ORGANIZATAT POLITIKE SHQIPTARE NË EVROPË 1979 – 1985 (5)

Nga Xhafer Durmishi – Skenderi, Suedi, maj 1992 – shkurt 2024

-12. Kronologji e shkurtër ngjarjesh në jetën e organizatave në mërgim

Verë 1979: Ibrahim Kelmendi nxjerr numrin e parë të “Bashkimit”, organ i Frontit të Kuq.

Dhjetor 1979: Jusuf Gërvalla arratiset nga Kosova dhe shkon tek vëllai i tij Bardhoshi në Gjermani, në Shtutgart.

Shkurt 1980: Jusuf Gërvalla nxjerr numrin e dytë të “Bashkimit”.

Maj 1980: Jusuf Gërvalla nxjerr numrin e tretë të “Bashkimit”.

Gusht 1980: Jusuf Gërvalla nxjerr numrin e parë të “Lajmëtarit të lirisë”.

Tetor 1980: Jusuf Gërvalla nxjerr numrin e dytë të “Lajmëtarit të lirisë”.

Tetor 1980: Në Zvicër del numri i parë i “Lirisë”, organ i OMLK-së.

Dhjetor 1980: Del numri i dytë i “Lirisë”.

Janar 1981: Jusuf Gërvalla nxjerrë numrin e fundit të “Bashkimit”, të katërtin me radhë, dhe për shkak të burgosjes së Hysen Gegës, ndërprenë përjetësisht bashkëpunimin me Ibrahim Kelmendin, që mund të përmblidhen në fjalinë e Jusufit:

”Bashkëpunimi me të gjatë demonstratave të mbajtura në Perëndim ka shkuar përmes shokut të „Lirisë“ (Kadri Zeka – shën. im).” (korrik 1981)

Prill 1981: Jusuf Gërvalla merr kontakt me Sabri Novosellën dhe e njofton për kontaktet e raportet që i ka me Kadri Zekën,

Maj 1981: Jusuf Gërvalla ndihmon dhe bënë përgatitjen teknike të numrit të tretë të “Lirisë” dhe organizon dërgimin e saj në Kosovë.

Prill-Maj-Qershor 1981: Punë e madhe praktike për organizimin e tetë demonstratave në qendra të ndryshme të Evropës në përkrahje të demonstratave të Kosovës në Pranverën 1981.

Maj 1981: UDB-ja përmes Ilustrovana Politikës dhe Radio Beogradit bën fushatë kundër Jusuf Gërvallës, pos tjerash duke e reklamuar Ibrahim Kelmendin si shokun e tij më të ngushtë.

Viktima të kësaj fushate të UDB-së janë shumë shokë të LNÇKVSHJ e në mesin e tyre edhe Sabri Novosella.

Korrik 1981: Për t’iu kundërvu fushatës dezinformuese dhe reklamave të UDB-së, dhe për t’ia thënë të vërtetën LNÇKVSHJ-së, Jusuf Gërvalla, më 31 korrik 1981, i shkruan një raport-Lëvizjes Nacionalçlirimtare të Kosovës dhe Viseve të tjera Shqiptare – Komitetit të Degës „Hasan Prishtina“, ku i tregon raportet e tij të vërteta me Ibrahim Kelmendin.

Korrik 1981: Jusuf Gërvalla dhe Kadri Zeka vendosin ta ndërpresin organizimin e demonstratave dhe të orientohen drejtë çështjeve organizative.

Korrik-Gusht 1981: Jusuf Gërvalla ndihmon me artikuj dhe përgatitë teknikisht numrin e dyfishtë 4-5 të “Lirisë” dhe organizon dërgimin e saj në Kosovë.

Gusht 1981: Libri i Enver Hoxhës “Kur lindi Partia” – del në qarkullim në Shtutgart dhe rrethe tjera në Evropë.

Shtator 1981: Hasan Mala i sjell nga Kosova në Zvicër – Tezat rreth Frontit për Republikë, të OMLK-së.

Tetor 1981: Në Stamboll mbyllen pa rezultat bisedimet për bashkim në mes Sabri Novosellës dhe Kadri Zekës. Me propozim dhe me kërkesë të Sabri Novosellës, Jusuf Gërvalla fillon të nxjerrë “Zërin e Kosovës” si organ të LNÇKVSHJ-së.

Nëntor 1981: Del numri i parë i “Zërit të Kosovës”, i  LNÇKVSHJ-së.

Janar 1982: Del numri i dytë e “Zërit të Kosovës”, i LNÇKVSHJ-së.

Në Untergruppenbah, në mbrëmjen e 17 janarit 1982 nga armiqtë e popullit shqiptarë vriten vëllezërit Gërvalla dhe Kadri Zeka.

5 shkurt 1982: Varrosen vëllezërit Gërvalla e Kadri Zeka, në varrezat kryesore të Shtutgartit.

17 shkurt 1982: Në orët e vona të natës përfundojnë bisedimet për bashkim në mes LNÇKVSHJ-së e PKMLSHJ-së në Ankara. Në bisedime marrin pjesë Sabri Novosella, Xhafer Durmishi, Abdullah Prapashtica, Osman Osmani dhe Faton Topalli.

Mars 1982: Del numri i “Zërit të Kosovës”, si organ i LNÇKVSHJ, (pas atentatit të 17 janarit) nën drejtimin e Xhafer Durmishit.

3 prill 1982: Demonstratë e shqiptarëve në Bon.

24 prill 1982: Demonstrata e parë shqiptare në Vjenë.

14 maj 1982: Në Biel Bienne takohen Xhafer Shatri, Osman Osmani dhe Xhafer Durmishi. Përkundër kërkesave të Osman Osmanit e Xhafer Shatrit për ndryshimin e emrit të organit, “Zëri i Kosovës” mbetet organ i LRSHJ-së. Në takim ndahen detyrat, ku Xhafer Durmishi ngarkohet të vazhdoj me nxjerrjen e organit të Lëvizjes. Pjesërisht me shkrime dhe me përgatitjen e plotë teknike merret gjer në mars 1983.

Takimi i 14-15 majit 1982 është i pari dhe i fundit ku ishte e pranishme ajo pjesë që rridhte nga PKMLSHJ-ja.

Qershor 1982: Del në Shtutgart numri i parë i “Zërit të Kosovës” si organ i Lëvizjes për Republikë. (ZiK-u, Organ i LRSSHJ-së, Nr.1 Qershor 1982 )

26 qershor 1982: Demonstratë e koordinuar shqiptare në Bern dhe Sydney të Australisë, në ditën e fillimit të punimeve të Kongresit XII të LKJ.

Dhjetor 1982: Demonstrata më jehonë madhe deri atëherë (e para e mbajtur në një ditë pune) në Gjenevë, më 10 dhjetor 1982, me rastin e ditës për të drejtat e njeriut.

Janar 1983: Mbledhje në banesën e Hafiz Gagicës. Marrin pjesë: Xhafer Shatri, Hasan Mala, Ibrahim Kelmendi, Xhafer Durmishi. Zgjidhet Qendra Ekzekutive (emër i propozuar prej Xhafer Shatrit) e Lëvizjes. Ndahen këto detyra:

Xhafer Shatri – nxjerrjen e gazetës,

Faridin Tafallari – arkëtar,

Hasan Mala – lidhjet me Kosovën,

Ibrahim Kelmendi- lidhje me organizata të jashtme,

Xhafer Durmishi – çështjet organizative në mërgim, relacionet me klubet shqiptare.

Mars 1983: Del numri i dytë i (për vitin 1983) “Zërit të Kosovës” në Gjenevë nga Xhafer Shatri e Xhafer Durmishi, dhe pas përfundimit të punimeve bëhet një mbledhje e Qendrës Ekzekutive. Hasan Mala dhe Faridin Tafallari votojnë për pikëpamjet e Xhafer Durmishit lidhur me qëndrimin ndaj klubeve shqiptare në mërgim.

Korrik 1983: Në një shtëpi malore në Zvicër bëhet një tubim i madh i aktivistëve më të dalluar të Lëvizjes në Evropë si dhe përfaqësues klubesh. Merret një vendim për themelimin e një Bashkësie të klubeve shqiptare dhe demaskohet puna intriguese e PKMLSHJ-së. Në mbledhjen e Qendrës Ekzekutive që mbahet pas tubimit, Xhafer Durmishi kërkon dorëheqje për shkak të pikëpamjeve të kundërta me Ibrahim Kelmendin e Xhafer Shatrin në çështjen e klubeve shqiptare dhe punën e tyre. (Dorëheqja e tij nuk pranohet –  shën. Im)

Nëntor 1983: Sabri Novosella vjen nga Turqia në Gjenevë te Xhafer Shatri dhe pas disa ditësh i bënë një varg akuzash. Akuzat e Sabri Novosellës hidhen poshtë nga të gjithë.

Mars 1984: Mbledhje në Gjenevë ku marrin pjesë Xhafer Shatri, Ibrahim Kelmendi, Faridin Tafallari dhe Xhafer Durmishi.

Qershor 1984: Del “Zëri i Kosovës” në Suedi. Gjatë vitit 1984 dalin 5 numra.

Korrik 1985: Del numri i fundit i “Zërit të Kosovës” në Suedi. Gjatë vitit 1985 dalin 8 numra. Pjesa më e madhe e atyre që e kanë përkrahë këtë gazetë u aktivizuan në partitë e ndryshme demokratike të Kosovës.

_____

P. S – Këtë shkrim e kam kryer në maj të vitit 1992. Ka qenë i paraparë si reagim ndaj shkrimit të Sabri Novosellës – SI E KRIJUAM LËVIZJEN PËR REPUBLIKËN SHQIPTARE NË JUGOSLLAVI (LRSHJ), MË 17 SHKURT 1982- botuar në “Zëri”, por “Zëri” e ka cunguar dhe ka botuar vetëm një pjesë të vogël të tij. 

…….

ORGANIZATAT POLITIKE SHQIPTARE NË EVROPË 1979 – 1985

ORGANIZATAT POLITIKE SHQIPTARE NË EVROPË 1979 – 1985

========================================

Xhafer Durmishi – Skenderi maj 1992 – shkurt 2024

(FUND)

© Pashtriku.org

+++++++

Kthehu në pjesën e parë:

ORGANIZATAT POLITIKE SHQIPTARE NË EVROPË 1979 – 1985 (1)

Nga Xhafer Durmishi – Skenderi, Suedi, maj 1992 – shkurt 2024

ORGANIZATAT POLITIKE SHQIPTARE NË EVROPË 1979 – 1985 (1)

=======================

Në 42 vjetorin e themelimit të Lëvizjes

SI E KRIJUAM LËVIZJEN PËR REPUBLIKËN SHQIPTARE NË JUGOSLLAVI (LRSHJ), MË 17 SHKURT 1982 / Nga Sabri Novosella

Pjesa e parë:

SABRI NOVOSELLA: SI E KRIJUAM LËVIZJEN PËR REPUBLIKËN SHQIPTARE NË JUGOSLLAVI (LRSHJ), MË 17 SHKURT 1982 (I)

***

Pjesa e dytë:

SABRI NOVOSELLA: SI E KRIJUAM LËVIZJEN PËR REPUBLIKËN SHQIPTARE NË JUGOSLLAVI (LRSHJ), MË 17 SHKURT 1982 (II)