Pashtriku, 6 maj 2019: Në filozofinë politike ekzistojnë dy ‘parime’ bazë:
1. ‘rregull nga shkaktimi i krizave’, dhe
2. ‘fitore përmes konfliktit’.
Këto ‘parime’ zhvillohen mbi bazën doktrinës trinomëshe të filozofit gjerman Georg F.V.Hegel (1770 – 1831):
1. Teza (problemi)
2. Antiteza (reagimi) dhe
3. Sinteza (zgjidhja)
***
Duket që procesi i negociatave Kosovë – Serbi po zhvillohet me këtë dinamike hegeliane!
1. Teza (problemi) është kërkesa e Serbisë për statusin autonom të serbëve në Kosovë, duke u ndërlidhur edhe shkëmbimi apo krrigjimi i territoreve si opcion;
2. Antiteza (reagimi) është kundërshtimi i Kosovës për këto apetite serbe; dhe
3. Sinteza (zgjidhja) është procesi shkallë – shkallë i negocimit që po zhvillohet në Bruksel e Uashtington, dhe në formën e ‘samiteve’ të Berlinit (që u mbajt para ca ditësh) dhe Parisit (që pritet të mbahet me 1 korrik) për finalizimin e “kompromisit të dhimbshëm”! Por nuk do të përfundojnë këtu samitet dhe takimet e tilla …!
