Pashtriku.org, 28 qershor 2017: Demokracia (demo – popull; kraci – qeverisje, rend) është një sistem qeverisjeje nga populli, që do të thotë se pushteti i takon popullit dhe se ushtrohet drejtpërdrejt nga përfaqësuesit e zgjedhur (prej tij) sipas një sistemi të lirë elektoral. Presidenti i 16’të i SHBA’ve, Abraham Linkoln (1809 – 1865) ka thënë se, demokracia është qeveri «që i përket popullit, del nga populli dhe i shërben atij».
A është vërtetë kështu?!
Ekonomisti i shquar austriak, Jozef (Joseph) A.Schumpeter(1883-1950) lidhur me demokracinë thotë: “Demokraci nuk do të thotë se drejton drejtpërdrejt populli. Demokraci do të thotë vetëm ajo, që populli ka të drejt të pranojë ose të mos pranojë ata njerëz të cilët duhet ta drejtojnë.” Ҫka do të thotë kjo? Kjo do të thotë që populli i ‘zgjedh’ ata njerëz që i imponohen për t’i votuar! Kjo është “demokracia e popullit”!!!
