PATRIOTËVE NUK U DHAMË AS NJË VARR KU MUND TË PREHEN TË QETË!

Na mbuloftë turpi, na mbuloftë!

PATRIOTËVE NUK U DHAMË AS NJË VARR KU MUND TË PREHEN TË QETË!

Nga Sheradin Berisha

Ata që i dhanë identitet shqiptarëve dhe ishin pjesa më sublime e historisë sonë mbi 100 vjeçare, padyshim janë patriotët tanë, të cilët me sakrificën dhe gjakun e tyre, e bënë historinë, dhe u shndërruan në histori e simbole të përjetshëm të Kombit Shqiptar.

Dhe si të tillë, ata meritojnë natyrshëm përkujdesjen dhe respektin maksimal nga shoqëria shqiptare.

– Cila është përkujdesja institucionale, për patriotët tanë që e bën Shqipërinë?!

A kanë varre ata dhe a prehen të qetë në varret e tyre?!

– Në çfarë gjendje është varri i heroinës sonë Shote Galica, në Fushë Krujë?!

– Po, në qytetin Bajram Curri, për varret e:

– Bajram Currit,

– Isa Boletinit (pa eshtrat e tij),

– të Mic Sokolit,

– Asim Vokshit e

– Ramë Sadrisë, a përkujdeset populli dhe institucionet shtetërore?!

Cila është përkujdesja e shtetit ndaj varreve të patriotëve tjerë të kombit?!

– Varri i Hasan Prishtinës, në Kukës;

– Varret e: Migjenit, Vaso Pashë Shkodranit, të Luigj Gurakuqit, në djepin e kulturës në Shkodër;

– Po Varret e: Ҫerqiz e Bajo Topullit, Andon Zako Ҫajupit, Koto Hoxhit e Pandeli Sotirit, në Gjirokastër;

– Varret e Pandeli Cales e Mihail Gramenos, në Korçë;

– Po, për varrin e Aqif Pashë Elbasanit, (të këtij burri të Madh – i cili më 25 Nëntor 1912 ngriti Flamurin Kombëtar në sheshin midis Bashkisë dhe Prefekturës së Elbasanit) a përkujdeset Qeveria dhe institucinet lokale?!…

“Kjo është një pjesë e Shqipërisë 100 vjeçare, e Shqipërisë për të cilën aq shumë luftuan e punuan edhe këto figura të mëdha të këtij kombi, pjesë e identitetit kombëtar, e dhembjes, e jetëve të falura për shqiptari, për egzistencën e shtetit shqiptar. E kjo nuk bën përgjegjës vetëm shtetarët, qeveritë, por edhe ata vandalë, dhunues që guxojnë, guxojnë të ngrenë dorë mbi varre, guxojnë të ngrenë dorë mbi histori, mbi patriotë e rilindas pa të cilët vështirë se do të kishim 100 vite pavarësi. Ata dhanë jetën për të, por ne nuk u dhamë as një varr ku të prehen të qetë.” – kështu e përfundon këtë dokumentar trishtues Marin Memia.

Për gjendjen trishtuese të varreve të patriotëve tanë,  më shumë se fjalët flasin pamjet filmike, te emisioni “Shqipëria tjetër” të përgatitur nga gazetari ynë i shquar Marin Memia:

PATRIOTËT E LËNË PA VARR 👇👇👇👇👇

http://www.youtube.com/watch?v=XVxG7mwcRd4   

Total
0
Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Për siguri, kërkohet përdorimi i shërbimit reCAPTCHA të Google, i cili i nënshtrohet Politikës së Privatësisë dhe Kushteve të Përdorimit të Google.

Unë pajtohem me këto kushte.

Postime të Lidhura