EMIN E. EGRIU: NJË KONSULLATË DIPLOMATIKE NË QYTETIN E ALFABETIT – MANASTIRIT

LETËR PUBLIKE
Kryetarit të Republikës së Shqipërisë z.Bujar Nishanit
Kryeministrit të Republikës së Shqipërisë z.Sali Berisha
Ministrit të Jashtëm të Republikës së Shqipërisë z.Edmond Panariti
Ambasadorit të Republikës së Shqipërisë në Shkup z.Arben Çejku
Të nderuar Zotërinj!

Dhe pak ditë mbarë Kombi Shqiptar Feston 104 Vjetorin e Kongresit të Manastirit i cili i zhvillojë punimet e tij për Unifikimin e Alfabetit të Gjuhës Shqipe nga data 14-22 Nëntor 1908 në qytetin e Manastirit. Kongresi i Alfabetit u mbajt në atë qytet ku ka qenë dikur qendra e lëvizjeve kombëtare. Burrat e mençur të kombit pa dallim feje dhe ideje vendosën njëzëri që alfabeti i gjuhës shqipe i cili deri në atë Kongres shkruhej me shkronja të ndryshme si arabe, greke dhe latine, vendosën që gjuha jonë e cila është e gdhendur në gurë, në gjak dhe në shpirtëra të kishte si të gjithë gjuhët e botës alfabetin e saj të njësuar me shkronja latine. Por sot pas kaq vitesh qyteti i Manastirit nuk është më qendra e kulturës shqiptare si dikur, popullsia jonë atje si pasojë e dhunës shtetërore nga ish-sistemi komunist jugosllav dhe nga shteti i sotëm sllavo-maqedonas e kanë braktisur dal ngadalë atë. Dhe ato pak familje shqiptare që kanë mbetur aty, jetojnë nën trysni dhe kërcënimet të vazhdueshme për tu larguar përgjithmonë nga shtëpitë e tyre.

………………………………………………………

Në qytetin e Manastirit gjenden rreth 12 përfaqësi diplomatike të vendeve të ndryshme si konsullata greke, kroate, turke, izraelite, ukrainase, franceze, ruse etj,. Shumë nga këto përfaqësi nuk kanë popullsi etnike në atë qytet, por përfaqësitë diplomatike janë hapur duke e ditur rëndësinë qytetit të lashtë të Manastirit.
Shqipëria para shumë viteve ka pasur konsullatën e saj në Manastir, nga periudha e Mbretërisë së Zogut, por edhe pas luftës së dytë botërore dhe gjatë periudhës së ish-Jugosllavisë, por me disa ndërprerje.
Në Gusht të vitit 2007, ish-ambasadori i Shqipërisë, tashmë i ndjerë z.Vladimir Prela deklaroj për mediet se brenda atij viti Republika e Shqipërisë do të kishte zyrë në Manastir me flamurin Kombëtar, pra 100 vjetori i Kongresit të Alfabetit do ta gjente të paktën me Konsull Nderi, por kaloj 100 vjetori i Kongresit dhe Konsullata nuk u hap. Amaneti i të ndierit ambasador z.Prelës nuk u realizua.
Në filli të vitit 2010 shoqata Kulturore – Atdhetare “Kongresi i Bashkimit” i dërgoj letër institucioneve të shtetit shqiptar për hapjen e Konsullatës dhe në Maj të vitit 2011, ish-Kryetari i Republikës së Shqipërisë z.Bamir Topi deklaroj se ka sensibilizuar Institucionin e Ministrisë së Punëve të Jashtme, i cili ka iniciativën ligjore për realizimin e këtij misioni Diplomatik, por që atëherë kaloj një vit dhe ende asgjë.
Atëherë zotërinj të nderuar të paktën për 100 vjetorit të themelimit të shtetit shqiptar bëjeni një dhuratë shqiptarëve kudo që janë, hapjen e Konsullatës në Manastir, sepse ky qytet na dhurojë një Alfabet të Njësuar.

………………………………………………..

Të nderuar vëllezër!
Ju themi dhe ju quajmë vëllezër, pasi edhe na ndajnë vendi ku jetojmë dhe punojmë, nuk pushojmë së qënuri vëllezër, sepse të gjithë shqiptarët kudo që gjendemi sot, jemi pasardhës të pellazgjëve, Pirros, të Aleksandrit dhe të Skënderbeut të Madh. Shumë shqiptarët ndër shekuj që u larguan nga trojet etnike pas fatkeqësive kombëtare dhe ekonomike nuk harruan as gjuhën, as traditat, as edhe detyrat kundrejt atdheut Mëmë. Mirëpo, sado që të gjendemi larg atdheut tonë të dashur Amë, sado që të bëhemi të mëdhenj në vend të huaj si njerëz, politikan, bizesmen, gjeneralë dhe ministra, nuk e harrojmë kurrë atdheun tonë të vërtetë nga i kemi rrënjët. Në Amerikë na thonë amerikan, në Itali italianë, në Greqi grekë, në Turqi turq, në Gjermani gjerman, në Zvicër zviceran e kështu me radhë, ne jemi mirënjohës ndaj këtyre kombeve që na përbujtin dhe na nderojnë si vëllezër të tyre, na besojnë poste drejtuese në qeveri, ushtri dhe në fushat e tjera të jetës, dhe ne nuk lamë asgjë pa bërë që të tregohemi bij të denjët të atdheut të dytë duke ju shërbyer me besnikëri siç u ka hije njerëzve të ndershëm dhe shqiptarëve me Besë. Por ne gjithnjë ëndërrojmë atë ditë të lavdishme e të ndritur që kombi shqiptar të ketë vendin e merituar, i respektuar nga kombet e tjera, të mos lëndojë nga përbuzja dhe përçarjet. Prandaj mendojmë që Shqipëria kudo ku ka shqiptar, kudo ku dikur qytetet në botë kanë qenë qendra të lëvizjeve kombëtare të hapen përfaqësi Diplomatike ose Konsullata Nderi. Nëse shteti shqiptar ka probleme ekonomike për ta hapur Konsullatën shqiptare në Manastir, do të ishte në nderit tonë si Lëvizje të Re – PUSH, me qendër në SHBA, tju ofrojmë ndihmë ekonomike për shpenzimet vjetore. Ne, shqiptarët kudo në botë të anëtarësuar në PUSH, jemi në gjendje ashtu si që moti të udhëhequr nga Noli, Konica dhe shumë burra të tjerë të mençur të marrim iniciativa të tilla kombëtare, kur bëhet fjalë për shtetin tonë Amë.
Duke besuar se letra ime nuk ka rënë në vesh të rëndë, ju urojmë të gjithë vllazve tanë. Gëzuar Festën e Kongresit të Alfabetit!


Emin Eddie EGRIU – Kryetar i PUSH-SHBA
Ish-kandidat Demokrat për në Kongresin Amerikan

03.11.2012
NEW JORK

…………………………………………..

…………………………………..

Total
0
Shares
Lini një Përgjigje

Adresa juaj email s’do të bëhet publike.

Postime të Lidhura