Nga Sheradin Berisha, facebook 19 korrik 2022
“E vërteta nuk dhunohet vetëm nga gënjeshtra, ajo mund të poshtërohet edhe nga heshtja.” Henri – Frederic Amiel (1821 – 1881) shkrimtar dhe filozof zviceran.
“Gjeneral Brigade”, Ruzhdi Saramati, përveç manipulimit dhe falsifikimit të historisë së Operacionit të UÇK- së “Shigjeta” (maj – qershor 1999) me ato “katër batalionet e famshme të brigadës 128”, pastaj shtrembërimin e të vërtetës për ketërmbëdhjetë (14) dëshmorët e rënë në fushëbetejat e DT-3, Gorozhup…, ai i ka manipuluar edhe deklaratat e Gjeneralit amerikan të NATO-s, Wesley Clark, lidhur me këtë operacion, të shkruar në librin e tij “Të bësh luftë moderne” (në origjinal: Waging Modern War)!
Ky “gjeneral brigade” edhe gënjeshtrat e ripërsëritura vite me radhë në shkrime e fjalime përkujtimore për dëshmorët, dhe në tërësi për Operacionin “Shigjeta” në Pashtrik, ia atribuon gjeneralit amerikan, W.Clark!
Unë e kam lexuar me shumë kujdes librin e gjeneralit Clark, dhe jam tmerruar kur i kam mësuar e kuptuar mirëfilli këto gënjeshtra e manipulime të Saramatit!
Në tubimin përkujtimor të mbajtur më 31 maj 2016 në ambientet e Memorialit të Dëshmorëve në Gorozhup, Ruzhdi Saramati (i prezentuar si “gjeneral brigade”), në prezencën e familjeve të dëshmorëve, veteranëve, invalidve dhe të denuarve politik, pastaj në praninë e ish kryetarit të komunës së Prizrenit,
– Dr.Ramadan Muja, të ish eprorëve të UÇK-së:
– Sadik Halitjaha,
– Kemajl Shaqiri,
– Ilir Dako,
– Esat Krasniqi (tashmë i ndjerë),
– Xhavit Dafku,
– Sokol Poga,
– Selim Krasniqi,
– Binak Gashi dhe pjesëmarrësve të tjerë…
Ruzhdi Saramati ka thënë (citoi):
“Po e vazhdojmë leximin me disa komunikata të gjeneralit të NATO-s Klark! Askush nuk mund të flasë më mirë dhe më saktë për 78 ditët e luftës së NATO-së ndaj ish Jugosllavisë së mbetur në vitin 1999 se sa gjenerali amerikan Wesley Clark, i cili ka udhëhequr të gjitha operacionet në terren. Clark në librin e tij “Modern War” (Lufta moderne) zbardh detajet e përgatitjes së kësaj aleance për të hyrë me forca tokësore ndaj Serbisë së Millosheviqit.
Clark tregon se marrja e pikës strategjike në kodrat e Pashtrikut nga Ushtria Çlirimtare e Kosovës i hapte rrugë NATO-së për të nisur me lehtë dhe më shpejtë operacionin tokësor ndaj Serbisë.
“Pak ditë me vonë morëm informata se UÇK-ja kishte trajnuar dhe nisur për Kosovë nga Shqipëria katër batalione me rreth 2 mijë luftëtarë. (…)
“Në Pashtrik ka operuar Brigada 128 e komanduar nga komandant Ruzhdi Saramati” – citon gjenerali Klark. “E cila operoi me Njësinë Speciale Diverzanto vëzhguese që e komandonte Safet Peci Boletini nga Mitrovica, dhe 4 batalione luftarake, dhe 1 bateri të artilerisë. Më 24 Maj të vitit 1999, Brigada nga Shtabi i Përgjithshëm i UÇK-së mori urdhrin për sulm në hapësirën kufitare të Gorozhupit e Pashtrikut.”
“Komanda e brigadës me në krye komandandin Ruzhdi Saramatin” – citon Klarku – hartoi planin strategjiko luftarak. Si vijë frontale ishte caku: Drini i Bardhë – Gryka e Lumës – Gorozhupi – Maja e Pashtrikut – Kurora – Shpella e pëllumbave e deri te Qafa e Prushit. Detyra kryesore ishte: Kapja e vijës përgjatë Drinit të Bardhë – Ura e Nashecit – Ura e Fshejtë, ndërsa në planin e detyrave të largëta ishte bashkangjitja me formacionet luftarake të Ushtrisë Çlirimtare të Kosovës në pikat: Kleçkë – Nishor – Zatriq. Kurse në Qafë Prush brigada 128 lidhej me brigadën 138 të Zonës Operative të Dukagjinit. Formacioni i brigadës 128 “Pashtriku” ishte si më poshtë:
Batalioni i II-të i komanduar nga oficeri i Ushtrisë Shqiptare të fshatit Bicaj të Kukësit Adem Shehu, në drejtimin nga Drini i Bardhë, Grykë Lumë deri në Gorozhup.
Nga Gorozhupi ishte i vendosur shtabi i brigadës dhe Bataljoni i I-rë vazhdonte në vijën frontale Gorozhup, Rrasa e Kuqe, i komanduar nga Komanda e Brigadës, respektivisht nga komandanti i Brigadës Ruzhdi Saramati.
Nga Rrasa e Kuqe, Maja e Pashtrikut, shtrihej batalioni i III-të, i komanduar nga komandanti trim Xhelal Limani nga Gadimja e Epërme.
Në vijën frontale nga Maja e Pashtrikut, Lugu i Zi; Qafë Mullar; Kurorë; Shpella e pëllumbave, shtrihej batalioni i IV-ërt i komanduar nga Abdurrahman Nazifi, me nofkën Bugari. Në krahun e majtë të batalionit të IV-ër, operonte në mbështetje të Brigadës edhe Batalioni “Atlantiku” me komandant Uran Rexhepin.
Ndonëse zyrtarisht asnjëherë kjo nuk është pranuar, të gjitha indikacionet flasin se plani “Shigjeta” për ta marrë rajonin e Pashtrikut nga ana e UÇK-së, ndonëse i miratuar nga ana e Shtabit të Përgjithshëm të Ushtrisë Çlirimtare të Kosovës, ishte i hartuar nga ana e ekspertëve ushtarak të shtetit shqiptarë të cilët madje kishin stërvitur ushtarët për t’iu përgjigjur planit dhe teknikave që dilnin prej atij plani.” Me kaq Klark e mbyll komentin e tij,” përfundon citati i shkëputur nga fjalimi i Ruzhdi Saramatit.
Dëshmi: Manipulimi i Ruzhdi Saramatit me thëniet e Gjeneralit Vesli Klark!
***
Për të mësuar më gjerësisht këtë histori të rrejshme në vijim ju ftojë të lexoni:
SHERADIN BERISHA: MANIPULIMET E RUZHDI SARAMATIT DHE E VËRTETA PËR OPERACIONIN ‘SHIGJETA’ – PASHTRIK, (MAJ – QERSHOR 1999) (PJESA E PARË)
***
SHERADIN BERISHA: MANIPULIMET E “GJENERALIT” RUZHDI SARAMATI DHE E VËRTETA PËR OPERACIONIN ‘SHIGJETA’ – PASHTRIK, (MAJ – QERSHOR 1999) (PJESA E DYTË)
***
SHERADIN BERISHA: MANIPULIMET E “GJENERALIT” RUZHDI SARAMATI DHE E VËRTETA PËR OPERACIONIN ‘SHIGJETA’-PASHTRIK, (MAJ-QERSHOR 1999) (PJESA E TRETË) https://pashtriku.org/sheradin-berisha-manipulimet-e-gjeneralit-ruzhdi-saramati-dhe-e-verteta-per-operacionin-shigjeta-pashtrik-maj-qershor-1999-pjesa-e-trete
***
Këtë fjalim me gënjeshtra Ruzhdi Saramati (në formatin e plotë) e ka botuar në disa portale.
Lexoni në vijim:
Clark: Beteja e UÇK-së në Pashtrik ishte hapja e terrenit për NATO-n
Edhe këtu:
Clark: Beteja e UÇK-së në Pashtrik ishte hapja e terrenit për NATO-n
https://www.facebook.com/KosovaToday.KS/posts/838205620316665
***
Derisa ky shkrim dhe fjalim me shumë gënjeshtra lexohet në portale e dëgjohet në youtube, historianët në çdo kohë mund t’i përdorin si referencë në studimet e tyre! Dhe në këtë mënyrë riciklohet manipulimi dhe falsifikimi i kësaj historie të lavdishme të UÇK-së!
Prandaj me këtë rast i bëjë thirrje Ruzhdi Saramatit që t’i largojë nga portalet dhe youtubet këto shkrime e fjalime, të cilat substancialisht e dëmtojnë historinë e vërtetë të Operacionit “Shigjeta” në Pashtrik, 26 maj – 9 qershor 1999!
————-
Në vijim shikoni e dëgjoni të plotë fjalimin me 99% gënjeshtra të “gjeneral brigade” Ruzhdi Saramati:
***
Fjalimi i Komandantit të Brigadës 128, Ruzhdi Saramati më 31.05.2016 në Gorozhup HAS
———-
SHTOJCË:
Për ta mësuar të vërtetën e Operacionit “Shigjeta” të bazuar në dëshmi themelore, në vijim ju ftojë të lexoni:
“MANIPULIMI I “GJENERALIT” RUZHDI SARAMATI ME LUFTËN E UҪK-së NË GOROZHUP, GJATË OPERACIONIT “SHIGJETA” NË PASHTRIK, (MAJ – QERSHOR 1999) VIDEO /
***
“MANIPULIMET E RUZHDI SARAMATIT DHE E VËRTETA PËR “BETEJËN” E PËRGJAKSHME TË 31 MAJIT 1999 NË FSHATIN POGAJ TË GOROZHUPIT!
