Pashtriku, 26 mars 2021: Qyteti i vjetër i Gjakovës ishte një nga qendrat më të zhvilluara tregtare gjatë sundimit Osman. Trashëgimi e kësaj periudhe është Çarshia e Madhe që gjendet në qendër të qytetit të vjetër, me shumë dyqane të ruajtura dhe të restauruara, si dhe me objekte të banimit.
Çarshia e Madhe paraqet njërin nga komplekset monumentale më të mëdha jo vetëm në Kosovë.
Çarshia është ndërtuar rreth Xhamisë së Hadumit, në vitin 1594-95, si donacion nga Hadum Sylejman Efendia (i njohur Hadum Aga).
Në këtë Çarshi janë zhvilluar zeje të ndryshme, përfshirë përpunuesit e metalit, lëkurës, drurit dhe zdrukthëtarisë, prodhimin e tekstilit, teneqepunues, shalëbërës (saraq) e kështu me radhë.
Një nga ato zeje që ende ekzistojnë edhe sot, dhe njihet si markë (emër) potenciale në Gjakovë, është punimi i djepave. Rëndësia e kësaj zeje demonstron imagjinatën artistike të zejtarit në përfaqësimin e besimeve tradicionale që lidhen me mbrojtjen e fëmijëve të porsalindur.
Janë disa ura të vjetra që çojnë në Çarshinë e Madhe. Ato më karakteristiket janë Ura e Tabakëve (shekulli XVIII) Ura e Terzive (shekulli XVII), të dyjat mbi lumin Erenik, dhe ura e Taliqit, e ndërtuar në vitin 1816 mbi lumin Krena.
Trashëgimia natyrore e komunës së Gjakovës, siç është parku i Shkugëzës, liqeni i Radoniqit dhe gryka e Drinit të Bardhë, njihet nga popullsia vendore si shumë atraktive për vizitorët dhe për aktivitete në natyrë dhe veçanërisht për zhvillimin e turizmit sportiv.
Në fund të marsit 1999 Çarshia e Madhe u dogj, nga çetnikët e Serbisë me të gjitha monumentet e vjetra arkitekturore, kulturore e historike në te, por pas luftës u rindërtua falë ndihmës së dhënë nga disa organizata ndërkombëtare.
Postime të Lidhura
PROF.DR.KLARA KODRA: LIBRI I STUDIUESES ROVENA VATA – ‘URË FJALËSH MIDIS LETËRSISË DHE ANTROPOLOGJISË’ DËSHMON PËR VITALITETIN E SHKENCAVE ALBANOLOGJIKE
Tiranë, 22. 09. 2016: Vëllimi me artikuj e studime “Urë fjalësh midis Letërsisë dhe Antropologjisë” nga Dr. Rovena…
PROF.MURAT GECAJ: FESTOHET 25-VJETORI I KRIJIMIT TË SHOQATËS KOMBËTARE TË MIQËSISË E BASHKËPUNIMIT SHQIPËRI-ITALI
Tiranë, 18. 04. 2016: (Në Laç-Kurbin, ishte një delegacion i ShShASh “Papa Klementi XI-Albani”, Suedi) 1. Nuk është…
GJEKË GJONAJ: PJETËR DRESHAJ, MODEL I ARSIMDHËNIES
Ulqin, 15. 02. 2016: Kaherë e kam menduar dhe planifikuar të pasqyroj në media shqiptare portretin e këshilltarit…
MIFTAR MEHANI: VËSHTRIM PËR SHFAQJEN ‘VETVETJA’ – PUNIM DIPLOME NË KOREOGRAFI
Prishtinë, 11 shtator 2019: Shfaqja koreografike me elemente teatrale “Vetvetja” e Besnik Grajçevcit kishte një kompozicion sa interesant…