Tetovë, 25 nëntor 2019: Shqiptarët në Maqedoni, në çdo formë dhe me çdo mjet duhet ta ruajnë, mbrojnë dhe forcojnë identitetin e tyre kombëtar, përballë ndikimeve të fuqishme nga jashtë, të përkrahura dhe përhapura nga brenda përmes grupimeve politike dhe fetare në shërbim të këtyre politikave antikombëtare.
Partneriteti dhe vasaliteti janë dy gjëra të ndryshme, sidomos në politikë dhe qeverisje, por këtë dallim nuk e kanë bërë asnjëherë drejtuesit e partive politike të shqiptarëve në Maqedoni, duke e përkthyer çështjen e partneritetit (të imponuar nga rrethanat) në interes të politikës ditore, interes partiak, personal dhe grupor, duke e dëmtuar gjithmonë interesin e përgjithshëm të popullit shqiptar në këtë shtet.
Deri më sot, asnjë parti politike e shqiptarëve në Maqedoni nuk e ka bërë publike ndonjë marrëveshje me shkrim për pjesëmarrje në qeveri, me kushte dhe afate të caktuara për realizimin e të drejtave kolektive dhe për barazi të plotë të popullit shqiptar në këtë shtet.
Logjikës së drejtuesve të këtyre partive politike në stilin “siç duam, ne bëjmë”, qytetarët shqiptarë kanë filluar t’i përgjigjen në mënyrë adekuate: “bëni çfarë të doni, por pa ne!”
Përmes shumave të mëdha të parave që derdhin shërbimet e huaja sekrete ndër grupime politike dhe fetare të shqiptarëve në Maqedoni, dhe jo vetëm, për shtrirjen e ndikimit të tyre në këto hapësira, ato përpiqen t’i ndryshojnë rrjedhat normale të historisë, të kaluarën, të sotmen dhe të ardhmen.
A kanë shqiptarët strategji për t’iu kundërvënë kësaj politike shkombëtarizimi nga ndikimet e huaja, këtë përgjigje duhet ta japin vetë shqiptarët, sa më parë dhe me veprime konkrete, sidomos klasa intelektuale dhe politikanët e përgjegjshëm, të gjithë ata që kanë vetëdije kombëtare të palëkundur.
Postime të Lidhura
PROF.XHELAL ZEJNELI: LUFTA E 2001’shit DHE USHTRIA ҪLIRIMTARE KOMBËTARE TANIMË KANË ZËNË VEND NË HISTORINË E POPULLIT SHQIPTAR
Shkup, 20. 05. 2014 – Në facebook’un tim, lidhur me luftën e 2001’shit, ishin parashtruar pyetje të caktuara.…
‘PAVARËSIA’ E MARËVESHJEVE NDËRKOMBËTARE!
‘PAVARËSIA’ E MARËVESHJEVE NDËRKOMBËTARE! “Askush nuk është më i urryer se ai që thotë të vërtetën.” Platoni (427…
DILAVER GOXHAJ: MIRËNJOHJE, PËR PROMETEUN ALI ALIU – KELMENDI
Prishtinë, 9 nëntor 2018: Kjo kumtesë u lexua sot në Bibliotekën Kombëtare në Prishtinë, me rastin e promovimit…
BESIM R.CENGU: MBI MAHNITJEN
Tiranë, 15 mars 2019: Mahnitja është situatë që ndryshon thelbësisht gjendjen shpirtërore të njeriut a shoqërisë. Është para…