7 PRILLI I TONINIT
Nga Dr.Albert HABAZAJ
Rrah mendjen… Kam tri ditë e dy net
Për të bukurën datëlindje të Toninit,
Vallë ku e gjejmë ne këtë të drejtë
T’i themi vetëm: ditë e zezë – 7 prillit.
Unë ndjej frymëmarrjen e një 7 prilli tjetër
Frymëmarrje të lirë, të plotë me lirika Drini:
Frymëmarrje vëllai me aromë nesër
Frymëmarrje të thellë me lulëzim prilli.
Frymëmarrjen e poetit që më ngjan si kreshnik,
Me dallgë të fuqishme dhe valë të arta,
Që i dhemb Atdheu nga bajlozi tek derdh rrezik
Tek na shkul rrënjët e na bën të prapa.
7 prilli një mijë e nëntëqind e gjashtëdhjetë
S’ka të bëjë me ditën e pushtimit,
Është i kaltër, si dritë shpirti vërtet
Është ditëlindja e vëllaut shpirtnor – Toninit.
Ai zadrimori lab, gjadrasori nga Mirdita
Është unë më i mirë në një trajtë tjetër,
Ishim të vegjël, të blertë u rritëm për Atdhe e libra
Mateshim me shqiponja, jo në vath me kecër.
Dashurinë për atdhe e kemi të pakufijtë
Me shpirt e me zemër, me trup e me vargje,
Unë jam marsian, ai është i prilltë
Ushtarë të përjetshëm për të shenjtat pragje.
E nuk kam pse të druhem e të vuaj
Ankthin e shpatës së Demokleut,
Kam 7 prillin e Toninit të dashtun dhe e quaj
Ditën e Vëllait mbi këtë faqe të dheut.
Tërbaç – Vlorë, e premte; 10 prill 2026.
