Shfaqja artistike: “Pas luftës, kush jemi ne?!”
Shkruan: Shkodran Tolaj
Shfaqja “Pas luftës, kush jemi ne?”, e lindur nga një shpirt i përkushtuar dhe vizionar, sjell një homazh të pavdekshëm për historinë tonë, identitetin tonë dhe të ardhmen që ndërtojmë mbi sakrificën e të shkuarës.
Me këtë kryevepër, ne i nderojmë të gjithë ata që dhanë gjithçka për këtë dhe – të zhdukurit, të vrarët dhe ata që qëndruan krenarë përballë vuajtjeve të paimagjinueshme. Ky është akti i përuljes së artit përpara heronjve tanë, duke u kujtuar brezave të ardhshëm se kush jemi dhe çfarë duhet të mbrojmë.
Urime të përzemërta ideatorit dhe producentit, Nusret Pllana, një zë që kurrë nuk u ndal së përfaqësuari të vërtetën e historisë sonë, dhe koreografit – regjisorit, Robert Nuha, mjeshtrit që e transformoi këtë vizion në një realitet prekës artistik. Përkushtimi dhe pasioni juaj janë një dhuratë e vyer për kulturën shqiptare.
Të gjithë ju që mbani dashurinë për artin dhe atdheun në zemrat tuaja, ejani dhe bëhuni pjesë e këtyre netëve të paharrueshme që do të na lartësojnë shpirtërisht dhe kombëtarisht.
– Prishtinë, 26 nëntor, ora 20, në Sallën AMC
– Tiranë, 28 nëntor, ora 20, në Teatrin Kombëtar
– Shkup, 30 nëntor, ora 20, në Teatrin shqiptar
Suksese të jashtëzakonshme dhe lavdi artit që mban gjallë shpirtin e kombit!
———————————–
Parlamenti Evropian dhe biznesmeni Fatmir Haskaj
ME TRUP NË EVROPË, ME MENDJE NË KOSOVË!
https://pashtriku.org/me-trup-ne-evrope-me-mendje-ne-kosove-2/
