Ferizaj, 11. 03. 2015 – Në komentin në “New York Times”, me titull “NJË FURTUNË KALOI, TË TJERA PO VINË”, rreth efekteve të Demonstratave të vitit 1981 në Kosovë, gazetari amerikan, David Binder, në mënyrë profetike kishte dhënë paralajmërimin vendimtar se: “Jugosllavizmi, si doktrinë politike-ideologjike, kishte filluar me vetëvarrosjen pikërisht në varrin e mykur të idesë së vet”. Në kuptimin e rëndësisë historike të Pranverës së përgjakshme të vitit 1981, le të kujtojmë vlerësimin shkencor e filozofik të dijetarit, atdhetarit, politikologut e burrështetasit të shquar shqiptar, Ukshin Hoti, sipas të cilit: “Viti 1981 është nyja, zbërthimi i së cilës e mundëson lëvizjen e drejtë të gjërave dhe të proceseve…Vitet tjera nuk ndryshuan historinë, ato i ndihmuan zhvillimit të historisë … Vitet tjera i ndihmuan akumulimit të proceseve, rritjes së kuantitetit. por kërcimin kualitativ, vetë shndërrimin e kuantitetit në kualitet, e bëri vetëm viti 1981”.
Ukshin Hoti -Amaneti i Gjyshit
