Berlin, 8 dhjetor 2018:
1.
Ansambli i lehjeve të çakërdisura, si ndaj hënës së plotë, do t’më kthente në kohët e moçme: të fatalitetit gjeopolitik, kur pararendësit e shqiptarëve do të rrudheshin nga dyndjet e barbarëve sllavë, anipse vetë “kishin kryer tashmë ciklin mijëvjeçar të qytetnisë” dhe të vetmisë së racës së tyre të epërme në Europë.
Dhe skema dërgonte fshehtas shenjat e përgjasimit. Ulërima, hiena, çakaj e zogori shtyhen drejt mohit nga inercia e dikurshme. Pas idhnakërisë për shtetin e parë shqiptar, pëlcasin për shtetin e dytë të tyre.
Por vetmia do të tretej pak në fillim, për t’u zhdukur fare në fundshekullin e ikur…Atëherë kur Mjeda i çonte thirrjen e bukur, e poaq, të dhimbshme poetike Amerikës: “lirinë keni ju, ne hekrat kemi”!
2.
“Hekrat” sikur gatiteshin sërish, por tani të stolisur me ide e petk të ri vezullor. Dhe pikërisht si tek “Tregtari i Venecias” të Shekspirit, lirinë e huajtur përkohësisht duhej kthyer me copëra nga trupi e shpirti i saj.
Mirëpo Amerika, kjo dalzotëse e vetme e shqiptarëve, do të ligjëronte prapë vullnetin e saj vulëvënës: është e natyrshme që Kosova, si vend i lirë e sovran, të ketë ushtrinë e saj. Stoltenbergu me shpurë, ndërkaq, do të jetë penduar për deklaratën cinike, aq konsonante brenda llojit të britmave korale.
3.
Por, ja kështu është kjo botë. Marrëdhëniet ndërkombëtare të saj, veçanërisht, që kanë fillesë e frymë vetëm dy ligje supreme. Të parin, ligjin e interesit dhe, mbrojtësin e tij të pashpirt, ligjin e forcës.
Dhe serbët, i njohin ato si rrallëkush. Këtë të dytin, sidomos. Forcën që tani përplaset për ftyrën e tyre, më të errtën në Gadishullin ilirik.
Postime të Lidhura
PËRPJEKJA PËR TA NDRYSHUAR HISTORINË!
PËRPJEKJA PËR TA NDRYSHUAR HISTORINË! Nga Sheradin Berisha, Pashtriku – 29 korrik 2021 (Reagim i bërë më 23…
NJË MESDITË NË SHËNGJIN
NJË MESDITË NË SHËNGJIN Nga Elife Podvorica Jashari, Prishtinë 22. 06. 2022 I …Jo, unë po mendoj…
DR.FADIL MALOKU: DEVIJIMET SHTETNDËRTUESE TË KOSOVËS, DUHET KËRKUAR TE POLITIKANËT MATRAPAZË!
Prishtinë, 10 qershor 2018: 1. Një fenomen, që pa dyshim është duke e përcjellë këmba-këmbës procesin shtetndërtimit të…
HASHIM THAҪI, DUKE PRANUAR PAKON E AHTISAARIT KA DËMTUAR UNITETIN TERRITORIAL TË KOSOVËS, SEPSE KA PRANUAR NDARJEN E KOSOVËS NË DY ETNITETE!
Nga arkivi i Fb, 14.03.2013 Më 1 mars 2013, shtatë javë para nënshkrimit të marrëveshjes: Thaçi – Daçiç…