SHKRIMI
e mërkurë, 08 korrik 2020

BESIM CENGU: MOIKOM ZEQO IKU! LAMTUMIRË MENDIMTARI YNË I SPIKATUR

Tiranë, 15 qershor 2020: Iku një Shpirt i Madh njerëzor si rrallëkush. Ai qe Rrapi i Madh libohovit nën hijen e të cilit kishte vend për të gjithë.

Mendimtari i spikatur, shkrimtari brilant, eseisti i pashoq, filozofi, poeti postmodernist, historiani, përkthyesi, arkeologu, etnologu dhe antropologu, muzeologu, politikani reformator dhe eruditi si ai, iku.


Nuk e kemi më mikun e madh, ligjëruesin e mahnitshëm të shqipes, bashkëbiseduesin e mrekullueshëm.

E ky fakt është vërtet fatkeqësi... Fatkeqësi për familjen, fatkeqësi për kombin, fatkeqësi për ne shokët e tij, fatkeqësi për të gjithë shqiptarët.

Ndoshta energjitë kombëtare mobilizohen për të nxjerrë si sintezë e përpjekjeve titanike për më shumë se një shekull për të lindë figura të tilla universale.

Figura si Moikom Zeqo lindin si nevojë dhe kërkesë kombëtare, sepse njerëz të këtyre përmasave janë produkt dhe sintezë e gjithë përpjekjeve të një populli.

Njerëz si ai vijnë në jetën tonë kolektive për të lënë gjurmën e madhe, për të na dëshmuar se si duhet punuar për Shqipërinë, për shqiptarët, se si duhet ta duam njëri-tjetrin.

Personalitete të kësaj stature kanë misionin për të kapërcyer epokat.

Për këtë qëllim Moikom Zeqo ndërtoi monumentin e vet në krye të të cilit shkruhet fjala “Dije”. Ai është pasqyrë dinjitoze e epokës kur jetoi.

Por më shumë shkroi për të nesërmen se sa për sot.

Prandaj ai siç thoshte për Migjenin e madh se ishte poet “pa paraardhës dhe pa pasardhës”, ashtu mbeti edhe ai vetë; një intelektual erudit që kishte rrugën e vet të bujshme në të gjitha fushat e dijes dhe shkencës.

Këtu do të qëndrojë edhe vlera e këtij mendjendrituri, e përhershme, e ndritshme, e çmuar, e cila me siguri në të ardhmen do të shumëfishohet.

Moikomi nuk e zgjodhi vetë betejën, beteja e zgjodhi atë për ta pasur në ballin e saj, ndaj këtë detyrë e kreu me sukses.

Tallazet e jetës së tij ishin edhe tallazet e shoqërisë në të cilën jetoi. Shqetësimet e tij qenë shqetësimet e secilit prej nesh.

Kultura kombëtare sot është në zi se humbi një intelektual të madh. Por ikja e tij është ikje me famë të madhe, se me veprën e tij është gjithmonë me ne.

Lamtumirë Moikomi i Madh.

Jeto në panteonin e përjetshëm dhe ndriço udhën e epokave që vijnë...



kthehu

SHKRIMET E FUNDIT

FOTOLAJM

Adem Jashari 1955 - 1998

FOTODËSHMI

  • Deshmoret e Kombit
  • Xhemajli Berisha
  • Shaban, Adem e Hamëz Jashari
  • Mehë Uka
  • Tahir Sinani
  • Ridvan Qazimi - Komandant Lleshi
  • Xheladin Gashi - Plaku
  • Jashar Salihu
  • Xhemajl Fetahaj
  • Agim Ramadani
  • Indrit Cara - Kavaja
  • Mujë Krasniqi - Kapuçi
  • Abedin Rexha - Sandokani
  • Fehmi i Xheve Lladrovci
  • Remzi Ademaj, Xhevat e Seladin Berisha
  • Bekim Berisha - ABEja
  • Ilir Konushevci
  • Ismet Jashari - Kumanova
  • Luan Haradinaj
  • Adrian Krasniqi
  • Zahir Pajaziti, Edmond Hoxha dhe Hakif Zejnullahu
  • Bahri Fazliu dhe Agron Rrahmani
  • Adem Jashari
  • Ahmet Haxhiu
  • Fadil Vata
  • Ukshin Hoti
  • Afrim Zhitia dhe Fahri Fazliu
  • Rexhep Mala dhe Nuhi Berisha
  • Jusuf Gërvalla dhe Kadri Zeka
  • Naser Hajrizi
  • Adem Demaçi
  • Metush Krasniqi
  • Zekeria Rexha
  • Xheladin Hana
  • Musine Kokollari
  • Marije Shllaku
  • Gjon Serreçi
  • Qemal Stafa
  • Mulla Idriz Gjilani
  • Shaban Polluzha
  • Avni Rrustemi
  • Azem e Shote Galica
  • Asdreni
  • Migjeni
  • Ndre Mjeda
  • Shtjefën Gjeqovi
  • Faik Konica
  • Fan Noli
  • Gjergj Fishta
  • Bajram Curri
  • Isa Boletini
  • Idriz Seferi
  • Hasan Prishtina
  • Luigj Gurakuqi
  • Ismail Qemali
  • Dedë Gjo Luli
  • Çerqiz Topulli dhe Mihal Grameno
  • Mehmet Pashë Deralla
  • Vaso Pashë Shkodrani
  • Naum Veçilharxhi
  • Haxhi Zeka
  • Mic Sokoli
  • Naim Frashëri
  • Sami Frashëri
  • Sylejman Vokshi
  • Ymer Prizreni
  • Ali Pashë Gucia
  • Abdyl Frashëri
  • Jeronim De Rada
  • Marko Boçari
  • Bubulina
  • Pjetër Bogdani
  • Lekë Dukagjini
  • Gj.K.Skënderbeu
  • Teuta
  • Kostandini i Madh
  • Leka i Madh
  • Iliria

VIDEO

Fazli Berisha - Pashtrik

Selver Mackaj 2

Copyright © 2006 - 2012 Portali Pashtriku.org - Të gjitha të drejtat e rezervuara.     Zhvilluar nga: AlbaProject Networks