TI
Nga Prof. Argjira Ukimeri, Prizren – tetor 2024
TI
Parajsë Hyjnore e frym’zimit
Qi l’edhaton vitet e mia
N’pritjet t’mia t’mallëngjmit
TI
N’agoni fort t’lumnueme
Përshpërit si flladi verës
Mu njaty si kohë e gzueme
TI
Zani yt porsi bilbili
Tuj zotnue fushë e malë
Porsi erë trandafili
TI
Drita ime e pashueme
Po vezullon çdo gja n’mue
Bota ime e shenjt’nueme
TI
Menueshëm vjen n’andrra t’mia
Troket pa dashje me plotë dashni
T’shikoi ty njajtë si vetmia
TI
Nata ime e pashterueme
Qi kallxon çdo gja për ty
Sikur Ajo e padish’rueme
TI
Parandjenja jeme e mrekullueme
Za kanarine e ambëlsueme
Qet’sisht hirplot’ë e krijueme
TI
Fjala ime e padëgjume
Buz’qeshje e imja e përmallueme
Za dallëndysheje ambël këndueme
TI
Kur t’zen malli ty për mue
Kur filloi zemra me k’ja
Ftyrën tande du me pa
TI
Fort amël emnin ma thrret
N’mue çdo gja e mirë kur troket
N’jetën tande unë ndihem mbret
TI
A m’menon si t’kam menue
Njajtë n’ty unë tuj shpresue
N’sytë e mia s’du me t’largue
TI
A m’beson si t’kam besue
Apo n’ujërat e jetës unë jam rrzue
N’frymë jetësore pa u diktue
DASHURI TË DUA TY!
SEPSE EDHE TII MË DO MUA!
Prof. Argjira Ukimeri
………………………………….
JERONIM DE RADA, GJENIU I RILINDJES KOMBËTARE
https://pashtriku.org/jeronim-de-rada-gjeniu-i-rilindjes-kombetare/
