REFUZIMI I URDHËRIT LUFTARAK TË KOMANDËS SË OPERACIONIT „SHIGJETA“ NGA RUZHDI SARAMATI DHE NGJARJA E PËRGJAKSHME E 31 MAJIT 1999 NË FSHATIN POGAJ TË GOROZHUPIT!

Në 25 vjetorin e Operacionit “Shigjeta” në Pashtrik

REFUZIMI I URDHËRIT LUFTARAK TË KOMANDËS SË OPERACIONIT „SHIGJETA“ NGA RUZHDI SARAMATI DHE NGJARJA E PËRGJAKSHME E 31 MAJIT 1999 NË FSHATIN POGAJ TË GOROZHUPIT!

Nga Sheradin Berisha

Përgjegjësia e parë e dëshmitarit të një ngjarjeje historike është t’i shmanget gënjeshtrës, e dyta të mos e fshehë të vërtetën, dhe e treta të mos japë asnjë shkas që të dyshohet në të për anësi. Në këtë kuptim historiani dhe filozofi i Romës antike, Ciceroni (106 – 43 p.e.s) ka tënë: “Ligji i parë i historisë është të mos thuash kurrë asgjë të rreme dhe të mos kesh frikë të pohosh tërë të vërtetën”.

HYRJE

Operacioni i UÇK-së “Shigjeta” në Pashtrik, ishte një nga ngjarjet më të rëndësishme të luftës në historinë e Ushtrisë Çlirimtare të Kosovës, për faktin sepse përkrah UҪK-së ishin: Ushtria Shqiptare në epiqendër me Divizionin e Kukësit dhe Forcat Veriatlantike të NATO-s.

Njëzetë e pesë vjet më parë (më 31 maj 1999) Ushtria Çlirimtare e Kosovës, zhvilloi një luftë frontale në Tri Drejtime Taktike (DT-1, DT-2 dhe DT-3) të Operacionit „Shigjeta“ në Pashtrik.

Sipas Urdhërit luftarak të Operacionit “Shigjeta” të shkoqitur nga Komanda e Operacionit në Has (Cahan), më datë 23 maj, 25 maj dhe 7 qershor 1999 (bazuar në Planin e SHP të UÇK-së i hartuar në gjysmën e dytë të prillit 1999 në Devetak të Jezercit – ZON), Njësitë e UÇK-së ishin të strukturuar si: Forcat të Destinuara për Veprime të Veçanta (FDVV) me emërtimin: Taske Forca (TF-a), sipas modelit amerikanë.

Në pikën 2 të urdhërit „Forcat tona dhe misioni“ thuhet: „Njësitë tona operative të përbëra nga: TF0, TF1, TF2, TF3, TF4, TF5, TF6 dhe GrAT [të ndarë në 3 drejtime taktike DT] do të zhvillojnë mësymjen në zonën Padinë (64 66), Landovicë (7480), Rugovë (6488), Goden (5084), me detyrë, të sulmojnë forcat pushtuese serbe në këtë zonë, t’i rrethojnë e asgjësojnë ato, e të sigurojnë vijimsinë e mësymjes.“

Siupas këtij urdhëri luftarak dhe urdhërave tjera të lëshuar gjatë zhvillimit të operacionit:

1. Në DT-1 operonte TF-1 (Lugu i Zi – Kunor – Kushnin …)

2. Në DT-2 operonin TF-0, Batalioni Atlantiku, një njësi e Brg.126, TF-4, TF-5 (Maja e Pashtrikut – Lubizhdë e Hasit – Romajë)

3. Në DT-3 operonin TF-2 dhe TF-3 (Gorozhup – Planej – Zym)

Në kuadër të këtij operacioni luftarak janë zhvilluar dy sulme me përmasa të gjera frontale të UÇK-së. Sulmi i parë u zhvilllua më 26 – 29 maj 1999 (në tri DT), ndërsa sulmi i dytë u zhvillua nga 31 maji deri më 9 qershor 1999, kur u nënshkrua marrëvershja Tekniko – Ushtarake në Kumanovë midis NATO-s dhe Ushtrisë Serbe.

***

GËNJESHTRAT E RUZHDI SARAMATIT PËR NGJARJEN E PËRGJAKSHME TË 31 MAJIT 1999 …

Më 31 maj 1999, njëra nga ngjarjet më të përgjakshme ka ndodhur në DT-3 Gorozhup… saktësisht në fshatin Pogaj.

Ruzhdi Saramati, vazhdimisht në shkrime e takime ka deklaruar se gjatë Operacionit “Shigjeta” në Pashtrik ishte Komandant i “Brigadës 128 Sulmuese me katër batalione që luftuan: nga Drini i Bardhë e deri në Qafë Prush…” Dhe rrjedhimisht e ka përjetësuar moton e rrejshme: “Brigada 128 bartëse e operacionit luftarak – sulmues “Shigjeta” në Pashtrik”!!!

Për më tepër ai në tubimet e përvitshme përkujtimore (në çdo 31 maj) i ka gënjyer familjet e dëshmorëve dhe jo vetëm, duke thënë se: djemtë, burrat dhe baballarët e tyre, më 31 maj 1999 kanë rënë dëshmorë, duke luftuar në vijat e para të frontit në Gorozhup!

A është kjo e vërtetë? Jo nuk është e vërtetë!

Cila është e vërteta e kësaj ngjarjeje të përgjakshme?!

Më 31 maj 1999: Sali Saramati, Gani Saramati, Selver Maçkaj, Shpend Berisha dhe Beran Gashi, kanë rënë dëshmorë pa e krisur asnjë plumb, në një lagje të fshatit POGAJ, diku rreth 1.5 – 2 km larg vijës luftuese të GOROZHUPIT! Në këtë përballje të përgjakshme nga granatimet e artilerisë serbe morën plagë: mjeku Ilir Rakaj, shefi dhe Zv.K-danti i TF-3, Elmi Bytyqi, Milaim Shala, Ramadan Krasniqi etj.

Pse ka ndodhur kjo ngjarje e rëndë?

Sepse „GJENERALI“ RUZHDI SARAMATI NUK E ZBATOI URDHËRIN E KOMANDËS SË OPERACIONIT “SHIGJETA”, NR. 01/07, DATË 30. 05. 1999, PËR T’I BASHKUAR NË ORËT E HERSHME TË MËNGJESIT (TË 31 MAJIT) NJËSITË E TF-3 ME NJËSITË E TF-2 TË POZICIONUAR NË VIJËN MËSYMËSE – LUFTUESE NË GOROZHUP, PËRBALLË KARAULLËS SERBE DERI RRËZË PASHTRIKUT …

***

 LUFTA E UÇK NË GOROZHUP, GJATË OPERACIONIT “SHIGJETA” NË PASHTRIK, MAJ – QERSHOR 1999 (VIDEO – DËSHMI ARKIVORE)

LUFTA E UÇK NË GOROZHUP, GJATË OPERACIONIT “SHIGJETA” NË PASHTRIK, MAJ – QERSHOR 1999 (VIDEO – DËSHMI ARKIVORE)

***

SI U ZHVILLUA NGJARJA E 31 MAJIT 1999?!

Komanda e Operacionit “Shigjeta” në Cahan, pas kunsultimeve përfundimtare me SHP të UҪK-së (brenda në Kosovë) me Zyrën e Operativës në Kukës dhe në Krumë, më datë 30 maj 1999 ka lëshuar urdhërin Nr.1/07, për të gjitha njësitë (TF-at) që të përgatiten, për në orën 4:00 të mëngjesit, datë 31 maj 1999, të nisin sulmin nga të gjitha vijat e frontit kundër forcave serbe.

Në këtë kohë u është dhënë urdhëri që disa njësi ushtarake të lëvizin në drejtim të frontit, nga Qendrat Stërvitore: KALIMASH dhe FEKEN.

Nga QS e Kalimshait për në front kanë lëvizur disa njësi të TF-3’shit në krye me Shefin dhe Zëvendëskomandantin e shtabit, Elmi Bytyqi, ndërkohë që nga QS e Fekenit për në Pashtrik kanë lëvizur dy batalione, të cilat (me urdhër të komandës së Operacionit Shigjeta në Cahan) do të pozicionohen në DT2 – Maja e Pashtrikut, aty ku nga 26 maji po luftonte TF0, në krye me komandantin Fadil Zejnullahu – Lepurin, një njësi e brigadës 126 – Hasi me K-dant Riza Alijajn – Hoxha…, Batalioni Atlantiku me K-dant Uran Rexhepin, dhe një skuadër profesionale në krye me Agim Lekën.

***

Nga Qendra Stërvitore e Kalimashit për në Pogaj – Gorozhup, Eprori Elmi Bytyqi ka shkuar me këto Njësi të TF-3 me:

1. Kompaninë e Parë, me komandant Shpend Berisha,

2. Kompaninë e Dytë, me Komandant Agron Llausha,

3. Bateria e Artilerisë, në krye me komandantin Sali Saramatin,

4. Njësia e Speciale – Xhenios me komandant Valbon Çollakun …

Kanë udhëtuar në vijën rrugore e malore: Kalimash – Kukës – Krumë – Cahan – Kishaj – Pogaj.

NJOHURI BAZIKE PËR MARSHIMIN LUFTARAK NGA ‘FEKENI’ DHE ‘KALIMASHI’ NË DREJTIM TË FRONTIT TË LUFTËS NË PASHTRIK, GJATË OPERACIONIT “SHIGJETA” MAJ – QERSHOR 1999!

SHERADIN BERISHA: NJOHURI BAZIKE PËR MARSHIMIN LUFTARAK NGA ‘FEKENI’ DHE ‘KALIMASHI’ NË DREJTIM TË FRONTIT TË LUFTËS NË PASHTRIK, GJATË OPERACIONIT “SHIGJETA” MAJ – QERSHOR 1999!

***

NAXHIP HAJDARI: ZV.K-DANTI MUSA JASHARI IA DORËZON RUZHDI SARAMATIT URDHËRIN LUFTARAK NR.1/07, DATË 30 maj 1999!

Nga biseda që kam zhvilluar me Shefin e Shtabit të Komandës së Operacionit “Shigjeta”, (me seli në Cahan) Nexhip Hajdari, ai thotë se, pas përpilimit të urdhërit me datë 30 maj 1999, kam shkuar në Njësinë e TF-2 te Antena (afër fshatit Kishaj rrëzë Pashtrikut) për t’ia dorëzuar eprorëve: Kemajl Shaqirit dhe Fazli Berishës, urdhërin për sulmin e datës 31 maj, ndërsa Zëvendës K-danti i Komandës së Oeracionit, Musa Jashari të njejtin urdhër ia dorëzon edhe K-dantit të TF-3, Ruzhdi Saramati. Ruzhdi Saramati me këtë rast urdhërohet që dy kompanitë e këmbësorisë dhe jo vetëm (që kishin ardhur nga Kalimashi) t’i pozicionoj në vijat mësymëse – sulmuese të Gorozhupit (përballë karaullës serbe deri rrëzë Pashtrikut) ku ishin pozicionuar tri kompanitë e këmbësorisë me njësitë tjera të TF-2 në krye me K-dantin Fazli Berisha. Por Ruzhdi Saramati nuk e zbaton këtë urdhër, duke mos i bashkuar njësitë e TF-3 me TF-2, dhe rrjedhimisht ka qëndruar prapa vijës luftuese të Gorozhupit. Në fshatin Pogaj s’kishte vijë mësymëse (sulmuese) për shkak të terenit të zbuluar (me lendina) përballë forcave të armikut!

• Nexhip Hajdari, Shef i Shtabit të KO “Shigjeta” me VK në Cahan dhe Nexhmedin Kastrati, K-dant i KO në këtë VK

***

RUZHDI SARAMATI NUK I BASHKON FORCAT E TF-3, ME FORCAT E TF-2 NË VIJËN SULMUESE NË GOROZHUP!

Sipas dëshmive arkivore dhe kujtimeve të eprorëve e ushtarëve të kësaj force, para se të futeshin në Pogaj, natën e 30/31 majit e kanë kaluar në malet e fshatit Pogaj (diku prapa fshatit Moriq).

Në orët e mesantës 30/31 maj 1999 është mbajtur një Takim i komandantëve të këtyre njësive (të TF-3).  Dhe Komanda e TF-3 në krye me K-dant Ruzhdi Saramatin në vend se të bashkëveprojë me Komandën e TF-2 në krye me K-dant Fazli Berisha për tu futur qysh në orët e hershme të mëngjesit në vijën luftuese në Gorozhup, nuk e bënë këtë veprim, siç u tha më lartë nuk e zbatoi urdhërin e Komandës së Operacionit “Shigjeta” Nr.1/07, datë 30 maj 1999. Forcat e TF-3 qëndrojnë në mal mbi fshatin Pogaj (prapa lagjes Moriq) deri rreth orës 8 kur agon mëngjesi. Në këtë kohë forcat serbe gjatë vëzhgimit i kanë parë lëvizjet e tyre dhe menjëherë kanë nisur të granatojnë nga largësia (4-5 km…) nga pozicionet e tyree në Zhur, Vërmicë… dhe nga ana e Gorozhupit, fshati Planej…!

Në këtë situatë forcat e UҪK-së nën breshërinë e granatimeve futen në lagjen (nën antenë) të fshatit Pogaj, për tu mbrojtur nga granatimet e furishme. Megjithatë gjatë kësaj ngjarjeje në këtë lagje bien dëshmorë:

1. Selver Maçkaj,

2. Sali Saramati,

3. Gani Saramati,

4. Shpend Berisha dhe

5. Beran Gashi, ndërsa plagosen rëndë e lehtë disa ushtarë, në mesin e tyre dhe mjeku Ilir Rakaj, shefi dhe Zv.K-danti i TF-3, Elmi Bytyqi, Milaim Shala, Ramadan Krasniqi etj.

***

MANIPULIMET E RUZHDI SARAMATIT DHE E VËRTETA PËR “BETEJËN” E PËRGJAKSHME TË 31 MAJIT 1999 NË FSHATIN POGAJ TË GOROZHUPIT!

MANIPULIMET E RUZHDI SARAMATIT DHE E VËRTETA PËR “BETEJËN” E PËRGJAKSHME TË 31 MAJIT 1999 NË FSHATIN POGAJ TË GOROZHUPIT!

***

CILIN URDHËR LUFTARAK NUK E ZBATOI RUZHDI SARAMATI?

Ruzhdi Saramati nuk e ka zbatuar këtë urdhër „tepër sekret“ të Komandës së Operacionit „Shigjeta“:

USHTRIA ÇLIRIMTARE E KOSOVËS

SHTABI I PËRGJITHSHËM

K-DA E OPERACIONIT

Nr. 01/07, 30.05.1999

Sekret ushtarak

Tepër sekret

Në bazë të konsultimeve përfundimtare me Shtabin e Përgjithshëm të UÇK-së dhe dhënjes së dritës së gjelbërt nga ai për ngritjen e gadishmëris luftarake të njësive të UÇK-së dhe veprimeve të shpejta dhe efikase jap këtë urdhër

URDHËR

Të gjitha njësitë të përgaditen për sulm me detyra:

– Aktivizimi i vëzhgimit në drejtime të sulmit.

– Vëzhgimet të bëhen me komandantët e njësive (kompani, tog, skuadër).

– Të bëhet koordinimi me fqinjët si dhe lidhshmëria fizike.

– Përgaditja e artilerisë si dhe e caqeve në front dhe në thellsi.

 – Përgaditja e furnizimit dhe shërbimit logjistik në të gjitha paisjet (municion, ushqime, veshmbathje).

– Të përdoret biseduesi“ dhe karta e shifrave.

– Njësitë të kenë gjithnjë 1/3 në gadishmëri për përdorimin eventual sipas vlerësimit të nevojave të K-dantëve të njësive.

– Gadishmëria për sulmë në ora 04:00 (31.05.1999)

– Për zbatimin e këtij urdhëri bëjë përgjegjës:

– Zavendësin e K-dantit

– Shefin e Shtabit

– K-dantin e drejtimit

– K-dantët e TF-ve

– Çdo moszbatim i këtij urdhëri ndëshkohet me masa diciplinore dhe penale.

NH / JK

Përpunuar në kopje:

DORËZUAR

– K-dantit

– K-dantit të drejtimit

– K-dantit të TF (0,1,2,3,4,5,6)

– K-dantit të artilerisë

– Ndihmësit të K-dantit për logjistik (G4)

– Arhivë

Komandanti i Operacionit

Z. Nexhmedin Kastrati

Nënshkrimi 

____________

Dëshmi arkivore:

Shikoni e lexoni fotodëshmitë e rënjes dëshmorë të: Sali e Gani Saramatit, Shpend Berishës, Selver Maçkajt dhe Beran Gashit, më 31 maj 1999 në fshatin Pogaj të Shqipërisë…!