AI QË DO TË BËJË SHKENCË…!
“Ai që do të bëjë shkencë, e kërkon dhe e gjen. Më pyesin mua: Kur kini lindur ju zoti Lasgush? Po unë mund ta them datën gabim! Mund të dua të dukem i vogël, a mund të më interesoj të bëhem i madh. Njerëz jemi! Mundet që vërtetë s’e di, ose e di gabim. Ti, që do të bësh shkencë, shko në Pogradec, merr Regjistrin themeltar, kërko në Librat e Kishës dhe gjeje. Po do të humbasësh kohë! Pse, si dashke ti të bësh shkencë, me të pyetur lart e poshtë? Shko, rrëmo bodrumet!”
Lasgush Poradeci (*)
(*) Lasgush Poradeci (27 dhjetor 1899 – 12 nëntor 1987) ka qenë poet, filolog, përkthyes, shkrimtar dhe pionier i letërsisë moderne shqiptare. Ai vlerësohet si një nga shkrimtarët shqiptarë më me ndikim të shekullit të 20-të, veprat e të cilit janë të lidhura drejtpërdrejt me Romantizmin dhe Realizmin.
© Pashtriku.org
