Berlin, 12 mars 29019: M’një moment prehës e pak ngucëtar, teksa bënim humor me koleget ruse e gjeorgjiane (ah, sa të përkallta këto!), iu thashë: arabët, me sa di, nga 28 shkronjat, duke qenë të gjitha bashkëtingllore, nuk kanë gërmën ose zanoren “O” në gjuhën e tyre.
Po si kështu? Interesant, thamë. Çdo gjuhë është ndryshe, por kjo veçanësi seç ka një frenim që prek vetë qendrën e jetës.
A s’ka, vallë, çaste përjetimi kur njeriu shfryn çlirueshëm si në ato vdekjet e vogla të Pushkinit: ohhh…E, meqë kjo zanore mungon, si rënkojnë, vallë, arabet e prushta në kulmet e përhumbjes pushkinjane?
Ndërkaq, fshâmja “ah…” mbase më tepër dëfton dhimbje, pastaj “uh…” do shprehte habinë për një ndodhi të beftë, kurse një “eh…”, kjo pasthirrmë kaq e shpeshtë në rravgime jete, sikur jep dyshim e pëndesë…
Sa gjuhë shtrënguese, o Zot. Ndalimtare. Ndaj dhe folësit e atllasit të saj llafosin aq zhurmshëm. Madje, dhe kur tema është e shtruar e miqësore, ngjan të duket xyfëse. Përfytëse. Në kufi të përplasjes, sikur hasmërojnë e do derdhet gjak. Thuase janë prorë në kërkim gulçues t’njatij tingulli të humbur…
Kushedi. Niçe që, ndonëse e cilësonte krishtërimin religjion femëror, dëshmonte dhe ashpërsinë e tij: dënimvdekjen që i shpallte kjo fe pasioneve njerëzore. Dhe e fshikullonte ai vdekshëm denatyrimin e jetës.
Ndër vite më vonë, arabët do jenë më të vëmëndshëm. Krejt parandalues. Do hiqnin fare nga kodi gjuhësor fuqinë shprehimore të asaj që tendoste biblistët dhe rebelonte kundër tij mendtarin e madh.
Por njeriu i tyre gjente udhët. Së paku, nga kolonizatorë mësonte thekshmërinë manifestuese ose dhe në mërgim, atje ndër viset e mjegullta të simfonisë tingullore të Europës…
Postime të Lidhura
FATOS ALIU: JAP DORËHEQJE NGA AKTIVITETET BRENDA LËVIZJES ‘VETËVENDOSJE’
Prishtinë, 15. 04. 2015 – Pas distancimit tim të shprehur kohë më parë, lidhur me veprimet ofenduese-diferencuese nga…
GJOKË DABAJ: EPOKA E LAMPEDUZËS (NR.5) NJË MARRËZI E RADHËS E KAPITALIZMIT TRAGJIKISHT KONSERVATOR
Durrës, 20. 06. 2015 – Në kohën kur u ndërtua Muri i Madh Kinez, ajo punë, sado që…
MINISTRI FEDERAL I SHËNDETËSISË, KARL LEUTERBACH, KËRKON VAKSINËN E KATËRT PËR TË GJITHË MBI MOSHËN 60 VJEÇ NË BE!
Kjo çmendi nuk ka kufi! Po vjen vaksina e katërt, për t’ia lënë radhën të pestës… MINISTRI FEDERAL…
SHERADIN BERISHA: ALBIN, ME REZOLUTË NUK NDALET HASHIM THAÇI&CO!!!
Pashtriku.org, 6 shtator 2018: Albin, Hashim Thaçi&Co nuk ndalet me rezolutë, e aq me pak ndalet duke bashkvepruar…