NDARJA E BRENDSHME E KOSOVËS, NJË ZAJEBNICË DHE DISA ASOCIACIONE!

NDARJA E BRENDSHME E KOSOVËS, NJË ZAJEBNICË DHE DISA ASOCIACIONE!

Nga Behxhet Sh. SHALA – BAJGORA

Kosovën e japim , Serbinë jo

Jo fort moti rrugët dhe sheshet e Prishtinës dhe qyteteve tjera të Kosovës mbusheshin me protestues në mbrojtje të Republikës së Dytë , si pararendëse e një Republike të Tretë  që aktualisht po kalon nëpër vuajtjet e Tantalit e që po duan ta shtrijnë në Shtratin e Prokrustit . Shkak dhe pasojë është Asociacioni i Komunave me shumicë serbe ( emërtim zyrtar ) ndërsa LV –ë e pati quajtur Zajednicë kurse unë e korigjova gjuhësisht duke e quajtur Zajebnicë. Nëse e kemi parasysh qëllimin e Serbisë e që tani duket se është bërë edhe qëllim i ndërkombëtarëve atëherë duket se jemi në një rrugë njëkahëshe , pa asnjë shtegdalje përveç formimit të këtij mekanizmi parashtetëror . Realisht në vitin 2013 ishte arritur një marrëveshje në Bruksel për themelimin e Asociacionit – Zajebnices e që ishte ratifikuar në Kuvendin e Kosovës në vitin 2015 me 2/3 e deputetëve , siç parashihet për një Marrëveshje ndërkombëtare . Gjykata Kushtetuese e Kosovës kishte gjetur shkelje në 22 pika që ishin në kundërshtim  me Kushtetuten por se kishte rekomanduar që të vazhdohet me formimin e Zajebnicës. Kjo tregon se Gjykata Kushtetuese nuk ka kapacitet e as kompetencë të ndalojë formimin e Zajebnicës për faktin se çdo Marrëveshje ndërkombëtare është mbi Gjykatën Kushtetuese dhe të gjitha përpjekjet që bëhen sot janë lojëra sepse Zajebnica megjithatë , po kalon . Serbia nuk është e gatshme ta pranojë që të bisedohet për një marrëveshje që e ka kapacitetin e një marrëveshjeje Ndërkombëtare aq më parë që Zajebnicën e konsideron si “ Dhurat Hyjnore “ për ta përligjur praninë , ndikimin dhe vendimmarrjen për çështje të brendshme të Kosovës e që është në kundërshtim të plotë me të drejtën ndërkombëtare . Ata që e kanë pranuar Zajebnicën , si kushtëzim të ndërkombëtarëve dhe që i kanë hapur derën e madhe për një Ahtisari plus , është dashur edhe ta formojnë Zajebnicën mirëpo nuk ishte bërë asnjë propozim për tekstin e statutit dhe dokumenteve tjera përcjellëse me të cilat do të përcaktohej fushëveprimi dhe kompetencat e këtij mekanizmi që na ka shkaktuar dhe po na shkakton shumë probleme , si në planin e brendshëm , duke shkaktuar shumë përçarje midis shqiptarëve dhe subjekteve politike ashtu edhe në planin e jashtëm duke e kushtëzuar presionin e faktorit vendimmarrës ndërkombëtar , tash të sforcuar edhe me një propozim që e vë Kosovën në vdekje klinike politike dhe institucionale sikur që është propozimi franko-  gjerman , i njëjtësuar si propozim evropian dhe i përkrahur edhe nga SHBA –të. LV –ë , krejt fushatën elektorale e ka ndërtuar kundër Zajebnicës dhe marrëveshjeve tjera të Brukselit për të cilat ishte një zotim publik se do të rishikohen dhe se nuk do të pranohen . Për të arritur këto qëllime kërkonin mbi 50 përqind të votave sepse , në të kundërtën nuk do të kishin mundësi të realizojnë premtimet elektorale. Në emër të Zajebnicës dhe kundër Zajebnicës ka patur protestues të ekzekutuar , shumë të plagosur , arrestime të shumta të protestuesve , dhunë ndaj protestuesve , arrestime dhe dënime të shqiptuara sikur që ishte ushtruar një dhunë jonormale , e paarsyeshme dhe kundër çdo logjike ndaj policëve të Policisë së Kosovës të cilët , maksimalisht tregoheshin të matur dhe të rezervuar ndaj protestuesve , si gjatë protestave e në veçanti në kohën kur ishin të privuar nga liria  . Në anën tjetër protestuesit nuk ushtronin asnjë dhunë ndaj policëve ndërkombëtarë , qoftë se nuk kishin guxim apo ndonjë qëllimi tjetër .  Ishin raste të rralla kur policët e Kosovës ushtruan dhunë ndaj protestueve madje në shumë raste , më mirë janë sjellur policët kosovarë ndaj demonstruesve , se demonstruesit ndaj policëve . Isha dëshmitar në , së paku 90 % të rasteve ku përballeshin policët me demonstrues dhe i kam vizituar thuaja të gjithë të privuarit nga liria gjatë shtatë ditëve të javë në orarin 24 orësh , pa u penguar asnjëherë nga policët apo stafi mbajtës dhe korrektues.

Zajebnica me shumë emra , si kuçedra me shumë kokë

LV –ë , sidomos udhëheqësit e saj në Prishtinë dhe Grupi Anarkist në Tiranë që , për dallim nga Grupi Anarkist i Shkodrës nuk kanë , as guxim e as koçe të përballen edhe me rrezikun më të vogël , ushqyen pritje shumë të mëdha te anëtarësia dhe votuesit e të gjitha subjekteve tjera politike , të pakënaqur me gjendjen sikur edhe me të papërcaktuarit , se , me të ardhur në pushtet , FSK –ë do të bëhet ushtri  dhe do të dërgohet në veri të Kosovës , se Policia e Kosovës të cilën aq pamëshirshëm e rrahën , e fyen dhe poshtëruan pikërisht këta që janë sot në pushtet do t’i çbëjë strukturat paralele , se Marrëveshjet e Brukselit do të vendosen në arkiva e se Zajbnica do të mbetet vetëm shprehje gjuhësore , pa asnjë mundësi të zbatimit , se nuk bisedojnë asnjëherë me Serbinë dhe Vuçiqin pa kërkuar falje , se nuk do të ulen për bisedime pa zbardhjen e fatit të personave të pagjetur , se nepotizmin dhe punësimet familjare do t’i lënë për syneti , kanaxheqe , dasme e ahengje të tjera se do ta padisin Serbinë për gjenocid e shumë e shumë premtime që , sa të jeni në opozitë nuk nxisin asnjë përgjegjësi ligjore kurse përgjegjësia morale në Kosovë është e pranishme sa edhe dinosaurët e epokës së gurit. Është e qartë se sa ishin në opozitë , LV –ë nuk kishte informata të mjaftueshme për gjendjen reale kurse , sa e mori pushtetin , jotransparencën e bëri simbol identifikues duke mbyllur burimet e informatave apo duke shpërndarë informata glorifikues , si në Korenë e Veriut apo duke informuar anëtarësinë sikur në kohën e Revolucionit kinez , me deci bao , gazeta muri kur njëri ( i besuari i partisë lexon përmabjtjen kurse anëtarësia vetëm dëgjon fjalët dhe mësimet e liderit dhe Mësuesit të Madh duke aplauduar , pa asnjë kundërshtim ). Kështu disiplinohen masat ndërsa të pabindurit drejt e në gulag apo , si dënim më i butë , linçim moral publik përrmes jeniçerëve kujdestarë të rrjeteve sociale . Nëse më herët na kanë konsideruar si idiotë , tash po bëjnë përpjekje të na trajtojnë sipas asaj si na kanë konsideruar , idiotë e shkuar idiotëve ! Tash , Zajebnicën , nga një distancë e sigurt po e kundërshtojnë , deri në kolën e fundit apo salmonin e fundit të tymosur dhe të patymosur , pasardhësit , pa bythë , pa koçe dhe pa guxim të Vojo Kushit , Sadik Premtes , Sadik Stavileci  , Anastas Lulos dhe të tjerëve , duke kërkuar të flijohemi edhe kundër Vuçiqit , Putinit , Sholcit , zonjës Makron e deri edhe të Xhoe Bajden. Këta nuk i llogarisin as si mikrofaktorë Eskobarin , Cholletin , Blinkenin , rrencin dhe mashtruesin Lajçak sikur edhe Rrahman Morinën e Katalonjës , Josef Borrell . Në anën tjetër , vetëm gjumi po i ndanë kryeministrin Kurti dhe ajnshtajnin negociues nga Muçibaba  , Nik Limin , aq shumë janë të lidhur , madje edhe drekat dhe darkat po i fillojnë me himnin : “ rreth drekave dhe darkave të përbashkuar , me një dëshirë , me një qëllim , se Zajebnicën e kemi pranuar , me të njëjtën përmabjtje por me një tjetër emërtim … “.

Realisht , të gjithë po garantojnë , përmes  deklaratave publike por jo edhe të nënshkruar në letër se nuk do të lejohet një Republika Srpska e Bosnjes në Kosovë . Në rregull por unë i kam rezervat e mia , jam shumë mosbesues ! Nuk jam pjesë e  institucioneve prandaj e kam këtë mundësi dhe komoditet , sikur kur LV –ë ishte në opozitë . Po të isha në pushtet , sigurisht se do ta këndoja këngën , jo Zajebnica nuk kalon por këngën e Lajçakut , Borrellit dhe Eskobarit se Asociacioni ka kaluar . Ne shqiptarët  që dikur ishim patriotë kurse sot jemi patriotë folklorikë , polifoninë e kemi shumë të dashur prandaj , nga kjo pozitë , besoj se edhe Albin Kurti dhe LV –ë bashkë me presidenten po vazhdojnë ta këndojnë se Zajebnica nuk kalon kurse , në anën tjetër po ia mbajnë ison , si zëra përcjellës Lajçakut , Borrellit dhe Eskobarit me Asociacioni kalon .

Kur Ban ki Muni pati dalë me 6 –të pikat dhe ishte përkrahur nga Sllobodan  Samarxhiq , përgjegjës për Kosovën nga qeveria e serbe , pata dalë me një shkrim fort patriotik të titulluar : “ 6 -të pikat e Banit dhe kurvat e Sllobodanit  “. Kur Albin Kurti doli me 6 pikat për Asociacionin , nuk reagova fare , ishte një imitim anemik i Banit . Kryeministri Kurti e ka të qartë se nuk ka tjetër rrugë , o të pranojë Zajebnicën , o të shkojë në shtëpi ! Prandaj , si zgjidhje e ndërmjetme po e sheh formimin e Asociacioneve tjera që do t”ia hiqnin atributin njënacional që e paska Zajebnica . Tash , boshnjakët kërkojnë Zajebnicë , turqit kërkojnë Zajebnicë , romët do të kërkojnë gjithashtu , ashkalinjt , egjiptasit , goranët , fatosat e Sadrisë , kultivuesit e qenëve të sharrit nga Gora e Dragashit mund të kenë kërkesa të tilla , nostalgjikët jugosllavë dhe pionierët pansllavistë do ta shfytëzojnë këtë mundësi për afirmim kombëtar  dhe shumë grupe dhe grupacione tjera . Albin Kurti mendon se në këtë mënyrë  do ta relativizojë themelimin e Zajebnicës duke krijuar asociacione satelite që do të silleshin rreth tij por e ka shumë gabim. Zajebnica e ka bazën në Bruksel dhe përkrahjen nga Europa dhe Amerika dhe këto zajebnicat e vogla vetëm do të sillen si satelitë rreth Kurtit e , me kalimin e kohës rreth Zajebnices së Brukselit. Blerja e kohës sa duket të jetë përparësi , del më shumë të jetë pengesë shtesë . Duke i ikur formimit të Asociacionit , si “ dhuratë “ e kemi propozimin franko – gjerman. Sa më shumë të blejmë kohë , do të kemi edhe “ dhurata “ tjera .

Personalisht jam kundër Zajebnicës dhe propozimit franko – gjerman sepse , me kapacitetin apo , më mirë të them me mungesën e kapacitetit , mendoj se Zajebnica , me çfarëdo emri që do të pagëzohet , në të ardhmën e federalizon Kosovën duke e bërë jofunksionale kurse propozimi franko – gjerman nuk ofron asnjë zdhedhje apo zgjidhje vetëm sa e konservon gjendjen për një periudh 10 vjeçare duke e balsamosur një krijesë , funksionalisht të vdekur shtetërore . Po cila është zgjidhja ? ! Në planin afatgjatë jam i sigurt se vetëm bashkimi me Shqipërinë është zgjidhje stabilizuese dhe e qëndrueshme e që , sa të jetë një Bosnje siç është tani , bashkimi me Shqipërinë mbetet si ideal dhe idealizim i një dëshire .

A jam për ta pushkatuar kryeministrin Kurti  për këtë gjendje , nuk jam. Problemet i ka të trashëguara por i ka përdorur apo , më mirë të them i ka keqpërdorur për të ardhur në pushtet . Dhe po vazhdon me qëllim ta mbajë pushtetin . Në çastin kur i hyni pazareve , e pati puna. Si të folni për 6 propozime , për konsiderim të formimit të Asociacion Zajebnicës , keni rënë në pozitën e leximit të filxhanit . Vetëm keni nevojë për një filxhan ! Opozita po bënë shumë gabim që Zajebnicën po e përdorë si armë për luftë kundër Kurtit dhe qeverisë Kurti për faktin se mbushja e këtyre armëve është me municion të opozitës ( Marrëveshja e Brukselit ). Opozita nuk duhet të llogarisë në zgjedhje të parakohshme shkaku se Albin Kurti do të dorëhiqet duk e refuzuar Zajebnicën. Albin Kurti , as nuk dorëhiqet , as nuk shkonë në zgjedhje dhe as nuk e lë pushtetin . Me asnjë dhe për asnjë çmim ! Opozita mund ta kundërshtojë Zajebnicën dhe propozimin franko – gjerman , ….deri në kafën e radhës në njërën nga ambasadat e fuqishme . Aty dhe atëherë e kuptojnë se Asociacioni si dhe propozimi franko – gjerman , jo që nuk janë të këqija për Kosovën por janë shumë të mira . Albin Kurti  këtë e ka kuptuar shumë mirë andaj sillet me aq komoditet dhe shpërfillje ndaj opozitës , prandaj , në masë shumë më të madhe i bënë shkeljet në të gjitha fushat që i kanë bërë qeveritë paraprake dhe nuk ka frikë nga asnjë pasojë. Ndërkombëtarët nuk e qortojnë , çlirimtarët dhe shtetkrijuesit i dërguan në Hagë ! E shohim , Lajçaku dhe Borrelli janë shndërruar në hijena kurse ne jemi lodhur shumë , na ka rënë imuniteti ! Zoti na ndihmoftë !

8 shkurt 2023  Prishtinë  Behxhet Sh. SHALA – BAJGORA