KUJT NUK DUHET T’I BESOHET ASPAK, LAJÇAKUT APO BISLIMIT?
Nga Behxhet Sh. SHALA – BAJGORA
Vazhdojnë edhe për 24 muaj mashtrimet e Lajçakut
Miroslav Lajçak , bashkë m,e Borrellin janë të ngarkuar nga BE –ë për “ lehtësimin “ e dialogut për normalizim të marëdhënieve midis Kosovës dhe Serbisë. Që të dy janë të njohur si kundërshtarë të egër të pavarësisë së Kosovës që e kanë bërë publike çdoherë kur i ka pëlqyer Serbisë e që , pastaj , pas reagimeve të shumta në Kosovë janë arsyetuar se janë keqkuptuar apo keqcituar , deri në “ keqkuptimin apo keqcitimin “ e radhës. Për bashkëpunëtorë e kanë pasur një mashtrues të nivelit lokal , Besnik Bislimin , si udhëheqës i Kosovës në këto bisedime e që , në fakt vetëm ka shërbyer si profakturë e Albin Kurtit . E keni dëgjuar thënien e që përveç se është edhe shqetësim dhe brengë kryesore e kryeministrit Kurti kurse , unë e them se automatikisht duhet të shndërrohet në brengë dhe shqetësim kombëtar , faktin se Besnik Bislimi , nga brenga e madhe për Kosovën përkatësisht për Marrëveshjen për Energjinë , thuaja nuk fle fare apo edhe kur bjenë në gjumë , bjenë dhe zgjohet me këtë brengë , si Ali Pashë Tepelena për Vasiliqinë ! Mashtruesi ordinerë e që është edhe një gënjeshtar kronikë , Miroslav Lajçak iu vazhdua mandati për të vazhduar me këtë biznes edhe për 24 muaj të ardhshëm dhe , me përgjegjsësi të plotë e them se për këtë merita të mëdha kanë kryeministri Kurti dhe minhauzeni Besnik Bislimi . Aspak Aleksandar Vuçiqi . Tash , Lajçak po e lavdëron Kurtin pasi ky i fundit i paska zbutur qëndrimet për bisedime , nga një i pakompromis si opozitar dhe në fillim të mandatit , në një të disiplinuar krejtësisht , sipas recetës greke . Takimet e shumta dhe komunikimet e shpeshta me Lajçakun kanë ndikuar që këtij mashtruesi t’i vazhdohet mandati ndonëse nuk mund të krenohet me asnjë të arritur . Marrëveshja e “ keqe “ për Energjinë e nënshkruar nga Isa Mustafa u bë më pak e keqe kur u nënshkrua nga Besnik Muçiverca ndonëse nuk thuhet se ku ishte dallimi midis këtyre dy marrëveshjeve , asaj të nënshkruar nga Isa Mustafa dhe kësaj të kopijuar nga Besnik Muçiverca?! Po të njëjtin fat do ta ketë Marrëveshja për Personat e Zhdukur për të cilën mashtruesi Lajçak po thotë se 99.5 % është pranuar nga palët dhe mungojnë vetëm dy – tre fjalë për t’u nënshkruar. Besoj se ato fjalë janë : “ Mirë dita – Dobar dan ..”. Jam i sigurt se kjo Marrëveshje asgjë nuk do të ndihmojë në zbardhjen e fatit të personave të pagjetur dhe po keq-përdoret sipas parimit Placebo ku pacientit i ipet një ujë me sheqer në vend të një ilaçi që e shëron . Mashtrim sugjestiv i Placebos megjithatë prodhon një efekt për pacientin ndërsa mashtrimi i Lajçakut dhe shegërtit të tij Bislimit vetëm sa do ta vazhdojë ankthin nga pritjet për familjarët e të pagjeturve. Kështu po luhet loja , nënshkruhen marrëveshjet e arritura më parë në mënyrë ciklike , deri në kohën kur të piqet marrëveshja përfundimtare e që është futur në furrë ! Disi si menyja në disa restorante ku ushqimi servohet si pjata hyrëse , antipasta , pjata kryesore për të përfunduar me desert e në rastin konkret për Kosovën do të përfundojë me m..sihane . Edhe pas nënshkrimit të Marrëveshjes nuk do të largohen problemet . Për Marrëveshjen përfundimtare Serbia nuk është aspak e interesuar të arrihet qoftë edhe me koncesione territoriale në veri për faktin se Serbia ka interes që kjo gjendje të jetë e përhershme dhe nuk po i nënshtrohet presionit ndërkombëtar e që nuk mund të thuhet për Kosovën. Serbia është rreshtuar 100 % në anën e Rusisë dhe të Putinit ndërkaq nuk ka ndonjë veprim ndaj saj nga bashkësia ndërkombëtare . Në anën tjetër Albin Kurti , kryeminister dhe Vojsa Osmani , presidente ia kanë bërë Putinit dhe Rusisë vrimën e minit 300 groshë dhe çka fituan ?! Të trashët e Sules ! Pasi Maqedoninë e Veriut dhe Shqipërinë BE –e e futi në lojë maratonike , ka mbetur vetëm Kosova e vetmja vrimë e zezë në Evropë andaj po flitet për domosdoshmërinë e liberalizimit të vizave e cila , sigurisht do të ndodhë por se do ta përcjellë ecurinë e bisedimeve për normalizim. Liberalizimi i vizave do të përdoret si ilaç për qetësim kundër kompromisit të dhimbshëm të cilin na e përkujtojnë të gjithë ata që marrin vendime ndërsa , pjesa dërrmuese e qytetarëve të Kosovës mediokritetin dialogues të Besnik Bislimit do ta pranojnë si zgjidhje e natyrshme dhe më pak e keqe se ajo e Hashim Thaçit dhe Isa Mustafës. Menyja e ofruar për arritjen e një marrëveshjeje me Serbinë e që po i ofrohet Kosovës është një karrotë e lodhët prapa prapanicës së kryenegociatorit dhe shkopit të bejzbollit para syve të atyre që eventualisht nuk do të pajtohen me këtë. Jam i sigurt se ky kryenegociator , ana tjetër e pafytyres së Mirosllav Llajçakut do të pranojë çdo gjë që i vendoset në tavolinë. Ka gjasa që edhe në këtë rast të përsëritet rasti i Rambujesë , Kosova nuk do të përfitojë për shkak të gjenialitetit dhe topeve të Besnik Muçiverces por shkaku i kryeneçësisë së Aleksandar Vuçiqit . Si dikur Sllobodan Millosheviqi ! Për shkak të gjithëpërfshirjes dhe ndjeshmërisë në baza gjinore e që është standard ndërkombëtar , në mesin e mashtruesve të përmendur më lartë duhet t’i sigurojë një vend nderi dhe të merituar , deputetes , Viola von Kramon , Mimoza e Gjermanisë .
Zhvillimi ekonomik prodhonë bëmirësinë
Kryeministri Albin Kurti në të gjitha takimet në Kosovë , Shipashnicë dhe ato ndërkombëtare po deklaron se Kosova është tregim i suksesit në zhvillimin ekonomik , me një rritje prej 10 % sikur që i ka 25,000 punësime të reja apo vende të punës. Inflacioni është i papërfillshëm , as 15 %. Rrogat , pensionet , dhe ndihmat sociale nuk ka asnjë arsye të rriten shkaku se ka qëndrueshmëri në zhvillim . Po në të njëjtën kohë , kancelari gjerman Sholc , ka shpallur gjendje të jashtëzakonshme për shkak të thellimit të krizës ekonomike . Është pritur një vërshim i gjermanëve drejt Kosovës por , në botën e paradokseve po ndodhë diçka e panatyrshme , qytetarët e Kosovës me tërë këtë zhvillim ekonomik dhe mirëqenie po japin deri në 3000 euro vetëm për të siguruar një termin për vizë e që eventualisht do të siguronte hyrjen në shtetin gjerman ku është shpallur gjendje e jashtëzakonshme për shkak të krizës ekonomike . Kush është i marrë , në këtë mes ? Sipas kryeministrit e fjalës së tij padsikutueshëm duhet t’i besohet , ne qytetarët jemi të marrë , përjashtuar Besnik Bislimin ! Mirëpo , në kohën e krizave më të mëdha dalin në sipërfaqe bëmirësit e vërtetë ! Unë do t’i veçoja dy raste . I pari , ish –deputeti i Kosovës Sabit Rrahmani që po hapë puse me ujë për banorët e lodhur dhe të varfër në shtetet e Afrikës dhe , i dyti kur LVV –ë po hapë puse dhe kroje me ujë për deputetët e lodhur dhe të rraskapitur të Kuvendit të Kosovës në këtë vapë të madhe për shkak të punës së madhe që po e bëjnë në Kuvendin e Kosovës ! Në këtë rast nuk diskutohet fare humanizmi por se është vështirë të përcaktohet se kush është më human ! Megjithatë , i udhëhequr sipas parimit : “ larg syve , larg zemrës .. “ , përparësi do t’i ipja nismës së LVV për hapje të puseve dhe krojeve në Kuvendin e Kosovës sepse deputetët janë të Kosovës dhe i kemi afër syve si dhe shumë për zemër !
ZOT , të lutem bëre mirë . Jep mend aty ku nuk ka . Merrja do mend Besnikut e m’i jap mua sepse shumë kam nevojë për to . Kosovën po e shalojnë kalorësit dhe kalorëset e Apokalipsit që kanë filluar një kryqëzatë kundër të gjithë atyre që i kanë pasur në teftere të tyre partiake . Janë ngushtuar udhët duke u bërë rrugë qorre kurse po zgjerohen rrugët që çojnë drejtë Evropës , Amerikës dhe shteteve tjera . Nuk janë punët aspak mirë , të lihet e tërë kjo mirëqenie e të shkohet drejt një pasigurie ekonomike të shteteve të kapluar me krizë të thellë sikur janë Gjermania , Anglia , SHBA , Franca dhe shtetet skandinave , kjo tregon se jemi afër kijametit . Më heret pata menduar se mburoja kundër kijametit janë budallenjtë , fëmijët dhe kafshët , ashtu shkruan në librat e shenjtë . Tash , kur në Kosovë të gjithë janë të mençur , kur nataliteti ka rënë ndjeshëm dhe kur hajvanati është orientuar kryesisht drejt thertoreve dhe tregjeve , përfundimisht i kemi pisk punët !
Marshalli Hekuran Murati do të merret me listat e veteranëve të UÇK-së në vend se shkarkohet duke e rrahur me friskë bythëve . Në kohën e operacioneve plastike , nuk ka rëndësi çfarë fytyre keni , e modeloni sipas kërkesave politike dhe partiake .
Aktualisht i kemi dy llojë pelegrinazhesh në Kosovë , ata që shkojnë në Mekë për haxh , për të larë mëkate dhe për të fituar sevape dhe këta që shkojnë në Hagë për t’i vizituar pengjet shqiptare . Këta të Hagës atje shkojnë , jo për të larë mëkate por për të bërë mëkate . Sidomos këta të politikës . Sidomos këta të pushtetit që e kanë humbur durimin pse ende nuk janë dënuar me dënime kapitale armiqtë e tyre , luftëtarët e UÇK-së që i kanë çliruar këta politikanë . Realisht , Hashim Thaçi dhe Kadri Veseli janë dënuar qysh tani duke e marrë dënimin më të madh të mundshëm . Nuk janë vizutuar nga Besnik Bislimi !
20 korrik 2022 Prishtinë Behxhet Sh. SHALA – BAJGORA
