EPOPEJA E “RILINDJES” KOMBËTARE

EPOPEJA E “RILINDJES” KOMBËTARE

Telegramet venë e vinë

Nga Parisi në Athinë

E terezitëm Shqipërinë

Se vumë mbret Edvinë.

E nderuam dhe me kryqe

Mbi të cilat këndon qyqe.

Këndon qyqe për Shqiprinë

Gaz hare për Sërbinë.

Për Sërbinë dhe Greqinë:

Rroftë e qoftë ki horri inë.

Nga Franca kryqi si Toptani,

Greqia nga kriemitropolitani.

Kjo i pëlqen dhe Gjermanisë,

Kur ki i fërkohet Sërbisë.

Tek rrepet në Vlorë

foli Edvini me gojë.

Pse ankohi o vlonjatë

që u lash barkëthatë

se u bëra goxha pjacë

me shqop, drizë dhe lofatë.

Peshqesh ju prura prej Evrope

Lungomare si gjuhë lope.

Vlonjatët shajnë perëndinë:

Kur bëre derr dhe arrinë

Ç’deshe që bëre Edvinë!

Se na prishi terezinë.

Mbushi Vlorën me beton

që të djeg dhe përvëlon.

Në korrik bëhet hataja

Pleqve u bie damllaja.

Në Skelë në të madhin shesh

Betoni është bërë përshesh.

Nuk gjen një pikë hije

Si në mest Arabije.

Plasin fëmijë dhe gra

Sikur janë në Sahara.

Longomare moj virane

E bukur nga aropllani

Ujdisur nga dorë jarane

atje poshtë të plas xhani.

Evropa shkruajnë e thonë

Ç’bënet kështu në Vlorë

Mbushur gurë dhe beton

Vënt të unjim avionë.

Pse ankohi o vlonjatë

Për vapë në të thatë

U kam zgjedh kryebashkiak

Kryeinfermier për merak.

Ju kam zgjedhur për arësim

Infermiere me testim.

Shendeti juaj aferim.

Ju vlonjatë denbabaden

Pse nuk e doni mbrenë?

Do ju bëj fushë aropllani

Po dha pare Erdogani.

Ki krieministri inë

Na ka shtuar miqësinë

Me Sërbinë dhe Greqinë

Pa haruar dhe Turqinë.

Këtu brenda si doli fati

Ja prishi Lul harakati

Lë Tiranën luleborë

vrapin e ndal në Vlorë.

Me çitjanet në dorë

prapa i vjen taborë.

Prapa vjen qeveria

e mbështetur nga partia

pastaj nis zallamahia.

Më tutje administrata

Me sejmenë dhe qafira

S’di ç’të bëjë e ngrata

Lanë punët, lanë zira.

Kanë dalë për tefteriçë

Në zirë nuk ka punë hiçë

Qejf o qejf o pasha

Populli me bukë na mba.

Bridh o bir, hu më hu

Se kemi të madhin këtu

Gjashtë vjet në qeveri

Në zirë nuk i pa njeri.

Sa në Vlorë, Fier dhe Lesh,

Korçë, Berat e Bradashesh.

Në Skelë lier me bojë

Karamanjollë kam ngrerë

Kush s’më do, o ta pësojë

Mos të ndihet tjatër herë.

Rrofsh o mbreti inë

Na e ngreve ekonominë

Pa bukë le vegjëlinë,

Lëron plazhet, po gjë s’mbinë

Anë e mbanë mbolle zinë.

Për vete shtove babëzinë,

lumturinë dhe pasurinë.

Më 23 kanë Kongres

Përtej urës së Qabesë

Do venë të marrin avdes

Të palyrë dhe të pabesë.

Ata që s’kanë din e iman

S’njonë nënën dhe babanë,

halldupër dhe rrufjanë,

për pesë grosh shesin vatanë.

Pa do flasë dhe kryetari

Në zullume është i pari.

I pabesë në miqësi

Hajdut në qinosi.

I zoti në llogje e paravolira,

prapaskena dhe fëlliqësira,

I çkëthët, pelivan nga natira

Në dallavere dhe akrobacira.

Do thotë nonjëri nashtinë

Qysh e harove Salinë

Krushkn e parë të Sërbisë

E mbrojte rrezikzinë

Që i vu flakn Shqipërisë

Nga Vlora donte vetëm hinë.

Jo, se e harova mavrinë

Po në trembëdhjetën ja nximë

Dhe prumë Edvinë mavinë.

Salinë s’ka lumë që e lan

As në xhehnem, as në hapsanë.

Vlorë, në  19 mars 2019

Mato Labi

Total
0
Shares
Lini një Përgjigje

Adresa juaj email s’do të bëhet publike.

Postime të Lidhura