Prishtinë, 27 korrik 2018: Vdekja fizike e veprimtarit, shkrimtarit, atdhetarit, patriotit, trimit të paepur, simbolit të rezistencës sonë dhe heroit kombëtar, Bacë Adem Demaçit, është një humbje e madhe për të gjithë shqiptarët e vërtetë në të gjitha trojet etnike dhe në mbarë botën ku gjenden.
Shembulli i sakrificës, i qëndrueshmërisë në momentet më të vështira në rrugën e tij përplot sfida për liri, çlirim dhe për bashkim kombëtar do të jetë gjithmonë inspirim për popullin shqiptar, si dhe për gjeneratat e ardhshme në rrugën e sendërtimit në vepër të amanetit të të rënëve në fushën e nderit për zhvillimin e Kosovës dhe për ribashkimin kombëtar, në mënyrë që të arrihet prosperitet dhe emancipim kulturor edhe më i kënaqshëm i popullit tonë. Prandaj, sa herë që Kosova dhe ne shqiptarët në përgjithësi kemi nevojë për riorganizime të reja në këtë rrugëtim, do të kihet parasysh atdhedashuria e madhe dhe porosia e Bacës Adem Demaçi.
Duke i shprehur ngushëllimet më të sinqerta familjes së Bacës Adem si dhe mbarë kombit shqiptar, Shoqata e Familjeve të Heronjve dhe Dëshmorëve të Kombit (ShFHDK) do ta ketë përherë në kujtim vizionin dhe veprën kolosale të Adem Demaçit, pasi që emri dhe vepra e tij do të jenë përherë në zemrat e shqiptarëve. / Behram Krasniqi
Shoqata e Familjeve të Heronjve dhe Dëshmorëve të Kombit (ShFHDK)
Prishtinë, 27.07.2018
Postime të Lidhura
BEHXHET Sh.SHALA: BALI MET, KOMANDANT I ZONËS OPERATIVE TË ÇAGLLAVICËS!
Prishtinë, 03. 05. 2013 – Një hyrje sa për sqarim – Për më tepër se tre vjet po…
BEHXHET SHALA BAJGORA: LUL RAKA – 1 DITË EVROPIAN KURSE 344 TË TJERA SENEGALEZ I PËRHERSHËM
Prishtinë, 12 Maj 2020: Bandillesha dhe humoristja e BE-së në Kosovë Shefja e Zyres së BE-së në Kosovë…
PULLUMB KACIQI: NË VEND TË INDINJIMIT
Kopenhagë, 09. 12. 2014 – Ndjehesh shume keq kur lexon shkrime te tilla, si shkrimi ne rubkriken Opinion…
PROF.DR.ESHREF YMERI: SERVILËT E KADARESË JANË SI FARA E GRAMIT (II)
Santa Barbara, Kaliforni, 16 tetor 2020: Poeti i talentuar ushtarak Trifon Xhagjika, autor i poezisë emblematike “E pashë…