Durrës, 6 nëntor 2019: Shqipëria e Kosova mund të jenë dy shtete rekord në Europë por ndoshta edhe në botë për nga numri i madh i partive politike, por edhe për rekord për varfëri e papunësi. Pra politikë shumë, jashtëmase, por, punesim ,mirëqënie e siguri shumë, shumë pak. Dy shtetet më të varfëra në Europë por “më të pasurat” me parti politike. Shumica dërrmuese e partive politike në Shqipëri janë parti njëpersonëshe, që kane vetëm kryetarin si vulëmbajtës e që nuk kanë as zyra dhe as antarë, ose disa antarë formal shokësh kafenesh e të afërmish familjarë e ndonjë mik apo mik të mikut. Pra spekri politik shumëpartiko-parazitar është i mbushur me parti politike fantazma. Me rastin e zgjedhjeve në Kosovë i kërkoj Kurtit dhe Osmanit, pra Kualicionit qeverisës VV-LDK që të marrin nismën parlamentare për caktimin e një pragu , ku ato parti të cilat nuk e arrijnë atë, të dalin jashtë ligjit ,pra të çregjistrohen . Dhe kjo duhet të ndodhë edhe në parlamentin shqiptar të Shqipërisë.
Kjo kërkesë publike drejtuar Albinit dhe Vjosës është e vlefshme edhe për Shqipërinë, dhe nëse e bën këtë parlamenti i Kosovës patjetër që do ta bëje edhe parlamenti i Shqipërisë ,pasi edhe në Shqipëri ka mbi 100 e ca parti politike rreth afro 100 e tyre krejtësisht të panevojshme.
SHBA -të janë mbi treqind milion popull dhe kanë dy parti kryesore.
Pra, përveç asaj kërkese që është parësore dhe jetike për Kosovën që është VETTING-u, Albini dhe Vjosa , pra VV-LDK duhet të marrin edhe nismën tjetër: atë të miratimit nga parlamenti i Kosovës të një pragu zgjedhor, të cilin ato parti politike që nuk e arrijnë, të çregjistrohen, pasi janë krejtësisht të panevojshme , jane burime korrupsioni dhe zhvatje të parasë publike si organizata politike parazitare.
Është mëse e duhur që parlamenti i Kosovës të miratojë një ligj të tillë që : ato parti të cilat nuk e kalojnë pragun zgjedhor të çregjistrohen si parti politike. Kjo për t’i dhënë fund formalizmit të ekzistencës së dhjetra partive politike parazitare në Kosovë, kjo për t’i dhënë fund fantazmave politike për të mos pasur parti fantazma, servile e satelitore të partive të mëdha , si dhe për t’i dhënë fund parazitizmit politik: zhvatjes së buxhedit të varfër të shtetit të Kosovës prej tyre.
Shqipëria dhe Kosova, dy shtete të vogla janë kampione Europe dhe Bote për numrim e jashtëzakonshëm të partive politike, ashtu sikurse mbajnë edhe rekorde në korrupsion , papunësi, varfëri dhe sidomos për eksod, për largimin nga atdheu të qytetarëve të tyre. Prandaj i takon deputetëve të LDK dhe të VV që të marrin përveç nismës për miratimin e VETTING-ut por edhe një nismë të tillë ligjore ku të vendoset një kufi të cilin nëse nuk e arrijnë partitë politike ato duhet të nxirren jashtë ligjit.
Postime të Lidhura
PROF.DR. ABDULLA MEHMETI: PAAFTËSIA E UDHËHEQËSVE SHQIPTARË, PAPËRGJEGJËSIA DHE SHITJA E INTERESAVE KOMBËTARE
Tetovë, 6. 12. 2016: Arsyeja e tetëmbëdhjetë pse duhet të protestojmë në ditën e zgjedhjeve të parakohshme parlamentare…
ING.AHMET ÇOLLAKU: NAFTA JONË SHFRYTËZOHET NGA SPEKULATORË VENDAS DHE TË HUAJ!
Tiranë, 21 maj 2019: (Pleqëria më shënon më shumë rrudha në zemër se sa në fytyrë. – Michel…
ABDULLA MEHMETI: P L A T F O R M Ë – PËR MBROJTJEN E AMBIENTIT JETËSOR DHE ZGJIDHJEN E PROBLEMIT TË NDOTJES ME MATERIE HELMUESE NË RAJONIN E POLLOGUT
Tetovë, 16. 12. 2015: /Orientimet themelore/ Duke marrë parasysh faktin se, qyteti i Tetovës, Gostivari dhe rajoni më…
PIRRO DOLLANI: LIBRI POETIK ‘ZODIAK’ I MOIKOM ZEQOS DHE GJYMTIMI I NJË SHKRIMIS
Pashtriku.org, 06. 05. 2016: Rastësisht duke lexuar shtypin në internet, pashë që gazeta Shekulli.com.al kishte botuar shkrimin tim…