Tetovë, 26 prill 2017: Bashkimi i Kosovës me Shqipërinë nuk duhet të shitet si ide e bashkimit kombëtar. Nuk ka asnjë projekt më të leverdishëm për propagandën serbe dhe ruse nëse trumbetohet në këto rrethana bashkimi i Kosovës me shtetin amë, Shqipërinë, përderisa mbeten jashtë këtij projekti politik më tepër se gjysma e territoreve etnike, sa kanë këto dy shtete së bashku. Më mirë do të ishte nëse politikanët që e propagandojnë dhe mbështesin këtë ide, ta përmbyllin njohjen ndërkombëtare të shtetit të Kosovës; të përpiqen për anëtarësimin e saj në OKB, në institucionet ndërkombëtare, në radhë të parë në strukturat euroatlantike, se sa të shesin mjegulla për interesa politike ditore.
Përmes idesë për bashkimin e Kosovës me Shqipërinë në këto rrethana, Serbia nuk do të kishte siguruar advokatë më të mirë, sepse përmes kësaj ideje ajo e hap ndërkombëtarisht kontestin me Shqipërinë për ndarjen e Kosovës.
Aleatët e kombit shqiptar që kanë derdhur miliarda dollarë për çlirimin e Kosovës e dinë më mirë se si duhet të avancohet çështja shqiptare, se sa këta poltikanë që i kanë zhvatur fondet financiare për çlirimin e Kosovës dhe e kanë katandisur shtetin e Kosovës në gjendje që as armiqtë më të mëdhenj të saj nuk do të kishin arritur ta bëjnë, ndërsa Shqipërinë e kanë shndërruar në dele të zezë mes shteteve të Evropës, trojet shqiptare në çerdhe për rekrutimin e terroristëve, kopshte të kanabisit, kontrabandës dhe krimit të organizuar.
Nuk bashkohet kombi dhe Atdheu i coptuar nëse bashkohen kriminelët rreth një interesi të përbashkët, në shërbim të Serbisë dhe Rusisë! Para përfundimit të misionit të tyre, i Gjykatave dhe Prokurorive Speciale Publike, në Tiranë, Prishtinë dhe Shkup, ju faleminderit për ,,bashkimin kombëtar” siç pretendoni Ju!
Postime të Lidhura
VV: MATRAPAZËT BLEJNË KUR MATRAPAZËT SHESIN!
Prishtinë, 21. 05. 2013 – Në procesin e rrejshëm të përfundimit të mbikëqyrjes ndërkombëtare të Pavarësisë, Lëvizja VETËVENDOSJE!…
REPUBLIKA E EMISARËVE!
REPUBLIKA E EMISARËVE! Nga Sheradin Berisha, FB 22 tetor 2023 Me emisarë është përgatitur dhe është shpallur “pavarësia”…
GJOKË DABAJ: NJË I RREJSHËM DRITAN I VOGËL, RREJSHËM E “SHPËTON†MALIN E ZI
Durrës, 2 shtator 2020: Në historinë e Malit të Zi është shumë i njohur i Rrejshmi Shqepani i…
GJOKË DABAJ: ËSHTË KOHA QË PATRIOTIZMI I SHQIPTARËVET TË MENAXHOHET ME MENÇURI
Durrës, 21. 06. 2016: Nata midis 19 e 20 qershorit 2016 ishte natë deliri për shqiptarët. Armando Sadiku…