Pashtriku, 19 mars 2020: Hashim Thaçi ka inicuar dekretin për shpalljen e gjendjes së jashtëzakonshme në Kosovë. Eksperti i çështjeve ushtarake dhe të sigurisë, Ramadan Qehaja, në një shkrim në rrjetin social facebook, ka vlerësuar se shpallja e gjendjes së jashtëzakonshme në këto momente në Kosovë, është e panevojshme.
“Lidhur me shpalljen e gjendjes së jashtëzakonshme. Duke e përcjellur debatin për shpalljen e gjendjes së jashtëzakonshme në Kosovë, konsideroj që një vendim i tillë, për nivelin aktual të rrezikut është i panevojshëm”, shkruan Qehaja në Facebook.
“Tradicionalisht gjendja e jashtëzakonshme shpallet kur ka rrezik fizikë për destabilizimin e situatës së sigurisë, nga faktorë të jashtëm dhe të brendshëm, por edhe në raste të fatkeqësive natyrore. Në rastin konkret rreziku vjen nga një epidemi e “padukshme” e cila e ka kapluar globin dhe nuk ka adresë mbi bazën e së cilës gjendja e jashtëzakonshme do t’i kundërvihej”, thotë tutje ai.
Qehaja thotë se “Argumentet se duhet vendosur rendin publik nëpërmjet një mase ekstreme siç është gjendja e jashtëzakonshme nuk qëndrojnë për arsye se ato mund të bëhen në gjendje ekzistuese”.
“Lypset një mobilizim i policisë e cila sipas nevojës do të mund të mbështetej nga njësitet relevante të FSK-së. Konsideroj që Qeveria është duke menaxhuar situatën mjaft mirë dhe të gjithë duhet të japin kontributin në funksion të arritjes së qëllimit të përbashkët për minimizimin e pasojave nga kjo epidemi”, përfundon ai.
Postime të Lidhura
REXHEP KASUMAJ: DREJTPESHIMI I NDALUAR (PUSHTIMI SHQIPTAR I JERUSALEMIT)
(Berlin, dhjetor 2012) – Mësoj se pushtimin e Jerusalemit në vitin 1831, e kishin bërë shqiptarët e primë…
KUJTIM MATELI: LNÇ-ja KURORË LAVDIE NË HISTORINË E SHQIPERISË
Tiranë, 3 dhjetor 2019: Lufta Antifashiste Nacionalçlirimtare, është një ngjarje e rëndësishme në historinë e popullit shqiptar. Jemi…
Skënder Sadri KAPITI: Ku janë intelektualët e Shqipërisë dhe Kadare?!
Durrës, 26 dhjetor 2019: Realiteti edhe sot verteton atë se intelektualët e Shqipërisë nuk kanë luajtur rolin që…
SHERADIN BERISHA: ÇKA TË NDODH NËSE KRITIKON PARTITË DHE LIDERËT E TYRE?!
Pashtriku, 18 janar 2021: Unë nuk shkruaj për qefe të ndonjë lideri partiak, as për interesa të caktuar…