Pashtriku, 19 mars 2020: Hashim Thaçi ka inicuar dekretin për shpalljen e gjendjes së jashtëzakonshme në Kosovë. Eksperti i çështjeve ushtarake dhe të sigurisë, Ramadan Qehaja, në një shkrim në rrjetin social facebook, ka vlerësuar se shpallja e gjendjes së jashtëzakonshme në këto momente në Kosovë, është e panevojshme.
“Lidhur me shpalljen e gjendjes së jashtëzakonshme. Duke e përcjellur debatin për shpalljen e gjendjes së jashtëzakonshme në Kosovë, konsideroj që një vendim i tillë, për nivelin aktual të rrezikut është i panevojshëm”, shkruan Qehaja në Facebook.
“Tradicionalisht gjendja e jashtëzakonshme shpallet kur ka rrezik fizikë për destabilizimin e situatës së sigurisë, nga faktorë të jashtëm dhe të brendshëm, por edhe në raste të fatkeqësive natyrore. Në rastin konkret rreziku vjen nga një epidemi e “padukshme” e cila e ka kapluar globin dhe nuk ka adresë mbi bazën e së cilës gjendja e jashtëzakonshme do t’i kundërvihej”, thotë tutje ai.
Qehaja thotë se “Argumentet se duhet vendosur rendin publik nëpërmjet një mase ekstreme siç është gjendja e jashtëzakonshme nuk qëndrojnë për arsye se ato mund të bëhen në gjendje ekzistuese”.
“Lypset një mobilizim i policisë e cila sipas nevojës do të mund të mbështetej nga njësitet relevante të FSK-së. Konsideroj që Qeveria është duke menaxhuar situatën mjaft mirë dhe të gjithë duhet të japin kontributin në funksion të arritjes së qëllimit të përbashkët për minimizimin e pasojave nga kjo epidemi”, përfundon ai.
Postime të Lidhura
ABDULLA MEHMETI: KAOSI NË TREGUN ELEKROENERGJETIK TË MAQEDONISË ME KOSTO TEPËR TË LARTË PËR QYTETARËT
Tetovë, 02. 10. 2015: Çmimet e larta të rrymës elektrike dhe tatimi shtesë prej 33,33 % ndaj qytetarëve…
HALIL KRASNIQI: SI ECËM DHE KU ARRITËM PËR KËTO 100 VJET?
(Prishtinë, 22. 11. 2012) – Duke mos pretenduar që me një përshkrim të shkurtër ta përmbledhim tërë jetën…
MR.SC. METUSH ZENUNI: PSE PO ARRESTOHEN DHE PO AKUZOHEN USHTARËT E UÇK-së
Pashtriku.org, 24. 05. 2013 – Ushtria Çlirimtare e Kosovës lindi, si pasojë e shtypjes së vazhdueshme 100 vjeçare…
NJERIUN E ZHVILLOJNË MENDIMET!
NJERIUN E ZHVILLOJNË MENDIMET! Nga Sheradin Berisha, Pashtriku 22 Nëntor 2021 Psikologët thonë se humori ndikon shumë në …