Nga arkivi im
Një vit më parë, 20 Prill 2021
REFUZIMI I VAKSINËS NË SUEDI!
Nga Sheradin Berisha
“Në Stokholm qindra doza të vaksinës “Astra Zeneca” kundër koronavirusit hidhen çdo ditë, sepse banorët refuzojnë të vaksinohen me të”, ka deklaruar mjeku suedez, Johan Styrud në televizionin suedez SVT.
Johan Styrud nga Shoqata Mjekësore e Stokholmit tha se nuk ishte e mundur të gjesh njerëz të tjerë të gatshëm të vaksinohen mjaft shpejt. Nëse vaksina nuk administrohet brenda pak orësh, ajo do të duhet të hidhet, tha Styrud.
Mediat suedeze kanë raportuar se pacientët anulojnë vaksinat e tyre të planifikuara kur mësojnë se do të marrin vaksinën AstraZeneca, për faktin sepse shkaktojnë mpiksjen e gjakut dhe për pasojë vdekjen e tyre!
