DR.JAKUP KRASNIQI: A JANË VETËM DEVOLLËT FAJTORË?

Prishtinë, 22. 02. 2015 – Ka kohë që disa medie u janë sulur Devollëve, ndoshta edhe me të drejtë, por a do të ishin ata problemi, sikur pas tyre mos të qëndronin më të fortit e shtetit?! Nëse ata e kanë shtetin me veti dhe pa dyshim që e kanë, atëherë sulmi kundër tyre nuk është në adresën e duhur, pasi i gjithë sistemi shtetëror, bankar e financiar dhe ai i Drejtësisë janë krijuesit dhe mbrojtësit e kësaj Kompanie monopoliste. Nuk ka gjë më lehtë për shtetin i cili e ka në disponim edhe Drejtësinë e BE-së, për të verifikuar ligjshmërinë e kësaj Kompanie monopoliste. Natyrisht, nëse ka vullnet politik te dyanshëm (qeveri – EULEX).
Sikur vëllezërit Devolli të kishin krijuar pasurinë e tyre në mënyrë të rregullt, ata pas sulmeve të shumta që nga debati për Armotizatorët e deri të skandalet e fundit me grurin e qumështin, do të duhej të kërkonin një auditim të pavarur, për të treguar ligjshmërinë e krijimit të bizneseve të tyre.
Deri tani dy gjëra dihen. Debatin për Armotizatorët patën arritur ta shtyjnë për një kohë, pa këmbëngulësin time (si Kryetar i Kuvendit), debati nuk do të realizohej. Debatin nuk patën mundësi ta hiqnin nga rendi i ditës edhe pse pat ndikime anësore dhe arritën ta pengojnë krijimin e Komisionit Hetimor Parlamentar. Madje ata arritën ta heshtin edhe EULEX-in, ndonëse sindikata e armotizatorëve e kishin një lëndë mirë të argumentuar, e cila dëshmonte për shkeljet e shumta në procesin e privatizimit. Njerëzit i besuan EULEX-it, por ai nuk veproi. Ndonëse në procesin e privatizimit kishte edhe shkelje të tjera të mëdha veç armotizatorëve, pothuajse që të gjitha u heshtën. U hesht edhe Hoteli Grand si edhe vetëvrasja e Dinos. Më pas ata ia arritën ta heshtin edhe Qeverinë e Shqipërisë, për cilësinë e dobët të miellit. Ministri i Bujqësisë së Shqipërisë bëri një tërheqje taktike?! Kush ndërhyri që të heshtej për millin e krundeve?

Tani po flitet për grurin e importuar si ushqim i kafshëve apo rezervave të Serbisë. Me këtë veprim ata i kanë dëmtuar prodhuesit vendor të grurit dhe qytetarëve tanë u kanë afruar miell të cilësisë së dobët. Por edhe me përpunimin e qumështit të pluhurit, ata i kanë sjell dy dëme qytetarëve tanë, një kanë dëmtuar pronarët e fermave të gjedheve dhe dy, qytetarët i kanë furnizuar më qumësht të cilësisë së dobët. Ata në të gjitha rastet kanë bërë vepra penale. Sipas kësaj logjike, në Kosovë duhet të heshten të gjitha krimet që mund të dëshmohet, por nuk bënë të heshten pretendimet e Dick Martit?! Këtu gjithçka është puro politikë, politikë stimuluese në një anë dhe politikë diskriminuese dhe eliminuese në anën tjetër. A do të jenë këto flijimet e fundit që shqiptarët ua bëjnë Zotërave të Olimpit?
Këta njerëz edhe në fusha të tjera të jetës tregtare mbajnë monopol në Kosovë. Kush do ti zbuloj skandalet e tjera të këtyre njerëzve? A kanë vullnet organet përgjegjëse të shtetit të vijnë deri te e vërteta? Unë dyshoj në tërë sistemin, e në mënyrë të veçantë dyshoj në Sistemin e Drejtësisë, vendor e ndërkombëtar marrë se bashku, madje duke pas parasysh “drejtësinë” e deri tashme, unë dyshoj edhe në drejtësinë e Gjykatës Speciale!
Nuk ka dyshim që Devollët e kanë fajin e tyre, por ata nuk janë problemi kryesor. Problemi kryesor është i gjithë aparati shtetëror i Republikës së Kosovës, veçanërisht qeveria e cila në vend që ti stimulonte Institucionet e Pavarura të shtetit që ti kryejnë detyrat e veta sipas ligjeve, ajo i ka penguar ato që ti mbronin konsumatorët dhe shumë bizneseve u ka krijuar benifite të jashtëligjshme deri në krijimin e monopoleve. Cila është pjesëmarrja e këtyre monopoleve në mbushjen e Buxhetit të Kosovës?

……………………………………………………..

VIZITAT NË “DEVOLLI COMPANY”!

Ish’ambasadori gjerman në Kosovë, Dr. Ernst Reichel, vizitë në Devolli Corporation në Pejë!

Përfaqësuesi special i Bashkimit Evropian në Kosovë , Samuel Zbogar vizitoi Devolli Corporation, më 20 Tetor 2014.

Ish’ambasadori i Francës në Kosovës, Jean François Fitou, vizitë në Devolli Corporation në Pejë!

Ish’Ambasadori Italian në Kosovë, Michael Giffoni, vizitë në Devolli Corporation në Pejë!

==========================================

Kryeministri i Shqipërisë Edi Rama – viziton Devolli Corporation, më 23 Mars 2014.

………………………………………………………..

– Frank Wisner viziton Devolli Group –

………………………………………………………….

(Ilistrimet i përzgjodhi editori i pashtriku.org, sh.b)

Total
0
Shares
Lini një Përgjigje

Adresa juaj email s’do të bëhet publike.

Postime të Lidhura