Pashtriku.org, 6 qershor 2017: Tufëzimi i partive në dy koalicione parazgjedhore (PAN-LAA) në Kosovë, ka zvogluar numrin e kandidatëve të tyre në listën e përbashkët! Ky përbashkim, ndonëse ka ndikuar në maksimalizimin (rritjen) e numrit të votave për t’u bërë deputetë, ka rritur dhe konkurencën e garuesve, jo vetëm brenda kandidatëve të partive të koalicionit, por edhe konkurencën brenda kandidatëve të partisë (brenda llojit).
Prandaj, ‘lufta’ për ta fituar karrikën e deputetit, duket se do të jetë e ashpër, dhe me 11 qershor (përveç shitblerjes dhe abuzimeve tjera të votës – gjatë procesit të votimit), vota e hedhur në kuti, edhe gjatë procesit të numrimit mund të tjetërsohet (bartet) nga njëri kandidat të kandidati tjetër i partisë së koalicionit, ose nga një kandidat te një kandidat tjetër brenda partisë!
