Pashtriku, 21 janar 2020:
7.9 Xhevë Lladrovci
Xhevë Krasniqi-Lladrovci u lind më 1 qershor 1955 në fshatin Drenoc të Malishevës. Gjimnazin e kishte mbaruar në Klinë, kurse Fakultetin Filozofik, Gjuhë dhe Letërsi Shqiptare në Prishtinë. Xheva kishte studiuar edhe në Fakultetin Juridik në Universitetin e Prishtinës. Gjatë viteve 1983-1984 punoi si profesoreshë në Gjimnazin “Luigj Gurakuqi” në Klinë, por për shkak të veprimtarisë së saj patriotike e përjashtuan nga puna.
Rrjedh nga një familje bujare dhe patriotike. I ati i saj, Abdyli ishte veprimtar i hershëm i Lëvizjes Kombëtare dhe anëtar i GMLK-së, bashkë me të bijat, Xhevën dhe Serveten, të organizuar nëpërmjet profesorit të Gjimnazit të Klinës, Azem Syla.
Xheva ishte fejuar me veprimtarin e shquar, Fehmi Lladrovcin, i cili ishte dënuar për veprimtari çlirimtare me dhjetë vjet burgim.
Me t’u liruar Fehmiu nga burgu, të dy u detyruan të emigrojnë jashtë atdheut, sepse ndiqeshin këmba-këmbës nga regjimi.
Në fillim të vitit 1998, pas pjesëmarrjes në Luftën për pavarësinë e Kroacisë, ata vendosin të kthehen në vendlindje për t’iu bashkëngjitur radhëve të UÇK-së, Fehmiu si njëri nga komandantët e lavdishëm të saj, kurse Xheva si krah i djathtë i tij. Xhevën dhe Fehmiun me të drejtë i krahasonin me Azemin dhe Shotë Galicën.
Më 22 shtator 1998, ata me bashkëluftëtarët, pasi kishin gozhduar forcat serbe për disa ditë në hyrje të Drenicës legjendare, bien dëshmorë në altarin e lirisë.
VIJON…
_________________
MEHMET HAJRIZI: SHËNIME PËR VEPRIMTARINË E AFRIM ZHITISË (32)
https://pashtriku.org/?kat=46&shkrimi=9548
Postime të Lidhura
UKSHIN HOTI: REPUBLIKËN E KOSOVËS E KONSIDEROJ TË FORMUAR, POR DUHET BËRË SHUMË PUNË, QË TË JETË I PRANUAR NGA TË TJERËT
Pashtriku.org, 16. 05. 2015 – Ukshin Hoti u lind në vitin 1943 në Krushë të Madhe. Shkollën fillore…
ISMAIL GASHI: JETA DHE VEPRIMTARIA ATDHETARE E ISA DEMAJT
Lypjan, 29. 08. 2012 – Porosia e Isës, dashuria e Isës, idealet e Isës do të bëhen realitet.…
MOIKOM ZEQO, NË OPTIKËN HUMORISTIKE TË BUJAR KAPEXHIUT
Tiranë, 6 tetor 2017: (BOTUAR NË LIBRIN E BUJAR KAPEXHIUT “BURRI I ODËS DIBRANE “, SHTËPIA BOTUESE OMBRA,…
MEHMET BISLIMI: QERIME HALIL RADISHEVA – SHOTË GALICA (1895 – 1927)
Zürich, 24. 07. 2015 – Femra shqiptare në vazhdimësi është përballur me ashpërsitë e jetës. Mbi të rëndoi…