Berlin, 5 korrik 2020: (Morali i një mohimi të dyfishtë)
Sot 76 vjet më parë, 5 korrik 1944, kur binte perdja e Luftës botërore, çamët, gati një e treta e kombit, vriten, shpasurohen e dëbohen nga trualli i tyre.
Vetëm gjaku shqiptar nuk është i denjë për Europën. Do klasifikohej e dënohej gjenocidi mbi armenë nga turqit, e mbi boshnjakë nga serbët. Por përherë mosthënje, shurdhim tragjik për gjenocidin mbi çamët shqiptarë nga shteti i fashistizuar grek.
Mosbëzamja, ndërkaq, vete përtej shpërfilljes. Është miratim. Bashkëpunim në etnocid…Kundër një populli të lashtë në tokën e vet. Dhe ndaj, moral i një krimi të dyfishtë: heshtje e mortit kolektiv dhe, më pas, mohim i ekzistencës së tij.
Në fakt, a s’është dhe edipizëm gjenealogjik? Dramë e Atvrasjes. Sepse është gjaku i etërve të tyre që rimon akoma sot nga vullneti i errtë dhe përbetimet e fshehta të saj…
A do çlirohet njëherë Europa nga vetja, e kjo domethënë nga hijet dhe doktrinat që duhej të justifikonin zhdukjen e rrënjës pellazgoilire?
Po, fundja, ajo s’është shëmti. Keqndjesi që meriton distancën, kryeuljen. Aq më pak faj i banorëve më të vjetër e të fismë të Dhéut… Përkundrazi: qytetnia e tyre është kuptimi dhe bukuria e saj. Në të gjitha kohët..!
Por ne jemi ende këtu. Për vete dhe për të…
Postime të Lidhura
PETRIT BAJRAKTARI: DELL-i PËRTEJ DIPLOMATI*
(Drenas, 27. 03. 2012) – Ambasadori i deritashëm Christofer Dell, i cili ka shërbyer edhe gjatë viteve 2000-2001…
Afrim Morina: Parapolitika nuk merret me pandeminë e virusit Covid-19, por me marrje pushteti
Prishtinë, 5 Prill 2020: Në kohë epidemishë e pandemishë ndodhin shumë gjëra që mendja e njeriut nuk do…
NDËRHYRJE NË MAQEDONI TË VERIUT, E PAMORALSHME DHE POLITIKISHT E DËMSHME
Nga Behxhet Sh. SHALA – BAJGORA Udbashët kundër UÇK-së Kurrë nuk ka qenë një situatë më dyfytyrëshe sa…
BEJTUSH ISUFI: ATDHEU DHE OPOZITA OSE ZEBRAT, PARTIZANËT DHE GJERMANËT!
Prishtinë, 18 shtatort 2017: …Sa herë ti shmangim zebrat (vijat e bardha për këmbsorë), edhe atje ku ato…