KUSH PO BLLOKON FORMIMIN E INSTITUCIONEVE ?!

KUSH PO BLLOKON FORMIMIN E INSTITUCIONEVE ?!

Fizkultura e Kurthit : Eksperti për hajvanë dhe hajvanat , Albin Kurthi natën kur arriti fitoren e Pirros , më tepër se 450.000 votuesve dhe familjeve të tyre,  me një alkimi prej sadisti ua ndryshoi biologjinë dhe fiziologjinë , nga njerëz i bëri kafshë  , nga të vetëdijshëm dhe të arsyeshëm i bëri të udhëhiqen nga instinkti prej kafshe. Militantët e pranuan këtë thuaja si diçka normale , aspak për çudi. Albin Kurthi tha se LV – ë do ta ketë kryetarin e Kuvendit dhe se të njëjtën ditë do ta kemi qeverinë Kurthi 3 ku ai do të jetë KM. Tha se i kanë votat pastaj këtë e pohuan edhe personalitete të shquara njerëzore , intelektuale dhe politike të LV – së , të njohur që kurrë në jetën e tyre nuk kanë gënjyer , madje as me 1 prill kur edhe lejohet ” shmangia nga e vërteta “. Po kush do të dyshonte në sinqeritetin e Zdravo Mimozës,  Mef Bajçinës , kumbarës së Spasiqëve të Obiliqit , Dilmalit , anarkistit proamerikan të Putinit e deri te marioneta që kinse po e drejton Kuvendin. Votat , ose i kanë  , ose nuk i kanë. Votat përcaktuese janë në prapanicën e Fatmir Limajt,  LV -‘ ë edhe aty i ka futur hundët , për një bythë karrike dhe pushteti. Tash ,  Fatmir Limaj është shndërruar në hamshor politikë , vetëm a mundet , i kërcen kujt të dojë , për tre vota . As Kazanova nuk i kishte këto rrethana dhe mundësi! LV – ë do me çdo kusht që për kryetar të Kuvendit ta ketë një marionetë femër të cilën do ta përdorë Kurthi , në kohën e duhur dhe në mënyrë të duhur , sidomos pasi të shkoi në shportë Vojsa Osmani , si material që nuk riciklohet më. Atëherë Lenka do të jetë pykë e dyfishtë bllokuese , si kryetare eventuale e Kuvendit dhe si presidente në detyrë , deri në zgjedhje të të parit / parës së vendit. Kurthi KM , me marionetën Lenkën si kryetare e Kuvendit dhe fotokopje e noterizuar e Vojsa Osmanit , e bënë shylevek të një autokracie dhe diktature të pashmangshme me ç ‘ rast Koreja e Veriut do të ishte super demokratike krahasuar me Kosovën. Lenkën nuk po e votojnë që të bëhet Elisa Spiropali e Kosovës ndonëse shumë ka investuar në pamjen e jashtme apo ambalazhimin , e brendshmja mbetet e ashtëzuar në mungesën kronike të integritetit profesional. Prandaj edhe pranon rolet sipas skenarit të Dejona kapuçekuqes dhe Albin ” Cezarit “. Ky nipi politik i Arkanit në një emision të prostitucionit informativ e pati quajtur ” iron laddy ” apo në shqip , zonja teneqe . Albinit i përshtatet shfaqja ku në çdo 48 orë ia ngrehë penjtë , zonjës Teneqes  . Kurthi e ka përsosur sistemin Matrjushka , sistem rus ku brenda trupit të një kukulle mëshihen kukulla tjera . E nxjerr marionetën Vojsa Osmani , del mationeta Dehari , e radhës është marioneta Lenka , deri te marioneta e radhës . Është situatë jonormale , Kurthi , Mihalidis dhe rrogëtarët e tyre bëjnë be dhe rrëfen në kokë të Lenkës sepse është pykë e fortë për të ardhmën , nuk lë ëndërr pa ia realizuar Fidelit të Kosovës. Natyrisht , nëse e lejon opozita . Nëse Lenka bëhet Elisa Spiropali e Kosovës me 61 – 62 deputetë , do të fundoset përfundimisht , askush nga opozita nuk bashkëpunon me te , më vonë edhe pozitës do t’i bëhet barrë e që do ta hedhin në deponinë e mbeturinave . Sikur edhe shumë të tjerë! 

Kjo është lojë e Kurthit , opozita është Kurth – uar në këtë kurthë. Është lojë pa kufi , pa afate dhe ikje nga afati 15 ditësh për formim të qeverisë. Kurthi nuk i donë shqiptarët , as kosovarët e as Nexhmedin Spahiun , nuk e do as Shqipërinë,  vetëm pushtetin e do . Veten në pushtet dhe pushtetin nën Kurthin , nuk ka mundësi tjera. Deputetët i ka prona dhe piona të shahut , iu premton se i bënë mbretëresha ndërkaq më së shumti i bënë ushtarë të baltës apo kuaj me liri të lëvizjes dhe mendimit të kufizuar , si shkronja L , aq lëvizë kali i shahut dhe gomari i politikës. Kosova është në bllokadë nga injorantët , dashakeqët, antikombëtarët dhe dhunuesit e vullnetit qytetar. Kosovës po ia fikin dritat kriminelët e Z RrE dhe ata të politikës . Kosova është pa miq , ka bërë shumë armiq. Populli duhet t’ ua tregojë derën,  edhe kriminelëve të Z RrE – së si dhe politikanëve shpërdorues të votës së tyre.

Dikush duhet të tregohet dhe dëshmojë se është më pak budalla se tjetri , për të mbijetuar si popull dhe si shtet. Ndryshe , ikëm për lesh ! Në atë rrugë jemi , e jemi bërë njëkahëshe , pa alternativa tjera . Përbuzje popullit , shtetit dhe drejtësisë,  lavdi marrëzisë ! Ndërrojeni selinë e qeverisë , në vend të kabinetit qeveritar bëhuni Teatër i Kukullave në Dodonë. Hileqarë dhe të pashpirtë,  të pa ndjenja dhe injorantë , tregtarë flamujsh dhe bashkimit kombëtar . Askush më nuk iu beson ! Thefshi qafën pa të keqen e askujt !  Rrasuni pushtet duke shkatërruar shtet!

Behxhet Sh.  SHALA – BAJGORA

23 prill 2025

Prishtinë