Prishtinë, 15 qershor 2020: Lajmi për kalimin në amshim për Moikom Zeqon për të gjithë shqiptarët e sinqertë është i dhimbshëm!… Kam dëgjuar për sëmundjen e tij prej vitesh… Moikom Zeqo me gjithë sëmundjen nuk ndalej së lexuari, së shkruari, së pikturuari, së dëshmuari dhe vlerësuari… I kam shprehur mbresa herë pas herësh, përgëzime për botime librash, tumirje pikëpamjesh… Mirëpo, sëmundja e mori, ngase Ai nuk do të ndalej në të gjitha gjinitë e artit e të mendimit modern… Padyshim Moikomi i prirjeve të gjithanshme, edhe me kaq sa shkroi, gjurmoi, studioi, pikturoi e përmbushi jetën e Tij shpirtërore, intelektuale, artistike, etike, kombëtare dhe njerëzore…
Ngushëllimi i vetëm për qenien e Tij, për frymëzimet, për pasionet, për kërkimet, për përmbylljen fizike janë moria e veprave, opusi i gjerë dhe llojshmëria figurative, mendimet e holla të intelektit të Moikom Zeqos, largpamësia e ndriçimit të dukurive, atyre të padukshmeve, të cilat i nxorri nga enigmat e dijes, me intuitën e një depërtimi finok dhe i shtjelloi me kompetencë përgjithësuese, me shije për lexuesit e niveleve të ndryshme. Formimi i këtij personaliteti është me dije enciklopedike, i përket tipologjisë Euro-Atlantike… Moikom Zeqo gjithsesi me veprat e Tija, qoftë të sferës imagjinative, qoftë të diskursit kritik, eseistik, estetik, historik e filozofik, pasuroi galerinë e personaliteteve me kontribute kombëtare, duke pleksur modele të ligjërimit bashkëkohorë europian.
Postime të Lidhura
AV.BEJTUSH ISUFI: NË PRIZREN THEMELOHET ‘PËRKUJDESJA SHQIPTARE’ – AVANGARDË E RUAJTJES SË QENIES SONË KOMBËTARE
Pashtriku.org, 15. 6. 2016: Më 10 qershor 2016 (138 vjet pas Lidhjes së Prizrenit), në Prizren, atdhetarë nga…
BEHXHET SHALA BAJGORA: KORIGJIMI I ‘LEHTË’ I KUFIJVE DHE DEGRADIMI I RËNDË I KOSOVËS!
Prishtinë, 21 mars 2019: (A është e realizueshme zgjidhja e uçkurit kufitar) – Njeriu i mençur edhe problemin…
DR.SHAQIR SHAQIRI: ELITA JONË POLITIKE DHE SHTETËRORE BËN PROSTITUCION POLITIK DHE NUK I PENGON MAKIAVELIZMI PRIMITIV!
Pashtriku.org, 05. 09. 2014: Dy krahët e luftës bëjnë koalicion me ata që gjithë kohën e kanë mohuar…
NË LUGANO – NJË TUFË LULE PËR ALEKSANDËR MOISIUN!
Në shenjë përkujtimi për Aleksandër Moisiun, si njëri nga aktorët më të mëdhenj botëror me origjinë shqiptare, një…