BEDRI ISLAMI: SOT, NË PRAG TË 100 VJETORIT – ADEM JASHARI E MERITON TË JETË NË TRIBUNËN E RILINDËSVE

(Vjenë, 25. 11. 2012) – Sot, në prag të 100 vjetorit të shtetit shqiptar, shumë larg saj, në Athinë, do të zhvillohej një manifestim. Ndër fotot që mbanin pjestarët e manifestimit, në mes të Abdyl Frashërit, Samiut, Naimit, Bajram Currit e Isë Boletinit, ishte edhe një foto e njohur e Adem Jasharit, në të njëjtat përmasa dhe në të njëjtin vend.
E pashë dhe mendova: a është Adem Jashari në Rilindësit e mëdhenj të kombit tonë?
Në pikëpamje kohore, mes tij dhe Rilindësve janë më shumë se 8 dekada. Koha, në këtë rast, është në të kundërtën e asaj që do të themi më poshtë. Mirëpo nuk është koha ajo që ndërlidh ngjarjet dhe njerëzit, është diçka më e madhe se kaq; është idea dhe përkushtimi, e jo vetëm kaq, por më tepër; është edhe fakti se sa jeta dhe mendimi i tyre i shërbej kohrave, kombit dhe të ardhmes. 100 vite më parë, si vazhdë të mendimit politik të Rilindësve dhe luftës së atdhetarëve të mëdhenj, u bë ajo që mund të quhet Shqipëria londineze, shteti i tashëm, jashtë së cilës mbetën treva të rëndësishme të atdheut, të cilat, shpesh herë, kishin qenë palca e kombit dhe e qendresës së tij.
Në kohën kur po mendohej se fatkobi i shqiptarëve ishte vendosur përfundimisht dhe, se pavarësisht dëshirës, kishte përfunduar deri tek kufijtë e vitit 1913 ëndrra e rilindësve, në Kosovë, më saktë, në Drenicë, pikërisht me 28 Nëntor, do të lindte një njeri, i cili përmbysi fatkobin tonë dhe riktheu në kohë, edhe një herë, ëndrrën e rilindësve.
Adem Jashari, ditëlindja e të cilit do të ishte e njëjtë me të shtetit shqiptar, do të ishte rilindësi i madh, i cili, me një vizion që dukej jashtë kohe, bëri të mundur që ëndrra të vazhdonte, dhe ashtu si në mitet e mëdha, si në legjendat e lashta, do të kthente edhe një herë pas kohën, do të bënte që ëndrra e tij të ishte vazhdim i një rilindje kombëtare, në fundin e shekullit të njëzet.
Kjo do të thotë se ajo që nisi në fillimin e shekullit, si një ëndërr e përgjakshme, do të mbyllej në fundin e tij, si një ëndërr e realizuar.
Ky burrë, i cili me thjeshtësinë e tij dukej si çdo njeri i zakonshëm, i dashur dhe hokatar, i pasionuar me armët si mjet lirie, u rrethua me 5 mars 1998 dhe luftoi tri ditë e tri netë. Në tri ditë e tri netë, si kujtonte mbesa e tij, ai këndonte vetëm dy këngë, këngën e Çerçiz Topullit dhe të Kamber Loshit, si një vijmësi përbashkimi.
Ndaj Adem JASHARI e meriton të jetë në tribunën e Rilindësve, pasi Ai, pavarësisht nga koha, ishte vazhdimi i ëndrrës së tyre dhe realizuesi i Ëndrrës së madhe të Shqiptarëve.

Total
0
Shares
2 comments
  1. Hey there! Do you know if they make any plugins to assist with Search Engine Optimization? I’m trying to get my blog to rank
    for some targeted keywords but I’m not seeing very good results.
    If you know of any please share. Thank you!
    You can read similar article here: Ecommerce

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Për siguri, kërkohet përdorimi i shërbimit reCAPTCHA të Google, i cili i nënshtrohet Politikës së Privatësisë dhe Kushteve të Përdorimit të Google.

Unë pajtohem me këto kushte.

Postime të Lidhura