Nga arkivi i fb., më 26 Prill 2018
PA RROTLLA / THEMELET E “ZAJEDNICËS” SERBE NË KOSOVË U HODHËN NË GJYSMËN E DYTË TË VITIT 1999!
Nga Sheradin Berisha, Facerbook 26 Prill 2018
Themelet e “Asociacionit të Komunave etnike Serbe” (Zajednicës) janë vënë në gjysmën e dytë të vitit 1999 me krijimin e enklavave serbe brenda në Kosovë dhe veprimit të pavarur të katër komunave veriore serbe bashkë me Mitrovicën e veriut deri në lumin Ibër, nga pushteti qendror i UNMIK’ut dhe institucionet e Rezolutës 1244 të Kosovës! Kjo situatë ka vijëzuar substratin e ndarjes së Kosovës në dy etnitete, dhe ato janë formalizuar me PAKON E AHTISAARIT, gjatë bisedimeve të Vjenës (2006 – 2007), ndërsa me marrëveshjet e Brukselit (më 19 prill 2013 Thaci – Daqic dhe më 25 gusht 2015 Mustafa-Vuqic) u legalizua Autonomia territoriale e etnitetit serb, e quajtur “Zajednicë”!!!
***
Në shkurt 2007, derisa po vazhdonin bisedimet në Vjenë, kam shkruar një analizë për këtë temë, dhe në vijim ju ftojë të lexoni një fragment:
***
Grupi i papërgjegjshëm negociator i Kosovës!
OFERTA „HISTORIKE“ E GRUPIT TË UNITETIT – PËR FORMIMIN E KOMUNAVE TË REJA ETNIKE SERBE!
Shkruan: Sheradin BERISHA
– Botuar më 25. 02. 2007 –
Plani i Serbisë për ndarjen e Kosovës në dy etnitete (shqiptare dhe atë serbe) nuk është risi. Ky plan i projektuar nga akademiku shovinist Dobrica Qosiç, ndonëse gjatë periudhave të caktuara është përdorur si planë rezervë për realizimin e synimeve serbe, po të lexosh me vëmendje pakon e Ahtisaarit do të spikasësh me lehtësi shumë elemente të kamufluara apo thënë më qartë të modifikuara, të cilat reflektojnë qartë këtë ndarje. Dihet mirëfilli se substrati i ndarjes së Kosovës ngjashëm me Bosnjen, është hedhur përmes krijimit të enklavave serbe, dhe shkëputjes së plotë të pjesës veriore të Kosovës (Leposaviçit, Zubin Potokut dhe Zveçanit) duke përfshirë këtu edhe Mitrovicën verore deri në urë të lumit Ibër, nga tërësia e ushtrimit të pushtetit prej institucioneve ( të 1244-shit + anglisht ) të Kosovës.
Dhe, kjo ndarje e vijëzuar tashmë në pakon e Ahtisaarit, po legalizohet edhe me miratimin dhe zemërgjerësinë e Grupit negociatorë gjegjësisht Grupit të Unitetit, si rezultat i bisedimeve ndërmjet Prishtinës dhe Beogradit që u zhvilluan gjatë vitit 2006 e që po vazhdojnë edhe këtë vit, (nga 21 shkurti 2007) si raund “konsultimesh” ne mes të dyja palëve në Vjenë…
(…)
Më gjerësisht lexoni këtu:
OFERTA „HISTORIKE“ E GRUPIT TË UNITETIT – PËR FORMIMIN E KOMUNAVE TË REJA ETNIKE SERBE!
Shkruan: Sheradin BERISHA – Botuar më 25. 02. 2007 –
