PROVOKIMET E TIFOZËVE RUMUNË …

Provokimet e tifozëve rumunë në stadiumin “Fadil Vokrri” me akterë në prapaskenë

Nga ARIF EJUPI

Një grup tifozësh rumunë prej 15 deri në 20 veta,pak minuta para përfundimit të ndeshjes Kosovë brohoritur “ Kosova është Serbi”

Me këtë rast kanë ndërhyrë ekipet e sigurimit në stadium, të cilat në përputhje të plotë me rregullat e UEFA- s, e kanë nxjerrë nga tribunat këtë celulë primitive dhe të paemancipuar tifozësh rumunë.

Pa pikë dyshimi këta huliganë në Prishtinë, kanë ardhur me porosi nga dikush, ose janë endacak rrugësh edhe provokimin e kanë mënyrë jetese.

Rasti gjithsesi duhet të hetohet, sepse ka të ngjarë që ata të jenë serbë të Temishuarit, të nxitur nga Serbia.

Serbia duke mos u pajtuar me realitetin se Kosova, mund të jetë jo më shumë se një tregim për ta, kudo kanë nisur fushatë të egër dhe provokuese ndaj saj.

Ditë më parë në një shkollë të ciklit 9 vjeçar të Gjenevës, një i nxënës me origjinë të huaj pa e pasur idenë se kush janë serbët e kush shqiptarët, i nxitur nga shokë të tij, serbë ua tundon përpara hundëve moshatarëve të tij, shqiptarë flamurin serb .

Ata duke mos mundur të përballojnë këtë provokim ia rrëmbejnë nga duart flamurin serb, nxënësit të manipuluar dhe fillojnë ta shkelin me të dyja këmbët.

Me të kuptuar rastin Drejtoria e shkollës dhe Departamenti i Arsimit të Gjenevës, organizojnë tubim urgjent, ku merren masa disiplinore në përputhje me ligjet në fuqi, ndaj nxënësit, që i ka paraprirë kësaj ngjarje të pahijshme. E, po ashtu u bëhet vërejtje edhe nxënësve shqiptarë me origjinë nga Kosova.

Meqenëse, këta nxënës ishin të mitur me rastin njoftohen në hollësi edhe prindërit  e tyre.

Kurse në komunikatën e lëshuar në opinion thuhet që nuk lejohet urrejtja dhe antisemitizmi nga askush.

Ky rast është nga të parët në këtë shkollë, sepse një nga kriteret kryesore në shkollat e Gjenevës, është respektimi dhe toleranca ndaj kulturave dhe dokeve të njëri – tjetrit.

Ngjashëm duhet të veproj edhe UEFA, ndaj Federatës së futbollit rumunë, e cila e ka për detyrë që tifozët arrogantë e të padisiplinuar t’i mbaj larg stadiumeve.

Në të kundërtën është normale që Rumania, të zhvilloj ndeshje pa shikues dhe për arsye urrejtje e racizmi ta lë bosh Arkën e saj.