Pashtriku.org, 9 prill 2019: Lufta është instrument i politikës dhe bëhet për interesa strategjike, për pasuri tokësore e nëntokësore, etj. Në këtë kuptim juristi i shquar amerikan, Francis Paiker Yockey, thotë: “është fryma e politikës ajo që përcakton formën e luftës dhe forma e luftës pastaj ndikon në zhvillimin e politikës”.
Rrjedhimisht politikanët, gjithmonë format e luftës për zhvillimin e politikave të tyre i bëjnë në emër të një kauze, të një ideologjie, të një doktrine politike apo fetare, etj. Dhe pastaj për realizimin e tyre nuk zgjedhin mjete, viktimizohen mizorisht fëmijë, gra e burra të pafajshëm, kështu siç po ndodhë këto vitet e fundit në luftën e Sirisë!
Kjo luftë e përgjakshme që po zhvillohet në Siri dhe në shtetet tjera të Lindjes së Mesme, nuk do të ndalet, deri sa të arrihen synimet e planifikuar nga dy faktorët kryesor: SHBA-Rusi…,në këtë pjesë të botës!
