I DRIDHË MALI, POLLI INJORANCA!
Nga Behxhet Sh. SHALA – BAJGORA
Të ndarët e “përbashkuar “
Pas zgjedhjeve lokale dhe në prag të atyre nacionale , Memli Krasniqi dha dorëheqje nga kryetari i PDK – së për të mundësuar mbajtjen e Konventës ku do të zyrtarizohej Bedri Hamza në dy pozita ; kryetarit të PDK – së dhe kandidatit për KM – ë pas zgjedhjeve të radhës . Memli nuk e humbi Drenasin por kryeneçësia e liderëve lokalë kurse Mitrovicën e Jugut e vodhi në mënyrë kriminale Kurthi , duke keqpërdorur burimet qeveritare dhe institucionale . Dhe , për këtë krim dhe hajni ekektorale u dënua me 2500 euro për ” thyerje të heshtjes zgjedhore.., , jo si KM në detyrë por si deputet . Në Mitrovicë ishte hajni klasike e votave në me krye Kurthin që asgjë nuk i lë rastit . Po çka do të duhej të bënte PDK – ë kundër kësaj hajnie ? Pasi Kurthi keqpërdori xhipat dhe policinë e Kosovës , është dashur të mos lejohet t’iu ofrohet QNV , në mbrojtje të votës ndërkaq pelegrinazhi i tij keqbërës nëpër lokale për vjedhje të votave është dashur të pengohet me mjete demokratike si sulmi me vezë , domate , ujë etj. ndonëse LV – ë më parë edhe sulmin me gaz lotsjellës dhe ne zola i pati konsideruar si mjete paqësore . Nuk e di çfarë mendojnë për përdorimin e bombës atomike , si pordhët e Dejona Mihalit dhe Hysamedin Ferrajt ?
Që moti PDK – ë është përcaktuar për Bedri Hamzën kandidat për KM. Këtë e kanë ditur edhe Memli sikur edhe Enveri . Memli e ka kuptuar këtë prandaj , ne dorëheqjen e tij e ka fuqizuar pozicionin politik të Bedriut pasi vet nuk ka pasur për synim kandidimin për KM . Enver Hoxhaj ka kërkuar shyerjen e Konventës për një javë , asgjë nuk do të fitonte edhe po të shtyhej edhe për dy muaj . Duhet të kuptohet se kjo Konventë do të zgjidhte kryetar secilin person që do të propozohej për KM – ë. Kësaj radhe Konventa ishte për Bedri Hamzën , në fund të fundit demokracia nuk ka lindë në PDK – ë , aty është shndërruar në pjesë të akronimit. Në anën tjetër nëse e krahasoni me lëvizjen anarkiste – totalitare LV , PDK – ë është Akademi e Demokracisë. Pikërisht LV – me cyberzagarët paralajmëroi se Konventa e PDK – së do të jetë fushëbetejë e gladiatorëve të kësaj partie për pushtet , deri në shfarosje . Sipas tyre lufta do të zhvillohej midis Samiut dhe Ramizit në planin ushtarak kurse krahu politik do të udhëhiqej nga profesori i nderuar Enver Hoxhaj ! Të pafyturë dhe të poshtër janë , pa asnjë dyshim. Deri dje Ramizin e konsideronin leshko kurse ” profesorin e nderuar ” , Enver Hoxhaj e kryqëzonin më zi se vet Krishtin ! Për PDK – ë mund dhe duhet të flasin të gjithë që janë pjesë e kësaj partie dhe askush nuk e ka ekskluzivitetin dhe pronësinë qoftë ai të quhet Sami apo Ramiz . Për zgjedhje të shpejta që do të mbahen , nuk keni kohë të gatuani më shumë ushqime ( oferta ) politike për votuesit prandaj , si fast food politik PDK nuk ka ofertë më të mirë se Bedri Hamzën . Në planin afatgjatë do të ishin të mirë Përparim Gruda dhe Agim Aliu. Por , aktualisht PDK – ë nuk është në gjendje të bëjë reforma përmbajtësore , së paku deri në kohën e vendimit të Gjykatës Speciale Raciste . Pastaj do të bëhet domosdoshmëri ! Deri atëherë PDK duhet ta ruaj kondicionin politik , këtë trup votues që e ka . PDK – ë do të bënte vetvrasje politike nëse në çfarëdo forme i ” lidhë bishtat ” me LV – ë qoftë edhe duke drekuar me mbesën e Ahmet Haxhisë ! PDK – ë duhet të lidhet me opozitën ( nëse bëjnë numra të qëndrueshëm ) , në të kundërtën mbetja në opozitë është domosdoshmëri për ruajtje dhe forcim të shëndetit politik. Urimi i Kurthit për Bedri Hamzën është ” puthje e Judës bërë Krishtit para kryqëzimit ” , nuk të uron Kurthi për së mbari . Është sikur dhurata e grekëve bërë trojanëve pata se rrafshonin Trojën.
Sherifja e re , me huqje të vjetra
Kur Vojsa Osmani , me kontributin bujar të Listës Serbe u zgjodhë presidente e Kosovës tha se :” tash në qytetin tuaj e keni një sherife të re….” që nënkupton se këtu e tutje hypin në fuqi ” rregullat e saj ” , që , së bashku me ” Rregullat e Gottit – Kurthit ‘ janë mbi çdo ligj dhe mbi vet Kushtetutën. Ashtu edhe ndodhi ! Sot Kosova është no land ( tokë e askujt dhe plaçkë e çdokujt që është në pushtet ). Kurthi personalisht , bashkë me marionetën Sfeqla dhe Haxhiu na bombardojnë me rrezikun e sulmit nga Serbia. Kjo Vojsa , presidente në theqafje doli me një rrenë ordinere se këtë vit janë shkatërruat mbi 900 banda e që këtë numër nuk e kanë pasur bashkë as bandat e Al Kapones në Amerikë , Pablo Eskobarit në Kolumbi , El Chapos në Meksikë apo trehëtarët me kokainë me shumicë në Guajakil të Ekuadorit . Pasi i bëri një dëm të madh vendit përmes një domestosi të informimit, pa ndonjë fuqi vepruese , e demantoi rrenën e vet duke thënë se bëhet fjalë për 900 raste e jo 900 banda . Çfarë mashtruese ! Çfarë mund të prisni tjetër nga një person që në kohën kur në një vend ” super të kriminalizuar ” siç nga ajo , Kurthi dhe Lal Culla u bë luftë e madhe kundër ” bandave ” , ajo , 80 përqind të kohës ishte jashtë vendit ! Përrallën për banda i ka përshtatur interesave të Kurthit dhe që çdo e keqe që i ka ndodhur Kosovës mbanë firmën e Kurthit dhe Osmanit. Xhelal Sfeqla është më origjinal dhe më konkret në tregimin e përrallave ; organizon vizita publicistike dhe turistike në villën e Radoiçiqit bashkë me sekseren Frida Guma , i mundëson një pevaçiqe gjirimin e një spoti po në këtë villë për ta emituar në Radio Televizionin e Kurthit ( RTK ) në kohën e lajmeve kryesore ku drejtues janë Perëndim Gërvalla dhe Blerim mercenari. Pastaj Sfeqla , kohë pas kohe po i zë do armatime , do detonatorë për aksione terroriste , raki shlivovicë , djathë të thive dhe pekmezë të pulave sikur edhe të brendshme të personalizuara me L.S. , Lista Serbe. Hajgarexhi i madh është Xhelali .
Vojsa Osmani është pjesë aktive dhe kontribuese e të gjitha bllokadave që i ka bërë Kurthi. E fundit është kjo e Konjufcës . Vetëm për ta siguruar edhe një mandat ! As që i intereson Kosova dhe qytetarët e saj , mësa Kurthit . Janë si binjakët sijamezë , dy prapanica për dy karrike , e KM dhe e Presidentit . Vështirë të ndodhë kjo.
Në zgjedhjet e ardhshme nacionale nëse opozita do të jetë e përkushtuar , do të fitojnë afërsisht 55 përqind të votave .
18 nëntor 2025, Prishtinë
