Pashtriku.org, 14. 06. 2015 – Disa Studime kanë treguar se farat e kungullit përmbajnë substanca që me sukses luftojnë qelizat kancerogjene, por gjithashtu janë të mira edhe në luftën kundër disponimit jo të mirë. Këto fara janë të pasura me prоtеinа, mаngаn, fibra, mаgnеz dhe fоsfоr. Gjithashtu përmbajnë sasi të lartë me zink, që është e rëndësishme për imunitet, ndihmojnë në zhvillimin dhe përhapjen e qelizave në organizëm, ndikojnë në gjumë si dhe përmirësojnë shikimin. Ajo që është me rëndësi është fakti se farat e kungullit janë efikase në luftimin e disa llojeve të kancerit dhe kanë efekt kundër inflamacioneve.
***
Farat e kungullit për qëllime mjekësore përdoren tashmë mijëra vite. Janë burim i pasur me magnez, kalcium, kalium, hekur, zink dhe vitaminë K. Zbuloni përparësitë shëndetësore të farave të kungullit dhe konsumoni ato për shëndetin tuaj.
E mundin kancerin
Studimi i shkencëtarëve spanjollë ka zbuluar se farat e kungullit përmbajnë komponentë, të cilët me sukses luftojnë kundër qelizave të kancerit. Në fakt, janë efikase në luftë kundër llojeve të ndryshme të kancerit dhe kanë efekt anti-inflamator. Një studim i shkencëtarëve gjermanë ka ardhur në përfundim që femrat, të cilat kanë kaluar nëpër menopauzë dhe për çdo ditë konsumojnë fara të kungullit, kanë për 23 për qind më pak rrezik nga krijimi i kancerit të gjirit. Efikasitet të njëjtë kanë treguar edhe farat e lulediellit.
Shëndeti i prostatës
Vaji i farave të kungullit përdoret për shërimin e prostatës së rritur. Vaji përmban fitokemikalie dhe antioksidues, të cilat reduktojnë nivelin e radikaleve të lira në organizëm dhe parandalojnë krijimin e qelizave kancerogjene.
Zbusin simptomat e menopauzës
Nëse jeni në kërkim të një mënyre natyrore për përmirësim të humorit ose për zbutje të simptomave të menopauzës, farat e kungullit janë një zgjedhje e shkëlqyeshme. Farat rregullojnë sulmet e ngrohtësisë, dhimbjet e kokës, zvogëlojnë dhimbjet në nyja dhe zvogëlojnë shpeshtësinë e ndryshimeve të papritura të humorit.
Janë të mira për humbje të peshës
Janë burim i pasur me fibra dhe proteina, materie të cilat janë të rëndësishme për humbje të peshës. Vetëm 30 gramë fara të kungullit përmbajnë rreth 5 gramë proteina, gjë që do t’ju mbajë të ngopur për një kohë më të gjatë. Megjithatë, duhet t’i konsumoni me kujdes, sepse një filxhan me fara përmban rreth 285 kalori.
Reduktojnë kolesterolin
Studimet kanë zbuluar se farat e kungullit mund ta reduktojnë nivelin e kolesterolit të keq për 13 për qind, ndërsa nivelin e kolesterolit të përgjithshëm për 10 për qind. Gjithashtu e reduktojnë rrezikun nga krijimi i droçkave të gjakut, sëmundjet e sistemit kardiovaskular, sulmit në zemër dhe në tru.
Mbrojnë nga diabeti
Farat e kungullit janë të pasura me acide të pangopura yndyrore Shkencëtarët kanë konstatuar se janë efikase në rregullimin e nivelit të sheqerit në gjak dhe rritjes së ndjeshmërisë së organizmit ndaj insulinës. Ekspertë të shumtë diabetikëve u rekomandojnë fara të kungullit si ushqim për konsumim të përditshëm.
Lehtësojnë artritin
Shkencëtarët kanë vërtetuar se farat e kungullit kanë ndikim anti-inflamator, që zbut simptomat e artritit. Nëse vuani nga artriti, për çdo ditë konsumoni rreth 30 gramë fara të kungullit, në mënyrë që të lehtësoni simptomat e tij.
Edhe farat e kajsive jane te mira per te sheruar komplet kancerat!