Pashtriku.org, 26. 02. 2016: Shefi i Zyrës për Kosovë, në Qeverinë e Serbisë, Marko Gjuriq, dje pas vizitës në Gorazhdevc dhe takimit me përfaqsuesit e Listës Srbska ka zhvilluar edhe një takim në katër sy me zevendëskryeministrin e Kosovës, Hashim Thaçi.
Burime brenda PDK-së, kanë bërë të ditur se Gjuriq është takuar me Thaçin në një restorant në periferi të Prishtinës.
Ky takim është organizuar fshehurazi dhe larg syve të mediave dhe publikut.
Marko Gjuriq dhe Thaçi kanë biseduar lidhur me seancën që do të mbahet sot, e ku do të votohet Thaçi për president.
Gjuriq sipas burimeve të portalit infokusi, e ka takuar Thaçin dhe e ka shpalosur një listë të kërkesave të tyre në këmbim të votave të deputetëve serb që janë në Kuvendin e Kosovës.
