“KUSH I VRET FЁMIJЁT”?!
Më 19 tetor 2025,
Gjermani – Augsburg
Me lot e dhimbje u përcoll filmi dokumentar “Kush i vret fëmijët?!”
Në sallën e bukur të FC “ALBA”, në Augsburg, e cila ishte e mbushur përplot me dashamirë të librit e të filmit dokumentar, u promovuan veprat publicistike e dokumentare të Prof.dr.Nusret Pllanës e Hanëmshahe Ilazit.
“Terrori i Serbisë Pushtuese mbi Shqiptarët 1844-1999”, të autorit Nusret Pllana, “Fëmijët shqiptarë – viktima të gjenocidit shtetëror të Serbisë 1981- 1999”, të autorëve: Hanëmshahe Ilazi e Nusret Pllana, “Intervenimi i NATO-s në Kosovë”, i autorit Nusret Pllana, “Aushvici i Krushës së Madhe – Djaloshi me dy zemra”, i autorit Nusret Pllana, “Luftoi për të jetuar të tjerët”, i autorit Nusret Pllana, dhe filmi dokumentar “Kush i vret fëmijët?!”, i autorëve: Nusret Pllana e Esat Shala, i cili e argumenton katërcipërisht vrasjen dhe masakrimin e 1432 fëmijëve shqiptarë nga barbaria dhe mizoria gjenocidiale serbe, gjatë periudhës së viteve 1981/1999, vepra këto të cilat u duartrokitën nga të pranishmit, por edhe u përcollën me lot e emocione të papërshkrueshme nga ta.
Faleminderit shumë FC “ALBA“, për këtë organizim të mrekullueshëm!
Respekt të veçantë organizatorëve: Haki Gashi, Sami Kuqi, Arsim Sokoli, Ilir Seferi, Nexhmi Sokoli, Naxhije Sopaj, Shqipe Isufi, Ganimete Nita, Alfon Tanushi e Lan Gacaferi, Shaqir Morina e Ardian Elshani, Valjeta Kuqi e Lulzim Morina.
Me prezencën e tij aktive, na nderoi edhe gazetari shembullor i RTKsë, z. Zenel Hajrizi, si dhe Kampioni botëror i boksit, legjenda e shqiptarisë, z. Robin Krasniqi, të cilët i falënderojmë nga zemra për kontributin e tyre, siç edhe Grupin e valltareve të FC “ALBA“, me veshje të bukura kombëtare, e me kapela të UÇK-së në kokë, duke i dhënë ‘shije’ të veçantë këtij promovimi, e duke na e krijuar një atmosferë madhështore me ekzekutimin e dy valleve të bukura shqiptare.
