BESIM CENGU: NA IKU NERITAN MUJA. AH!

Tiranë, 11. 06. 2014 – Më ka tronditur thellë vdekja aksidentale e shokut, mikut e kolegut tonë Neritan Muja. Ende jam shumë i trishtuar skajshmërisht, siç janë edhe të gjithë shoqet e shokët, kolegët tu që të deshën e të respektuan aq shumë. E ky trishtim e pikëllim do të zgjasë, Tani ynë i dashur, do të lejë vragë të përjetshme në ndërgjegjen tonë.
Shumë…
Shumë sepse qe dhe mbete gjithnjë një mik i mirë, një shok i rrallë, një koleg i mrekullueshëm.
Ti Neritan Muja i kishe shokët e rrallë. Ndoshta është ndër të paktët njerëz të kësaj tokë që ike pa patur asnjë “armik”, pa bërë asnjë fjalë të keqe me asnjë, me asnjë askund, kudo që punove e veprove. Mirësjellja, fjala e mirë dhe e ëmbël ishin kredoja jote, shoku ynë i dashur.
Si një shok i tij ndaj dhimbjen e madhe me familjen e tij, me bashkëshorten e tij të denjë, me vajzën e tij të dashur.
Humbja është e madhe, por duhet përballuar kjo fatkeqësi e nderuara Blerina.
Ngushëllojmë nënën e dashur Shpresa e babain Besim Mujën, dy prindër të mrekullueshëm që me aq dashuri e përkushtim sollën në jetë dhe rritën një djalë si Tani ynë i përjetshëm. Ngushëllojmë vëllain, motrën, gjithë të afërmit e të dashurit e familjes së Besim Mujës.

 

– I ndjeri Neritan Muja –

Me Tanin edhe më mirë e nga afër na njohu periudha e vështirë, kohë kur ne gazetarëve të Radio Kukësit dhe të gjithë gazetarëve na ra barra të përballojmë informacionin e Luftës Heroike të popullit tonë kundër pushtuesit serb.
Vlerat e Tanit janë të pazëvendësueshme.
Ishte i palodhur, shumë i papërtuar, i saktë në përcjelljen e lajmit dhe mbi të gjitha qëndronte lart si profesionist.
Patëm fatin të jemi bashkë në ditën e parë të lirisë në Prizrenin tonë të dashur.
Bashkë me Tanin, gazetarët Demir Reshiti dhe Sulejman Dida ishim mysafirë te Kurtish Luma, një i afërm i fisit të tij i dalë në këtë qytet…
Përjetuam drejtpërdrejt gëzimin e lirisë. Prekëm bashkë larinë e munguar dhe përjetuam emocionet njerëzore që e ka privilegjin gjithkush t’i përjetojë.
Kurrë nuk do të harrojmë Tan i dashur, kurrë… Ende para syve përjetoj gëzimin tend, lumturinë, gjendjen tënde emocionale.
Ah! Kurrë jo!
Ashtu sikurse kurrë nuk do të harrohet puna e përpjekja Juaj për të ndihmuar viktimat e pasluftës. Ju ishit njerëzor. Respektuat deri në maksimum dinjitetin e njeriut.
Prandaj do të jeni i vlerësuar prej nesh gjithë jetën.
Ti ishe njeriu në kuptimin e plotë të fjalës. Po ja që njerëz të tillë nuk po jetokan gjatë se.
Jemi shumë të tronditur, por nuk kemi ç’të bëjmë.
E vërtetë është se Ti nuk je më midis nesh dhe të gjithë jemi të detyruar ta përballojmë këtë dhimbje të madhe.
Zoti të prehtë në paqe Tani ynë, shoku, miku e kolegu ynë i mirë.
Ah!

Total
0
Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Për siguri, kërkohet përdorimi i shërbimit reCAPTCHA të Google, i cili i nënshtrohet Politikës së Privatësisë dhe Kushteve të Përdorimit të Google.

Postime të Lidhura
Read More

GRAFOMANIA

GRAFOMANIA  PIKËPAMJE (Intervistë me vetveten) Met Rexhepi Le ta nisi për gjuhën. Çfarë gjuhe përdorim sot në komunikimin…