Tetovë, 26 prill 2017: Bashkimi i Kosovës me Shqipërinë nuk duhet të shitet si ide e bashkimit kombëtar. Nuk ka asnjë projekt më të leverdishëm për propagandën serbe dhe ruse nëse trumbetohet në këto rrethana bashkimi i Kosovës me shtetin amë, Shqipërinë, përderisa mbeten jashtë këtij projekti politik më tepër se gjysma e territoreve etnike, sa kanë këto dy shtete së bashku. Më mirë do të ishte nëse politikanët që e propagandojnë dhe mbështesin këtë ide, ta përmbyllin njohjen ndërkombëtare të shtetit të Kosovës; të përpiqen për anëtarësimin e saj në OKB, në institucionet ndërkombëtare, në radhë të parë në strukturat euroatlantike, se sa të shesin mjegulla për interesa politike ditore.
Përmes idesë për bashkimin e Kosovës me Shqipërinë në këto rrethana, Serbia nuk do të kishte siguruar advokatë më të mirë, sepse përmes kësaj ideje ajo e hap ndërkombëtarisht kontestin me Shqipërinë për ndarjen e Kosovës.
Aleatët e kombit shqiptar që kanë derdhur miliarda dollarë për çlirimin e Kosovës e dinë më mirë se si duhet të avancohet çështja shqiptare, se sa këta poltikanë që i kanë zhvatur fondet financiare për çlirimin e Kosovës dhe e kanë katandisur shtetin e Kosovës në gjendje që as armiqtë më të mëdhenj të saj nuk do të kishin arritur ta bëjnë, ndërsa Shqipërinë e kanë shndërruar në dele të zezë mes shteteve të Evropës, trojet shqiptare në çerdhe për rekrutimin e terroristëve, kopshte të kanabisit, kontrabandës dhe krimit të organizuar.
Nuk bashkohet kombi dhe Atdheu i coptuar nëse bashkohen kriminelët rreth një interesi të përbashkët, në shërbim të Serbisë dhe Rusisë! Para përfundimit të misionit të tyre, i Gjykatave dhe Prokurorive Speciale Publike, në Tiranë, Prishtinë dhe Shkup, ju faleminderit për ,,bashkimin kombëtar” siç pretendoni Ju!
Postime të Lidhura
REAGIM I KMDLNj-së: KRIMET E LUFTËS NUK FALEN, ATO DUHET TË GJYKOHEN DHE TË DËNOHEN!
Prishtinë, 27 Prill 2020: Në Kosovë po bëhen përpjekje të funksionalizohet Drejtësia Transicionale e që është një fushë…
ABDIRAHIM IDRIZI: SERVILIZMI I POLITIKANËVE NDAJ NDËRKOMBËTARËVE KA INFEKTUAR EDHE POPULLIN! TË HEQIM DORË NGA ËNDRRAT ABSTRAKTE
Prishtinë, 26. 03. 2015 – Që nga dita e parë e ardhjes së ndërkombëtarëve në Kosovë, vërehej qartë…
BARDHYL MAHMUTI: KËRKOJMË NJË MOBILIZIM TË GJITHANSHËM POLITIK KUNDËR REGJIMIT TERRORIST TË SHKUPIT
(Shkup, 02. 05. 2012) – Që nga 12 prilli i vitit 2012, datën kur u vranë në rrethana…
XHEVAT BISLIMI: 17 SHKURTI DITË FESTE APO DITË PROTESTE…?!
Viti, 15. 02. 2015 – Shqiptaret e te gjithe brezave, edhe pas krijimit te shtetit shqiptar ne nje…