BUNЁ – HISTORI MЁ VETE DHE ZHURMЁ ZGJEDHJESH …
Bunë – histori më vete
Bunë e legjendave dhe historive,
Bunë e qëndresës dhe trimërive.
Shumëherë ujin ta kanë turbulluar
sulltanë, carë, gospodarë e krajla,
por rrjedhën s’ta ndërruan kurrë.
Je skuqur me gjakun e djemve shqiptarë
të masakruar në Tivar.
Të ndanë nga trungu me shpata, thika e topa,
të shigjetuan nga të gjitha anët,
por rrjedhën nëpër Ulqin, Shkodër, Velipojë e Shëngjin
prapë e vazhdove.
Bunë e Oso Kukës,
e Jakup Ferrit,
e At Gjergj Fishtës dhe Filip Shirokës.
Kala e pamposhtur atëherë dhe sot.
Bunë unike. Bunë burim jete.
Bunë – histori më vete.
ARIF EJUPI
Gjenevë, 8 dhjetor 2025
*
Zhurmë zgjedhjesh, Heshtje varresh
Kohë dimri, zhurmë zgjedhjesh,
vetëm për punë tekash
dhe inatesh të vjetra e të reja.
Vërtet, dimri është stinë e rëndë.
Në dimër, përrenj e lumenj
bartën gjakun tonë.
Dimri stinë e zymtë,
me dhëmbë shtrigash.
Shumë prindër la pa fëmijë,
e shumë fëmijë pa prindër.
Ne, kokëkrisurit,
kur gjithë bota mbjell në pranverë
e korr në verë,
mbjellim dhe korrim në dimër,
nëpër dëborë e acar.
Inate të vjetra e të reja,
ku do të na çojnë?
