënderbe mbi kalin e bardhë,

Mbi një shkëmb të lartë mes mjegullave shoh.

***

Vështrimin krenar hedh në male ai

Dhe ngre mburojën e madhe të rëndë

Nga supet pelerina i valon me furi

Dhe kali i shpejtë tund krifën në erë.

Shqyti i trimit dhe parzmorja e praruar

Vetëtijnë të përflakura në largësi

Mburoja kumbon -gjithmonë ka kumbuar

Si çangë kjo mburojë në luftë për liri.

***

Vegimi i Skënderbeut kudo valëvitet

Si zjarr që s’shuhet gjer në amshim,

Atje pishtari i heroizmave ndizet,

Zemra e popullit të bashkuar dhe trim.

Në shekuj në shkëmbin plot myshk e gdhendur

Në kujtesën e popullit në këngët kreshnike

Gjurma e kalit të tij ka mbetur,

Si fosil i lavdisë mes jehonave të viteve,

***

Si dëshmi e fitoreve që fiset e lira

Korrën në betejat plot klithma dhe tmerr.

***

Me gjurma të tilla plot heroizma

Ka ecur tek ne historia e tërë.

“Adriatiku” 13 qershor1967

GURËHEDHËSIT E SKËNDERBEUT

Sinjale zjarresh

lajmërojnë

për armikun.


 


Dallgë të gurta malesh ngrihen në pritje.


 


Vijnë hordhitë,

(honet hapin varret e tyre)

Daulle.

Pishtarë.

Kavaleri e sulmit.

Topa.

Pushkë stralli.

Shpata.

Heshta.

Kështu sulen hordhitë për të zhdukur

shqiptarët.


 


Po mbi çallmat e tyre

rrinte vetë Vdekja,


si mbi vezët e disfatave të ardhme.

1967

KRONIKË, SHEKULLI XV

I shkëmbtë, i rëndë u hodh përmbi turqit,

Fshatari i rreptë me gjoks

Dhe sëpatë.


 


Kur pa përmes flakëve kasollen dhe grurin

Dhe gruan dhe djalin

Të therur në prag.


 


Një gjë të tillë se kish parë

As në ëndërr:

Familjen të vrarë dhe bukën të djegur.


 


Urrejtja i dha

Njëqind sopata në eshtër,

Sa turqit me çallma i korri sa mundi,


 


Pastaj i përgjakur u shtri,

Për të vdekur,

Pranë gruas së tij, pranë djalit dhe grurit.

1967

DHITË E PËRKRENARES

Se ç’hov plot liri e ngjit mbi humnera

Kopenë e shkathët të dhive,

Mbi pllajat dhe shpatet me bar,

Manaferra,

Në shkurret plot gaz të lajthive.


Dhe ngjiten ato në shtigjet e pjerrëta

Atje ku s’ngjitet njeri,

Me brirët e kthyer tehe të mprehta,

Me tinguj kumborash

Në gji.


Dhe cjapi ogiç tund mjekrën e bardhë

Kopesë në kullota i prin,

Në pellgjet plot ujë të kulluar,

Kristal,

Gazmor dhe krenar blegërin.


Çamarrokët kecër

Kërcejnë majë çukave,

Në gërxhet alpine të dehur,

Nën fletët e thanës me kokrra të kuqe,

Mbi barin e njomë dhe të gjelbër.


Se ç‘vrull plot liri i ngjit sipër honesh,

Dhitë me trup të zhdërvjellët,

Ndaj hidhen

Të shpejta, shkuma përrojesh,

Mbi strall të shkëmbejve dhe gërxhet.


Dhe mbetën ato në kujtesë të kombit,

Në vetë përkrenaren e Gjergj Kastriotit.

1967



kthehu

SHKRIMET E FUNDIT

FOTOLAJM

FOTODËSHMI

  • Deshmoret e Kombit
  • Xhemajli Berisha
  • Shaban, Adem e Hamëz Jashari
  • Mehë Uka
  • Tahir Sinani
  • Ridvan Qazimi - Komandant Lleshi
  • Xheladin Gashi - Plaku
  • Jashar Salihu
  • Xhemajl Fetahaj
  • Agim Ramadani
  • Indrit Cara - Kavaja
  • Mujë Krasniqi - Kapuçi
  • Abedin Rexha - Sandokani
  • Fehmi i Xheve Lladrovci
  • Remzi Ademaj, Xhevat e Seladin Berisha
  • Bekim Berisha - ABEja
  • Ilir Konushevci
  • Ismet Jashari - Kumanova
  • Luan Haradinaj
  • Adrian Krasniqi
  • Zahir Pajaziti, Edmond Hoxha dhe Hakif Zejnullahu
  • Bahri Fazliu dhe Agron Rrahmani
  • Adem Jashari
  • Ahmet Haxhiu
  • Fadil Vata
  • Ukshin Hoti
  • Afrim Zhitia dhe Fahri Fazliu
  • Rexhep Mala dhe Nuhi Berisha
  • Jusuf Gërvalla dhe Kadri Zeka
  • Naser Hajrizi
  • Adem Demaçi
  • Metush Krasniqi
  • Zekeria Rexha
  • Xheladin Hana
  • Musine Kokollari
  • Marije Shllaku
  • Gjon Serreçi
  • Qemal Stafa
  • Mulla Idriz Gjilani
  • Shaban Polluzha
  • Avni Rrustemi
  • Azem e Shote Galica
  • Asdreni
  • Migjeni
  • Ndre Mjeda
  • Shtjefën Gjeqovi
  • Faik Konica
  • Fan Noli
  • Gjergj Fishta
  • Bajram Curri
  • Isa Boletini
  • Idriz Seferi
  • Hasan Prishtina
  • Luigj Gurakuqi
  • Ismail Qemali
  • Dedë Gjo Luli
  • Çerqiz Topulli dhe Mihal Grameno
  • Mehmet Pashë Deralla
  • Vaso Pashë Shkodrani
  • Naum Veçilharxhi
  • Haxhi Zeka
  • Mic Sokoli
  • Naim Frashëri
  • Sami Frashëri
  • Sylejman Vokshi
  • Ymer Prizreni
  • Ali Pashë Gucia
  • Abdyl Frashëri
  • Jeronim De Rada
  • Marko Boçari
  • Bubulina
  • Pjetër Bogdani
  • Lekë Dukagjini
  • Gj.K.Skënderbeu
  • Teuta
  • Kostandini i Madh
  • Leka i Madh
  • Iliria

VIDEO

Selver Mackaj 2

Selver Mackaj 1

Copyright © 2006 - 2012 Portali Pashtriku.org - Të gjitha të drejtat e rezervuara.     Zhvilluar nga: AlbaProject Networks