Pashtriku.org, 27. 11. 2014 – 571 vjet më parë, më 28 nëntor 1443, Heroi ynë Kombëtar Gjergj Kastrioti – Skënderbeu në prani të gjithë krutanëve (banorëve të Krujës) ngriti flamurin e Lirisë (atë të Kastriotëve) mbi muret e Kështjellës së Krujës. Me këtë rast, sipas Marin Barletit, Skënderbeu iu drejtua krutanëve me fjalët lapidare: “Armët nuk ua solla unë, por ju gjeta të armatosur! Lirinë e pashë se e keni kudo: në kraharor, në ballë, në shpatat e në ushtat tuaja”. Ndërkaq 469 vjet më vonë, më 28 nëntor 1912, Ismail Qemali po këtë Flamur Kombëtar e ngriti në Vlorë, pasi Kuvendi e proklamoi Pavarësinë e Shqipërisë në kufijtë Etnik prej 90 270 km². (*)
&&&
Këto ditë shqiptarët në gjithë gjeografinë etnike dhe kudo gjetkë në botë, shpirtin dhe mendjen e tyre e kanë përqendruar te data më e Madhe historike, atje ku ka filluar numërimi i këtyre 102 viteve, më 28 Nëntor 1912, në këtë ditë pikënisjeje për Pavarësinë e Shqipërisë në kufijtë e saj Etnik. E quaj pikënisje për pavarësi, për faktin sepse Shqipëria e 28 nëntorit 1912 nuk u bë kurrë, ajo u copëtua nga Konferenca e Londrës (1913) duke ia njohur vetëm 28.748 km² !!!
***
Prandaj – Gëzuar 28 Nëntorin 1912!
Punë të mbarë në bërjen e Shqipërisë së Bashkuar!
__________
(*) Në vitin 1912 gjeografia e katër vilajeteve shqiptare përfshinte 90 270 km2:
1 – Vilajeti i Kosovës përfshinte 32 900 km²,
2 – Vilajeti i Shkodrës kishte 10 970 km²,
3 – Vilajeti i Manastirit kishte 28 500 km² dhe
4 – Vilajeti i Janinës kishte 17 900 km².
Pra, më 28 Nëntor 1912 në Kuvendin Vlorës u Shpallë Pavarësia e Shqipërisë në tërësinë teritoriale, prej 90 270 km², e jo në 28.748 km²!!!
/Editori i pashtriku.org, Sheradin Berisha/
