JEMI NJЁ LIS ME DY DEGЁ!
SHOQATA “YJET QË NUK VDESIN”, në bashkëpunim me “INSTITUTIN PËR AVANCIM SHKENCOR”
Prezanton
-Jemi Një Lis me dy Degë !-
Shfaqje Dans Teater
Producent dhe Autor: Prof. dr. Nusret Pllana
Koncepti, Koregrafia dhe Regjia: Prof. msc. Robert Nuha
Kjo shfaqje mendohet të realizohet në muajin Nëntor 2024 dhe të shfaqet në Prishtinë , Tiranë dhe Shkup, për nderë të Festave të Nëntorit të Madh!
Tematika e kësaj shfaqjeje, ndonëse akoma në fillimet e përpunimit dhe fazës së parë të organizimit është e tillë, si për nga tema, por edhe për nga trajta që parashihet të ketë.
Do jetë një shfaqje që do të prekë zemrat dhe mendjet e secilit që do ketë mundësinë ta ndjekë atë. Gjithashtu, Vlera e trajtimit të tematikës së kombit shqiptar në përgjithësi, e luftës së fundit në veçanti(UÇK-së), është vlerë e shtuar në opusin e shfaqjeve kombëtare, duke tentuar gjithashtu të sjellim risi për nga pikpamja e qasjes bashkëkohore dhe ndërtimit koreografik e skenik të saj!
Tematika ndërlidhet me sakrificën e shumë gjeneratave,të cilën sakrificë e kishin, vetëm që ne të jetojmë dhe të frymojmë lirshëm, andaj realizimi i një ngjarjeje të përmasave të tilla kulturore artistike , i një ndërmarrjeje me qëllime të pastërta dhe të qarta, kërkon një impenjim dhe angazhim të gjërë si dhe kërkon mbështetje financiare! Kalibri i tillë i bashkëpunimeve kombëtare, për idealin dhe luftën e ndritur të Ushtrisë Çlirimtare të Kosovës, është një ndërmarrje që përfshinë një gamë të gjërë krijimtarishë artistike dhe artistët më në zë të trojeve arbërore.!
Ky projekt vjen si rrjedhojë e ecurisë sonë që nga përfundimi i luftës e gjërë më sot, një refleksion i paevitueshëm që urgjentisht duhet ta kemi si shoqëri mbi rezultatet e Lirisë dhe punës që duhet të bëjmë, të përsosim vetveten dhe tu dalim hak atyre që dhanë gjithçka, edhe jetën, që ne të jetojmë të lirë, pas gati dy shekujsh robërie nga barbaria dhe mizoria serbe!
Në këtë periudhë dinamike, me problematika të shumta shoqërore duket se kemi harruar kush jemi dhe nga vijmë , kemi lënë pas dore zakonet e tradidat tona të pasura, duke ngarendur pas elementëve ekstremistë, të imponuara qoftë në kulturë e poashtu edhe në art, por edhe në disa rryma religjoze që tashmë po mbizotërojnë( për fat të keq,) dhe shpeshherë po duket që po kalojnë mbi kombin…!
Traditat tona, e kaluara jonë asnjëherë nuk ka lejuar që të dal diçka, çfardo qoftë ajo, mbi kombin e mbi atëdheun, andaj ne si shoqëri e kemi për borgj që të vlerësojmë dhe kujtojmë të gjitha sakrificat e shqiptarve , për më tepër, sakrificën më sublime, atë të flijimit për liri!
Bazuar në këto që thash më lart dhe në shumë aspekte tjera që na preukupojnë si shoqëri, më poshtë po shkruaj në lidhje me një koncept skenik mbi vuajtjet, sakrificën dhe lirinë e kombit!
Shfaqja Dans Teater , Jemi një Lis me dy Degë ,
Është kërkimi i fundit koreografik dhe skenik i koreografit Prof. msc. Robert Nuha – ligjërues në Universitetin shtetëror të Tiranës dhe Kolegjin AAB të Prishtinës, me autorësi të Prof. dr. Nusret Pllanës – ligjërues në Universitetin “Hasan Prishtina” të Prishtinës, me të cilën tentojmë të rikthejmë në vëmendjen tonë, qëndresën, rezistencën, sakrificën, dashurinë për atëdheun, me qëllim që gjeneratat e reja të kenë mundësi të inspirohen nëpërmjet artit, për vlerat që ne mbartim si shoqëri, gjithashtu të përceptojnë një shfaqje që do ti bëjë ata(ato), ta duan më shumë vendin e tyre, vetveten dhe dashurinë për kombin!
Qasja dhe teknikat bashkëkohore të kombinuara me teknika të kërcimit popullor shqiptar do sjellin në skenë magjinë artistike e cila nevojitet për të përcjellur emocionet e duhura për të arritur qëllimin final!
Për shkak të temës së gjërë , me përqëndrim në luftën e fundit të Ushtrisë Çlirimtare të Kosovës, si dhe me heroizmin e pashoq të Komandantit legjendar Adem Jasharit dhe familjes së tij, shfaqja kërkon një numër të konsiderushëm të artistëve të cilët do të përformojnë në skenë !
Shfaqja kërkon një angazhim të madh në pikpamjen e strukturës si dhe mjeteve shprehëse të aktantve , kërcimtarve si dhe muzikantve të cilët do të realizojnë një vepër të madhe artistike!
Eksodi dhe kalvari i dhimbjes kolektive shqiptare, të pagjeturit(zhdukurit), , heroizmi dhe sakrifica e nënave shqiptare, koha e sotme dhe neglizhenca ndaj kategorive të luftës janë ndër qëllimet kryesore të shfaqjes sonë !
Element të rëndësishëm realizues të shfaqjes mund të jenë përdorimi i instrumenteve popullore shqiptare, qoftë në ndërtimin muzikor por edhe në përfshirje brenda skenës, duke u bërë pjesë e lojës artistike!
Gjithashtu, përfshirja e një Kori profesionist, ose ndërtimi i tij nga fillimi me profesionist të fushës së mbledhur së bashku, mund ti jap fuqinë e nevojshme për relizimin edhe më të gjërë të të gjitha ideve melodike, por jo veëëm…!
Në pikpamjen e realizimit praktik të shfaqjes, kjo ndërmarrje kulutore kërkon një angazhim 40 ditor, me prova të përditshme nga 8 orë në ditë, për të gjithë komponentët realizues të tij, Regji, Koreografi, Kompozicion, Dramaturgji, Videoprojeksion, lojë aktoriale, kërcim profesional e përgatitje ekipore, etj.!Për këtë arsye, së pari duhet gjendet një sallë e provave ku kjo ekipë do të punoj për çdo ditë, me orar të plotë, dhe pa pengesa.
Disa nga opsionet për realizimin final të shfaqjes mbeten Teatri Kombëtar i Kosovës, Salla e Kuqe ose AMC HALL, Klan Arena në Prishtinë, në Tiranë, Teatri i Operas, ose Salla e madhe e Art Turbinës , Teatri Kombëtar i Shqipërisë!
Në këtë shfaqje këkohet angazhim i një ekipe të madhe:
Koreograf dhe Regjisor
Assistent Koreograf , Regjisor
Asistent Teknik
Promocion Menagjer
Dramaturg
Skenograf
Videoprojeksion
Aktor Profesionist, 10
Kërcimtar Profesionist, 10
Orkestër, 7
Kompozitor
Kor Profesional, 12
Ndriques Skenik
Tonisti
Make ap Artist
Kostumograf
Realizator të Kostumeve!
Video Produksion
Producenti dhe Autori
Jemi një Lis me Dy Degë
Koncepti
Shfaqje Dans Teatri, që i flet kohës, rikthehet ne të kaluarën, merr ngjarjet që duhen për ti sjellur tek gjeneratat e reja, për të ndihmuar në refleksion shoqëror mbi Historinë tonë të lavdishme, të metat tona, ndikimet e dëmshme në shoqëri, e mbi të gjitha refleksion kolektiv, për dashurinë ndaj atdheut dhe sakrificën e bërë që ne të jemi të lirë!
Një shfaqje që në veten e saj përfshinë forma artistike mjaft komplekse, që nga gjuha fizike, gjuha e fjalës, Këngët Korale të cilat poashtu do të jenë krijimtari origjinale muzikore, vepër dramatike shkruar nga dramaturg profesional dhe e nxjerrur edhe nga vet procesi i provave, Videoprojeksione dhe Video të cilat së bashku do të krijojnë një gjendje emocionale reflektuese tek të gjithë të pranishmit, dhe jo vetëm…!
Jemi një Lis me dy Degë , do të përfshijë eksodin e dhunshëm të shqiptarëve, historinë e lavdishme të UÇK-së , vrasjen e fëmijëve( 1392, vetëm në luftën e fundit gjenocidiale në Kosovë, 1998/1999), gjenocidin serb, të zhdukurit e luftës së fundit, lirinë e fituar, si dhe do të trajtoj disa ndikime jo të mira në shoqëri që sot po i shohim dhe nuk po arrijmë ti ndalojmë , ose më mire, po i neglizhojmë !
Përshkrimi i disa skenave
Skena e të zhdukurve
Në skenë ndodhen një numër i madh i këpucëve të cilat janë të formave dhe numrave të ndryshëm, disa të shqyera, disa të baltosura dhe disa të paprekura!
Kërcimtarët dhe aktorët, shfaqen në skenë një nga një , me gjuhë të stilizuar plastike dhe emocionale e intepretative, shkojnë dhe provojnë të gjejnë këpucët e tyre, kontrollojnë dhe lëvizin pandalë, të tmerruar, të frikësuar e pa shpresë… në atmosferën e krijuar, dëgjohet melodi Lahute si dhe zëra të Korit, por pa fjalë ! Një zë kumbues , sikur nuk merret vesh se çfar po thuhet, sikur vjen prej nëntoke e kërkon të dal në sipërfaqe, sikur duan të na thonë… hej, jemi këtuu…a s’na shifni, a na keni harru krejt…a, doni me na marr apo ne po vazhdojmë jetën e nëndheshme këtu, të humbur e të vetmum, këtu, në ftohtësinë e dheut dhe në lagështinë e tij, pa rroba, pa këpucë por me vullnetin dhe dashurinë që kemi për njëri-tjetrin, sepse e dijmë që flijimi ynë është që gjaku ynë të jetoj në liri…por , a po jetoni jetën mbi qëllimet e pastërta të shoqërisë sonë të cilët u mblodhëm bashkë për tu çliruar nga represioni dhe nga ndikimet e dëmshme e nga shtypja që kishim, apo keni marrë rrugë tjetër, po pranoni të shtypeni prap në forma tjera, po ulni qafën e po lejoni të ju mbështjellin me lloj lloj rrobesh,me lloj lloj kulturash e emrash dhe, prandaj s’po takohemi dot!!!!!
Skena e Lirisë
Në skenë ndodhen kërcimtarët të cilët me një gjuhë trupore të përpunuar, me bazë burimin e vallës shqiptare, edhe për nga pikpamja koreografike e poashtu edhe nga ajo muzikore. Kërcimtarët të veshur me personazhet vazhdojnë e hedhin valle, një valle e cila duket që nuk i përket kësaj toke, por që të jep një frymë sa magjike aq edhe përvëluese, një valle që të ngjason me një aheng gati në lidhje trashendentale por që duket se po ndodhë në një vend tjetër, diku afër qiellit… sigurisht, diçka e tillë mund të arrihet me punën profesionale ekipore por edhe me videprojeksionet!
Çfar po ndodhë në skenë… po festojnë fëmijët, po kërcejnë fëmijët tanë , të vrarë e masakruar në luftën e fundit, po hedhin valle afër Zotit, dhe po luten shqip, që populli ynë të reflektoj mbi atë që sakrficia e tyre e padrejtë, por më sublimja për atdhe, nis qysh në djep, aty ku ne fillojmë e mësohemi me ritmin e djepit që përplas tokën , me ninullat e nënave tona, që na rrisin më shpejt dhe na bëjnë të dashurohemi me këngën , ritmin, melodinë dhe gjithçka që është shqiptare…një mesazh për të ruajtur gjuhën, kombin dhe të mos e përziejmë atë me lloj lloj gjërash tjera!
Skena e Djepit
Gjëma e Burrave, e përpunuar skenikisht. 8 Vajza me djepa të vendosur në skenë, të cilat mbajnë një ritëm të caktuar, kori këndon këngë ninulla të gërshetuara me gjamën e famshme, një trajtë muzikore bashkëkohore, ndërsa burrat zhvillojnë gjamën e famshme e përcjellur me melodi të lahutës dhe çiftelisë , një vajë force, për jetën e dhënë dhe për lirinë e fituar!
Në përfundim të shfaqjes, në kërcimin fluturues të Lirisë së fituar, në vazhdën e festimeve skenike do dëgjohet zëri i profesiorit të nderuar Prof dr Nusret Pllana, i cili thot vargjet e përjetshme tashmë… Ju Flet Kosova e Lirë, Ju Flet Kosova e Lirë, Ju Flet Kosova e Lirë.
Gjatë gjithë shfaqjes do ketë skena të tilla të cilat na krijojnë imazhe që përceptohet lufta dhe vuajtjet për të arritur efektin e duhur, gjithashtu edhe për të shkuar tek vazhdimësia e betejave që të ruhet gjuha dhe vlerat tona njerëzore, për të përquar idenë dhe qëllimin e pastërt, se Shqiptarët në momente të vështira gjithmonë janë bërë bashkë dhe kanë arritur qëllime të mëdha, pavarësisht pengesave dhe rrymave të momentit!
Në shfaqje do të dominojnë figurat kombëtare, të ardhura edhe në formë skenike por edhe nëpërmjet personazheve që shfaqen herë -herë dhe japin nga një mesazh e prap zhduken, pra shfaqja do të rikthej të gjithë ata që na mungojnë, me qëllim që ne të përjetojmë goditjet e nevojshme emocionale dhe të kthehemi me sy nga na takon, andej nga vijmë , andej nga e kemi obligim dhe andej nga na del më mirë si shqiptar, duke qenë mirënjohës gjithë jetës ndaj Ushtrisë Clirimtare të Kosovës, NATO-s dhe Shteteve të Bashkuara të Amerikës, Dëshmorëve e Veteranëve, Nënava e gjithë atyre që derdhën djersë dhe gjak që ne të frymojmë lirshëm, mirënjohës ndaj Shteteve të Bashkuara të Amerikës në veçanti( Sponsorit gjeneral të Pavarësisë së Kosovës dardane), dhe gjithë miqve tanë ndërkombëtarë që na ndihmuan kur ne kishim nevojë më së shumti…!
Në skena të plota , akte dramatike dhe zhvillime të ngjarjeve të cilat do lidhen organikisht e gjithashtu edhe në koherencë të plotë në zhvillimet historike, do ketë edhe forma skenike minore, të cilat përshkruajnë një ngjarje a një ndodhi të shkurtër, të domosdoshme, e që ka efekt artistik e ideor! Gjithçka tjetër mund të arrihet në momentin e fillimit të procesit, e shkrimit dramaturgjik. Mënyra Bashkëkohore e provave, Laboratori krijues e eksplorimet skenike mbi temën e lartëpërmendur , puna e vazhdueshme komplekse, e përbashkët, dhe tendenca jonë finale është të arijmë një vepër të madhe artistike e cila përfshinë artistë nga Kosova, Shqipëria dhe Maqedonia, për tu ribashkuar prap, me një qëllim që nëpërmjet artit të japim mesazhet të cilat janë harruar ose neglizhuar gjithë këto vite nga po vet ne!
Më poshtë po rendisë nevojat buxhetore me qëllim që ky projekt i madh të realizohet!
Plani Buxhetor i Projektit artistik:
Jemi një Lis me Dy Degë
- Koncepti dhe Koreografia pagesa 6000 Euro
- Regjisor pagesa 4000 Euro
- Producenti, shpenzime organizimi, autorsi pagesa 11000 Euro
- Assistent Koreograf Regjisor pagesa 2000 Euro
- Kompozitori pagesa 4000 Euro
- Kostumograf pagesa 3000 Euro
- Dramaturg pagesa 2000 Euro
- Videoprojeksionist pagesa 4900 Euro
- Dizajner i Dritave pagesa 1000 Euro
- Kostume Material dhe punim pagesa 3000 Euro
- Asistent Teknik pagesa 1200 Euro
- Tonist per 3 shfaqje pagesa 1200 Euro
- Aktor Kryesor 2 x 3700 pagesa 7400 Euro
- Aktor 10 x 1 800 pagesa 18000 Euro
- Kercimtar Profesionist 10 x 1700 pagesa 17000 Euro
- Kor Profesional , 12 x 900 pagesa 10800 Euro
- Solo Kengetar 2 x 2400 pagesa 4800 Euro
- Make Up Artist 2 x 700 pagesa 1400 Euro
- Piari dhe menagjimi marketingut pagesa 2000 Euro
- Salla e Provave pagesa 900 Euro
- Material Shpenzues pagesa 1800 Euro
- Transporti per ne Tirane pagesa 1200 Euro
- Akomodimi dhe ushqimi Tirane pagesa 1900 Euro
- Transporti Shkup pagesa 900 Euro
- Akomodimi dhe Ushqimi Tirane pagesa 1200 Euro
- Video Produksioni i Shfaqjes pagesa 2800 Euro
- Shpenzime për Skenë pagesa 7000 Euro
- Akomodimi i artistëve gjatë provave pagesa 4000 Euro
- Meditjet pagesa 8000 Euro
- Shpenzime Tjera, udhtime, akomodim etj pagesa 7900 Euro
Totali i shpenzimeve për të realizuar projektin: Total 142.300 Euro
Në shpenzimet e lartëshenuara nuk kemi cekur shfrytëzimin e teatrove për premierat që do kemi, duke llogaritur në bashkëpunimin me institucionet tona shtetërore, për një projekt të tillë dhe të nivelit kombëtar siç është, Jemi Një Lis me Dy Degë!
Të realizohet një projekt i përmasave të tilla, mund të themi, më të mëdha nga ndërmarrjet private artistike deri më tani, me një temë kaq aktuale dhe të prekshme, me artistët më në zë, me format më të reja artistike e skenike, me qasjen më bashkëkohore, me tendencat më të mira për shoqërinë dhe kombin tone, mendojmë se është pasuri e shtuar në vlerat e e shumta të kombit shqiptar!
Diçka e tillë kërkon mobilizim nga gjithë dashamirët e kombit,artit, kulturës dhe vlerave të Luftës!
Jemi krenarë me lavdinë e popullit tonë dhe, besojmë se e meritojmë që të kemi një vepër artistike të përmasave të tilla në opusin e krijimtarive tona origjinale shqiptare!
Mbesim me shpresën që të na përkrahni, me qëllim që ne të realizojmë një projekt i cili do të kishte një impakt të jashtëzakonshëm kombëtar brenda dhe jashtë vendit!
Me respekt,
Producenti dhe Autori, Prof. dr. Nusret Pllana
Koncept, Koreograf dhe Regjisor Prof. msc. Robert Nuha
———————
LETЁR FALЁNDERUESE!
https://pashtriku.org/let%d1%91r-fal%d1%91nderuese/
