KTHEMË NË FOLE

KTHEMË NË FOLE

(Kushtuar veprimtarit të paepur në mërgim, Adem Islami-Stanishori)

Merri eshtrat e mi,

çoji në atë qoshe,

brenda gardhit,

dhe thuaj:

“I solla

eshtrat e tij,

tretur diku

në mërgim.”

Mbi një gur

shkruaj:

“Edhe qyqet,

qyqe,

duan të pushojnë

në foletë e veta.”

Mos rrëfe

as jetën,

as vuajtjet e mia,

se nuk të mjaftojnë

as lapsi,

as letra.

Arif Ejupi

Gjenevë, 8 nëntor 2026

***

MENDJEN ATJE

As s’më flihet,
as s’më rrihet.
Trupin këtu,
mendjen atje.

Mendimet vërdallë.
As një gotë s’më pihet.
Më mirë mendje esëll
se mendje dhallë.
Pastaj, nesër s’i dihet
llogaria ku do dalë.

Në “Rapsodi për gjethet”
ai tashmë shkroi
kapitullin katërmbëdhjetë.
Si barkë që lundron
pa ndalur ndër detet,
plot ndjenjë fjalët gatoi
dhe ty, Tina, të zgjati jetë.

Tjetri me pasion,
nxjerrë nga kujtesa, shkroi,
derisa në heshtje
kujtoi babanë.

Sa shumë fjalë të tija
në mbamendje kishte!
Se dashuria shëron plagë
e mërzia zemrën çanë.

Se “Është e vogël Bota”
jo të gjithë e panë…

Bekim I. Blaku

Shkëputur nga përmbledhja me poezi “Arka e nënës”.

Total
0
Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Për siguri, kërkohet përdorimi i shërbimit reCAPTCHA të Google, i cili i nënshtrohet Politikës së Privatësisë dhe Kushteve të Përdorimit të Google.

Postime të Lidhura